Skip to Content

Xornadas gastronómicas

Baixo a organización e supervisión dos departamentos de lingua francesa e inglesa, o alumnado do IESP Pedra da Aguia celebrou na xornada do xoves 11 de abril as súas xornadas gastronómicas franco-anglófonas.

Dende primeira hora da mañá, diversos grupos de alumnos e alumnas estiveron a preparar crêpes e pancakes como verdadeiros chefs, facendo a masa correspondente e cociñando os seus pratos. Ademais, prepararon unha ampla degustación de produtos, tales como queixos, croissants, cookies, tarta de cenoria ou pastas de té.

Os departamentos organizadores queren agradecer o éxito das xornadas e dos masterchefs. Para ver máis imaxes da xornada, facer clic aquí. 

Pesca e sostibilidade no instituto

Segue a intensa actividade das Escolas embaixadoras. Esta vez organizando unha mesa redonda sobre pesca e sostibilidade que contou con 5 persoeiros de altura que representaban de forma xeral o sector pesqueiro, tanto dende o punto de vista institucional como dende o punto de vista privado.

O evento tamén serviu para presentar o photocall das vindeiras eleccións europeas do 26 de maio: un submarino de case 4 metros onde tamén aparece a nosa Caramiña.

Máis en La Voz de Galicia, QPC, Diario Camariñán, Avante Toda,  Xunta de Galicia

Euroscola primeira parte

Os alumnos de 4º da ESO, embaixadores júnior do ano pasado e gañadores do concurso sobre o Patrimonio cultural a nivel autonómico, gozaron do seu premio na cidade francesa de Estrasburgo, onde tiveron a oportunidade de participar no programa Euroscola con 480 estudantes doutros países da UE.

Despois continuaron ata París e Disney, xa en plan relax, antes de volver ao centro e participar xunto cos novos embaixadores dunha charla de EuropeDirect A Coruña e do programa de radio A Cancela, de Ser Nordés, que se emitiu dende o noso Centro.

Máis en La Voz de Galicia, El Correo Gallego, Avante Toda, Ser Nordés, QPC, Diario Camariñán.

Outro premio máis

O IESP Pedra da Aguia volve estar de noraboa. Os embaixadores júnior deste ano foron quen de gañar a súa participación no programa Euroscola do Parlamento Europeo para o vindeiro curso. E levamos pleno, xa que as tres veces que nos presentamos ao concurso saldáronse con outras tantas victorias.

O reto que propoñía o Parlamento Europeo era conseguir implicar ao maior número de persoas para inscribirse na campaña "Esta vez voto". Sendo o centro máis pequeno dos máis de 50 participantes a nivel nacional, acadamos un meritorio terceiro posto que permitirá que 20 alumnos do noso instituto poidan viaxar en outono, case que de balde, ao hemiciclo desta institución en Estrasburgo para debater con máis de 400 rapaces dos 27/28 países da UE. NORABOA RAPACES!

II certame de relato curto en castelán

 

Un ano máis invitámosvos a escribir un relato curto en lingua castelá! Esta vez podedes escoller entre dúas imaxes para inspirarvos que atoparedes colgadas nos distintos paneis informativos do noso instituto.

Adxuntamos as bases do certame, mais as profesoras implicadas nesta actividade estamos á vosa disposición para solventar as vosas dúbidas.

IMAXINACIÓN AO PODER E MANS Á ESCRITURA!

 

Distribuir contido


by Dr. Radut