Primeiro trimestre

No noso centro conmemoramos este día falando sobre cales son eses dereitos dos animais e das responsabilidades das persoas en relación aos animais domésticos. Neste sentido, supervisados pola cadeliña que nos visitou, fixemos unha lectura do libro "Animales como tú", con historias de animais de granxa recollidos pola Fundación Santuario Gaia.

Foi bonito comprobar que a gran maioría do alumnado ten animais na casa e que están concienciados co seu coidado e benestar. Como dixo Mahatma Gandhi, "Un país, unha civilización pódese xulgar pola forma en que trata aos seus animais".   Máis fotos no Vilán.

Continuando cas actividades para conmemorar o 25N, hoxe o alumnado e o profesorado de 1º e 2º ESO recibimos a visita de Marilar Aleixandre. Empregando como fío condutor a súa novela "A cabeza de Medusa", falounos sobre a violencia sutil e non reflexionada que envolve o noso día a día e á que estamos habituados.

Esta actividade desenvolveuse dentro do programa "Pasemos Páxina", organizado pola Asociación de Escritoras e Escritores en Lingua Galega (AELG).

Anímase ao alumnado a participar neste concurso para visibilizar e reflexionar sobre a loita contra a violencia de xénero.

Podedes presentar carteis, cómics,... e, tamén, realizar unha montaxe audiovisual (curta, danza, texto recitado,...) en grupos de máximo 8 persoas e separados en dúas categorías: 1º-2º ESO e 3º-4º ESO.

Cada grupo estará titorizado por un/a profesor/a.

Tedes de prazo para presentar as vosas creacións ata o 15 de novembro ás 15:00h.

Aquí vos deixamos o cartel e a convocatoria do concurso.