Skip to Content

Axenda

Intensa actividade en Bruxelas

Do 22 ao 28 de xaneiro, 24 alumnos de 3º da ESO tiveron a oportunidade de coñecer de preto dúas institucións comunitarias en Bruxelas (Parlamento e Consello europeo), falar con dúas eurodeputadas, facer obradoiros no Parlamentarium e na Casa da Historia de Europa e visitar a Fundación Galicia-Europa. Ademais, coñeceron o campo de batalla de Waterloo e cidades como Bruxas e Gante.

Máis información  en QPC, A Voz de Galicia, Diario de Bergantiños, O Correo Galego e Radio Nordés (dende o minuto 49.20)

O Parlamento de Galicia no Pedra da Aguia

No mes de decembro de 2023, o alumnado de 3º da ESO foi quen de coñecer o Parlamento de Galicia nunha dobre vertente. En primeiro lugar, recibiron a visita de tres ex deputados do parlamento e, posteriormente, desprazáronse ata Santiago para coñecer a sede do lexislativo galego no Pazo do Hórreo.

Máis info en El Correo gallego, QPC

Radio Escolar e Día de Europa

O venres 7 de maio inauguramos a nosa radio escolar, un proxecto que tiñamos pendente doutros anos. "Radio Aguia" foi o nome elixido por estudantes e profesorado e comezará a emitir en streaming a partir do vindeiro curso.

O acto estivo presidido pola alcaldesa, Sandra Ínsua, e contou coa participación de Radio Nordés, que emitiu en directo o programa de mediodía, "Vivindo a Costa da Morte".

O acontecemento fíxose coincidir coa celebración do Día de Europa, no que o alumnado tivo todo o protagonismo: encheron a entrada con carteis nos que se relacionou a Camariñas con Europa, fixeron unha coreografía con patíns portando todas as bandeiras da UE e, finalmente, bailaron ao ritmo de Jerusalema e interpretaron un par de cancións populares para homenaxear ao alumno Andrés Parga, recente campión de España de baile caribeño.

Novo premio para o IES Pedra da Aguia

O martes 16 de xuño tivo lugar de forma telemática a entrega dos premios do I Concurso de ideas creativas, convocado por EuropaDirect A Coruña para celebrar o Día de Europa. O noso instituto volveu acaparar as primeiras posicións. O traballo gañador foi realizado polas embaixadoras júnior Laura Sar, Noa Tedín e Andrea Rial, que recibiron como agasallo principal unha tableta.

Máis en QPC, La Voz de Galicia e El Correo Gallego.

Primeiro premio no Concurso EuropaDirect

Os embaixadores júnior deste curso seguen coa tradición de conseguir premios para o noso Centro. Neste caso, a actuación dos nosos embaixadores foi deslumbrante. Dos 30 traballos presentados no concurso de ideas sobre Europa, organizado por Europa Direct A Coruña para celebrar o Día de Europa 2020, 4 dos 6 que fixo o noso alumnado ocuparon os catro primeiros postos. Resultou gañador o vídeo "Unha viaxe virtual por Europa" de Laura Sar, Noa Tedín e Andrea Rial, as "Canicas". En segundo lugar quedou Alba González cunha interpretación ao piano do himno europeo. O podio completouno Ariadna Martínez cun debuxo sobre a xuventude europea. Parabéns!

Ler máis no Correo Gallego, Europe Direct

Respuestas Eurogame

En el archivo adjunto encontraréis las respuestas al Eurogame planteado por nuestra escuela embajadora. Espero que os haya gustado y que hayáis acertado un gran número.

Please, find enclosed a file with the answers to our Eurogame. Hope you have enjoyed it and  correctly matched most questions.

Distribuir contido


by Dr. Radut