Skip to Content

Primeiro trimestre

Celebración Día das Linguas

Xov, 28/09/2023 - 11:21

O Día das Linguas é unha iniciativa do Consello de Europa para pór en valor a diversidade lingüística da Unión Europea e fomentar a aprendizaxe de distintos idiomas.

Conmemórase o día 26 de setembro e no IES Pedra da Aguia celebrámolo cun recital poético no cal alumnado de todos os cursos leron un fragmento do poema "O neno morto", de Lupe Gómez, nas distintas linguas que falan os nosos alumnos e alumnas.

Galego, castelán, catalán, portugués, árabe, francés, inglés, italiano e éuscaro foron os idiomas que se escoitaron na nosa Biblioteca nun acto artístico e reivindicativo do valor de todas as linguas coma patrimonio da Humanidade. 

 

Día das Linguas

Mar, 26/09/2023 - 11:06

O 26 de setembro conmemórase o Día das Linguas e celebrámolo na Biblioteca cun recital poético no que alumnado de todo o centro lerá un fragmento do poema "O neno morto", de Lupe Gómez, nos distintos idiomas que se falan na nosa comunidade educativa.

Poderemos escoitar o poema en galego, en castelán, en catalán, en portugués, en francés, en árabe...

Feliz Día das Linguas!

Servizo integral de reparación con cobertura total contra roturas accidentais do portátil do alumnado.

Ven, 27/01/2023 - 13:57

Información de como facer a contratación do seguro dos ordenadores e que cobertura ten con datos de contacto no documento adxunto.

SEGURO OPCIONAL PARA O PORTÁTIL:  Se así o desexa, pode contratar un seguro anual (válido dende setembro de 2023 ata agosto de 2024), que permite cubrir o risco dos danos no portátil non contemplados na garantía. O custe anual do devandito seguro é de 49 € (I.V.E. incluído), e a súa contratación pode realizarse a través do número de teléfono 881 505 136.

Prestige: 20 anos

Ven, 18/11/2022 - 12:25

O IES Pedra da Aguia conmemora o vixésimo aniversario do afundimento do Prestige cunha exposición organizada por Daniel Pasantes, alumno de 3º ESO, dentro do club de encontro de Cultura Camariñá.

Na exposición, que se pode contemplar na entrada principal do instituto, amósanse fotografías que recollen momentos destacados da traxedia acontecida hai 20 anos.

Esta mostra complétase con outra dedicada ao afundimento do Serpent, do cal se cumpren 132 anos nestas datas. 

A iniciativa forma parte das actividades realizadas dentro do club de encontro de Cultura Camariñá para poñer en valor o patrimonio cultural do noso concello.

Mes da ciencia en galego na Biblio

Ven, 11/11/2022 - 12:16

A Biblioteca conmemora o mes da ciencia en galego cunha ampla oferta de talleres que se celebrarán nos recreos durante esta semana e a vindeira. 

Dende o 14 ata o 25 de novembro, os departamentos de Matemáticas, Bioloxía e Física e Química organizarán obradoiros nos cales se poderán realizar calendarios de papiroflexia, xabóns exfoliantes ou descubriremos o azucre oculto que tomamos sen decatarnos. 

Podes consultar aquí o calendario coas actividades previstas para cada día e cada grupo.

Anímate a participar e a gozar coa ciencia máis próxima e divertida!

Concurso 25 novembro

Xov, 20/10/2022 - 12:35

Está aberto o prazo de presentación de traballos para o concurso de imaxes gráficas e pezas audiovisuais co que se conmemorará o 25 de novembro, Día Internacional contra a Violencia de Xénero.

O alumnado que desexe participar pode entregar as súas obras na Biblioteca ata o vindeiro 27 de outubro. Existen dúas modalidades de participación: 

- Imaxe gráfica: cómic, cartel, ilustracións...

- Pezas audiovisuais: curtas, videoclips, danza, texto recitado...

Haberá dous premios, un de 100 euros e outro de 50 euros, por cada categoría (1º-2º de ESO e 3º-4º de ESO) e por cada modalidade de participación (imaxe gráfica e peza audiovisual). O tema de todos os traballos debe consistir nunha reflexión sobre a violencia de xénero. Animádevos a participar!

Distribuir contido


by Dr. Radut