Bo Nadal 2020
Somos conscientes de que comezamos este primeiro trimestre con moitos temores e incertidumes de como sería a volta ás aulas. Agora que xa rematou este primeiro trimestre, podemos valorar moi positivamente o grao de compromiso que tivestes coas medidas de prevención ante a covid 19, para que todo se desenvolvera coa maior normalidade posible.
Estamos xa a piques de rematar este ano 2020, que trouxo moitos cambios nas nosas vidas, cambios non desexables, que nos fixo mudar moitos hábitos e que nos puxo moitas barreiras a diario e que segue a facelo. Pero aínda así, tamén nos fixo valorar as pequenas cousas do noso día a día, a darnos conta da felicidade que estaba ao noso redor e non valorabamos, a recoñecer o valor dun abrazo ou de xuntarnos coa familia e cos amigos e amigas, entre outras moitas.
Por iso non queremos desaproveitar a ocasión para desexar a toda a comunidade educativa unas felices festas e un próspero ano 2021.
GRAZAS por formar parte desta gran familia, vémonos no ano novo. Mentres, gozade da vosa familia, dos vosos amigos e amigas e de todo aquilo que vos enche de risas, de ledicia e de benestar.
Bo Nadal 2020!