Skip to Content

Celebramos o Día das Letras 2021

Obradoiro de muñeira con Miguel Sotelo

O venres 14 de maio conmemoramos o Día das Letras Galegas 2021, homenaxeando á escritora Xela Arias. Pese a non poder realizar a xa consolidada “Bota unha Carreira pola Lingua”, si tivemos, adaptándonos ás medidas sanitarias vixentes, outras actividades nas que participou activamente o alumnado da ESO, 1º Bacharelato e FP Básica. O festival programado polo departamento de Dinamización da Lingua Galega e a Vicedirección tivo como escenario os dous patios e por alí pasaron, alternando as súas actuacións: o monologuista Quico Cadaval, a función de monicreques Alacrán e o obradoiro de muiñeira a cargo de Miguel Sotelo; ademais houbo competicións deportivas, con agasallo para os gañadores, actuación do alumnado que pertence á Banda de Música de Valga co mestre Manuel Villar ao fronte e, por suposto, a interpretación do Himno Galego, xunto cun recordo moi especial para a escritora homenaxeada este ano, Xela Arias,  da que se fixo unha referencia biográfica e unha lectura dalgúns dos seus textos. 

Para ollar máis fotos, picar neste enlace.

Máis información picando no facebook do concello de Valga.

Monicreques Alacrán:“O pequeno cabaret de tolos”

Himno Galego. Día das Letras Galegas 2021: Xela Arias

Orde que regula procedemento de reclamación das cualificacións

Publicada a  Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2020-2021 e modelos oritentativos.

Máis información picando no seguinte enlace: https://www.edu.xunta.gal/portal/node/33549

A Bilbioteca conmemora á escritora Emilia Pardo Bazán

Conmemoración centenario Emilia Pardo Bazán

A Bilbioteca do noso centro conmemorou o centenario do falecemento de Emilia Pardo Bazán, recordando a unha das grandes novelistas españolas do século XIX e principios do século XX.  Ademais de escritora, poeta, ensaista e periodista, loitou pola igualdade dos dereitos da muller. No seguinte enlace pódese acceder ao conto “El encaje roto“ da biblioteca virtual Cervantes:
http://www.cervantesvirtual.com/obra-visor/cuentos-de-amor--0/html/fee33ed8-82b1-11df-acc7-002185ce6064_3.html#I_37_

Día das Letras Galegas 2021 no IES Valga

Día das Letras Galegas 2021

Alumnado de 1º Bacharelato asistiu á charla "Carvalho Calero e a lusofonía"

Alumnado de 1º Bacharelato na charla "Carbalho Calero e a lusofonía"

O martes 11 de maio, o alumnado de 1º Bacharelato asisitiu, na súa aula de referencia, á charla "Carvalho Calero e a lusofonía" impartida polo profesor Paulo Fernandes Mirás, especialista na obra de Ricardo Carvalho Calero e membro da Academia Galega da Lingua Portuguesa (AGLP). O alumnado puido coñecer aspectos como a norma estándar da Lingua Galega e a obra de Carvalho Calero. A actividadce foi organizada polo Equipo de Dinamización Lingüística do noso centro.

Alumnado de 1º Bacharelato na charla "Carbalho Calero e a lusofonía"

Distribuir contido


by Dr. Radut