Skip to Content

VIII Torneo de Xadrez Intercentros en A Coruña

Xov, 09/05/2024 - 10:56

O venres, 3 de maio, un grupo de alumnos de todos os cursos asistiu ao VIII Torneo de Xadrez Intercentros que se celebrou no IES Fernando Wirtz da cidade da Coruña.

No torneo participaron centros educativos de toda a provincia e os nosos representantes nas finais foron Alejandro Lobelos (4º ESO), Raúl Salvador Mouzo (3º ESO) e Xabier López (2º ESO). 

A xornada resultaou moi amena e foi unha gran oportunidade para compartir a paixón polo xadrez con alumnado doutros institutos.

 

Visita do profesorado do IES Alexandre Bóveda

Mar, 16/04/2024 - 11:22

O 17 de abril recibiremos no noso Instituto a visita de varios profesores e profesoras do IES Alexandre Bóveda (Vigo).

Durante toda a mañá asistirán a diferentes actividades organizadas dende o noso centro. O profesorado visitante poderá ver como facemos os nosos habituais "almorzos saudables", percorrerán as nosas instalacións nunha visita guiada, entrarán nas aulas a observar o desenvolvemento de varias materias e tamén coñecerán a contorna do noso Instituto.

Esta actividade forma parte do proxecto "Observacción" que promove a colaboración entre profesorado e que se desenvolve ao longo de todo o curso no IES Pedra da Aguia e outros centros de Galicia.

Previamente, unha representación de profesorado do noso Instituto xa visitou o IES Alexandre Bóveda en Vigo.

Encontro con Carlos Negro

Mar, 16/04/2024 - 10:56

O alumnado de 4º ESO participou nunha xuntanza co poeta lalinés Carlos Negro ao longo da mañá do día 9 de abril.

Durante o encontro, o autor faloulles sobre a poesía e axudoulles a sacar fóra o poeta que todos levamos dentro coa realización de diferentes prácticas de escrita lírica. Deste xeito, elaboraron varios textos poéticos coa axuda deste recoñecido autor galego. 

Carlos Negro ten publicados numerosos poemarios en lingua galega, moitos deles dirixidos ao público xuvenil.

Plan Navega con Rumbo

Ven, 12/04/2024 - 05:32

Obradoiro sobre Saúde Mental

Sáb, 06/04/2024 - 08:55

O alumnado de toda a ESO recibiu esta semana un obradoiro sobre saúde mental impartido por APEM, a Asociación Pro-Enfermos Mentais de Cee ao que acudiu un usuario do centro para contar a súa experiencia ao noso alumnado.

Obradoiro de Educación Afectivo - Sexual impartido por Quérote +

Sáb, 06/04/2024 - 08:47

Este venres día 5 de abril o alumnado de 3º da ESO realizou o taller de Educación Afectivo - Sexual impartido por Quérote +, cos seguintes obxectivos:

  • Crear un espazo de reflexión sobre a influencia das nosas emocións no noso comportamento.
  • Contribuír a ter unha actitude de cultivo cara á sexualidade.
  • Expoñer a sexualidade coma unha fonte de diversidade e riqueza.
  • Analizar as fontes de información arredor da sexualidade.
  • Subliñar a importancia do bo trato e dunhas relacións sas.
  • Coñecer a anatomía e fisioloxía sexual humana.
  • Informar sobre os diferentes métodos de protección e ITS.
Distribuir contido


by Dr. Radut