Segue a in
tensa actividade das Escolas embaixadoras. Esta vez organizando unha mesa redonda sobre pesca e sostibilidade que contou con 5 persoeiros de altura que representaban de forma xeral o sector pesqueiro, tanto dende o punto de vista institucional como dende o punto de vista privado.
No evento tamén se presentou o photocall das vindeiras eleccións europeas do 26 de maio: un submarino de case 4 m onde tamén aparece a nosa Caramiña.
Máis en La Voz de Galicia, QPC, Diario Camariñán, Avante Toda, Xunta de Galicia
Entre os días 11 e 15 de febreiro de 2019, os 16 embaixadores júnior do Parlamento Europeo viaxaron por Europa para coñecer institucións comunitarias que normalmente non son obxecto de visita. Deste xeito, desprazáronse ata Luxemburgo para visitar o Tribunal de Xustiza e tamén estiveron en Frankfurt para unha visita guiada ao Banco Central Europeo. A viaxe completouse cun intercambio de ideas con outra escola embaixadora de Luxemburgo, as visitas aos cemiterios alemán e americano da II GM e aos museo e cemiterio xudeus.
O luns 17 de decembro de 2018, Horacio Díez, coordinador nacional das Escolas Embaixadoras do Parlamento Europeo, desprazouse ata o noso centro para ver in situ o infopoint europeo, coñecer aos embaixadores júnior e facer con eles diferentes dinámicas. Aproveitamos a visita para presentar o noso programa de actuacións para este curso que ten como eixo central o simulacro de eleccións europeas o vindeiro 9 de maio.
