Actividades

Visita do alumnado de Xeografía de 2º Bacharelato a Meteogalicia

Xov, 14/12/2023 - 01:15 — IES de Valga

O alumnado de Xeografía de 2º Bacharelato visitou as instalacións de Meteogalicia acompañado dos profesores Modesto Fontán e Xoán Carlos Montejano do Departamento de Xeografía e Historia. Participaron nunha "Sesión formativa sobre meteoroloxía e aparellos meteorolóxicos": primeiro fixeron unha visita á sala de Predición Operativa, onde puideron observar as ferramentas que os preditores empregan para o desenvolvemento do seu traballo e escoitaron unha breve explicación de como o desenvolven. A continuación, asistiron na sala didáctica a dúas charlas, unha sobre conceptos básicos da meteoroloxía e da climatoloxía e outra sobre aproximación ao coñecemento de como se mide o tempo, a través da presentación dunha estación meteorolóxica e exposición de instrumentos meteorolóxicos tanto manuais como automáticos. A actividade foi organizada polo departamento de Xeografía e Historia.

Alumnado de 4º ESO A e 1º Bacharelato de Historia do Mundo Contemporáneo visita o Museo Massó e a antiga fábrica de salgadura de Mourisca

Xov, 16/11/2023 - 22:59 — IES de Valga

O mércores 15 de novembro, o alumnado de 4º ESO A e de Historia do Mundo Contemporáneo de 1º Bacharelato visitou o Museo Massó e a antiga fábrica de salgadura de Mourisca na localidade pontevedresa de Bueu, onde coñeceron o seu o patrimonio marítimo e industrial.
Na visita guiada polo edificio do museo descubriron as salas onde se atopan: a colección de instrumentos de navegación, documentos e libros antigos, obxectos curiosos e maquetas de barcos históricos; tamén os espazos que se adican á actividade industrial da familia Massó: as súas fábricas de salga e de conservas e a caza da balea.
Na antiga fábrica de salgadura de Mourisca, situada na praia do mesmo nome, na paraxe natural de Cabo Udra en Beluso (Bueu), fixeron un itinerario guiado sobre a historia da industria da salgadura de peixe e o proceso de traballo nunha fábrica de salgadura.
Foron acompañados polos profesorado Paula Antía Rey, Modesto Fontán e Juan Carlos Montejano. A actividade foi organizada polo departamento de Xeografía e Historia.

Alumnado de 4º ESO e 1º Bacharelato visita o Pazo do Faramello en Rois

Mér, 18/10/2023 - 23:44 — IES de Valga

O alumnado de 4º ESO B e de Historia do Mundo Contemporáneo de 1º Bacharelato visitou, o mércores 18 de outubro, o pazo do Faramello (Rois). Durante a visita guiada o alumnado achegouse á historia desta edificación do s. XVIII na que se albergou a primeira Real fábrica de papel de Galicia, empregouse como arsenal na guerra contra a invasión napoleónica e mesmo foi residencia estival do rei Afonso XIII. Ao remate o alumnado plantou un liquidámbar, no Xardín dos Recordos. Foron acompañados polos profesorado Paula Fernández, Nieves Gómez e Modesto Fontán. A actividade foi organizada polo departamento de Xeografía e Historia.

Alumnado de 4º ESO fai un percorrido polo patrimonio histórico-artístico de Valga

Mér, 07/06/2023 - 19:39 — IES de Valga

O luns 5 de xuño, o alumnado de 4º ESO percorreu diferentes espazos do concello de Valga para coñecer o seu patrimonio histórico-artístico. A saída incluíu a visita ao pazo da Bouza, ás igrexas parroquiais de San Miguel, Xanza, Setecoros e Cordeiro e outras construcións de interese do concello como o Cruceiro de Cerneira ou a Igrexa Vella de Cordeiro.
Tamén puideron coñecer algo máis de persoeiros ilustres de Valga como Xesús Ferro Couselo, o pai Isorna e Celestino Carbia cunha visita ao cemiterio de Cordeiro, onde se atopan enterrados.
Foron acompañados polo profesorado Cristina Lobato, Vanessa Fernández, Diego Botana e Juan Carlos Montejano. A actividade foi organizada polo departamento de Xeografía e Historia.

Alumnado de 1º ESO visita o Parque Arqueolóxico da Arte Rupestre de Campo Lameiro

Xov, 04/05/2023 - 16:54 — IES de Valga

Alumnado de 1º ESO realizou unha visita didáctica ao Parque Arqueolóxico da Arte Rupestre de Campo Lameiro (PAAR) na mañá do xoves 4 de maio. Nesta actividade e, a través dos guías do Parque, aprendeu o mundo simbólico oculto entre as rochas e a paisaxe deste espazo. Ademais puido participar nun taller de exhibición de lume e un obradoiro didáctico de cerámica.
O alumnado foi acompañado polas profesoras: Paula Fernández, Mar Tejero, Ana Castro e Lucía Iglesias. A actividade foi organizada polo departamento de Xeografía e Historia.