O pasado martes, rapaces de 3º e 4º visitaron o parque eólico experimental de Sotavento (Xermade). Alí non só puideron entrar á base dun deses aeroxeradores que ven cada día pola ventá, senón que percorreron o interior dunha vivenda bioclimática con elementos de domótica, coñeceron as características e situación actual dos diferentes sistemas de produción de enerxía eléctrica e concienciáronse sobre a necesidade de adoptarmos medidas de aforro enerxético. Sabiades que, só superados por neveira e lavadora, os consumos ocultos son xa dos maiores gastos enerxéticos no fogar? A partir de agora, imos apagar a tele no botón e desenchufar o cargador cando lle quitemos o móbil!
Preme aquí para ver as fotos da xornada.
