Skip to Content

Programa DAFIS

Benvida ao espazo "Actívate"

 Benvidos/as a este novo espazo no que vos daremos a coñecer algunhas novas sobre o que está a acontecer neste Centro con respecto ás actividades físicas que organizamos e a outros aspectos que teñen que ver coa nosa saúde e o noso benestar.

Desde o Departamento de Educación Física queremos sumarnos á iniciativa de promover unha Vida Activa organizando a maior variedade de actividades físicas como nos sexa posible e convidarte a que participes nelas activamente; que te divirtas coñecendo novas prácticas e paseniñamente, ir adquirindo hábitos propios dunha vida sa.

Ao longo desta experiencia comprobarás a relación que ten a Actividade Física coas materias que estás a estudar, pero tamén, como todo o que estás a estudar ten moitísima relación coas actividades físicas que practicas. Verás a compañeiros facendo de reporteiros, buscando as novas sobre as actividades que se desenvolven no Instituto. A outros, tratando de indagar que ocorre dentro do noso organismo ao facer esforzos físicos. En desvelar algún dos segredos dunha alimentación sa empeñaranse algúns outros. E non faltarán aqueles que apliquen as novas tecnoloxías ao campo físico e deportivo, ou os que indaguen sobre os recursos dispoñibles na nosa bisbarra para poñerse en forma.

Non esperes máis!, súmate a nós e …

logo activate

FOMENTO DA PARTICIPACIÓN ACTIVA

03/10/2021 19:04

CELEBRACIÓN DO DÍA DE EUROPA E INAUGURACIÓN DE RADIO AGUIA

 

          Participamos activamente na celebración destes eventos en colaboración co Departamento de Xeografía e Historia e co Equipo Directivo do Centro. Resultou moi vistoso o desfile a patíns das bandeiras de todos os estados membros da Unión Europea e tamén moi emotiva a coreografía multitudinaria da canción Jerusalema…, e ademáis, pasámolo “pipa”! .

PROMOCIÓN CONSUMO DE FROITA

03/10/2021 19:00

 

SEMANA DAS FROITAS FRESCAS:

 

 

 

          ¿Cómo adaptar as normas sanitarias actuais a esta actividade?…demos un paso máis e organizámonos para repartir a froita en racións individuais para degustalas tranquilamente durante os recreos na nosa Sala de Usos Múltiples. ¿Conseguiremos gañarlle terreo ás “chuches”?

 

 

 

MATERIA DE LIBRE CONFIGURACIÓN

03/10/2021 18:58

HÁBITOS SAUDABLES:

          Pola súa banda, a profesora Berta de Hábitos Saudables, traballou distintos aspectos relacionados coa adquisición de hábitos saudables. Como mostra, este mural elaborado polo alumnado de 2º de ESO no que representaron a pirámide de alimentos e a sua relación coa inxesta cotiá de alimentos.

DAFIS

03/10/2021 18:50

 

PROBAS DAFIS DE VALORACIÓN DA CONDICIÓN FÍSICA:

 

 

 

                  De novo insistimos na valoración da nosa condición física. Esperamos ter resultados non demasiado baixos dada a situación que estamos a vivir. Por esta mesma cuestión houbo probas que non era recomendable realizar como o test de Course Navette e a proba de forza na Barra.

 

            Os resultados numéricos foron introducidos na platafoma dixital Dafis grazas á colaboración da profesora Gema de Informática; Con axuda da nosa profesora de Bioloxía Fabiola, tivemos comprendido os resultados obtidos e os efectos da pandemia sobre a nosa saúde.

                   Coa coordinación da profesora Silvia de Oratoria, fixemos debates e exposicións orais sobre distintos aspectos da situación excepcional que estamos a vivir. Ademáis de coller desenvoltura na oratoria individual, axudounos a sobrelevar mellor as medidas sanitarias implantadas. 

 

XOGOS POPULARES

03/10/2021 18:47

PROMOCIÓN DE XOGOS POPULARES:

          Ao longo deste curso construimos unha pista de xogos de lanzamento como “A Petanca” e “A Chave”. Xa foi estreada e moi utilizada, pero, sempre cumprindo as normas de seguridade!...

Distribuir contido


by Dr. Radut