"En bici á escola": "Bicikleteando"

Enviado por Anónimo o Mar, 31/05/2022 - 15:23

Este curso académico o IES de Brión participa no proxecto "En bici á escola": "Bicikleteando".

Nel, levamos a cabo varias actividades relacionadas co mundo da bicicleta e a mobilidade sostible.

Os días 19 e 20 de maio, os alumn@s de 1º ESO (un total de 86 alumnos) disfrutaron dunha xornada na que a bicicleta foi a nosa protagonista.

ACTIVIDADES NAS FRAGAS DO EUME, ALVARELLA, PONTEDEUME E RÍA DE ARES

Enviado por carmengf o Ven, 27/05/2022 - 18:53


O pasado xoves 28 e venres 29 de abril, o alumnado de 3º de ESO desfrutamos dunha estancia de dous días moi intensos en Alvarella, na contorna de Pontedeume, organizada por Educación Física.

O xoves, despois da chegada a Alvarella, puxemos rumbo cara ás Fragas do Eume para realizar unha andaina.

No roteiro, reflexionamos sobre a importancia da natureza e o coidado que hai que ter sobre ela, da man de monitores de Alvarella.

Durante o percorrido, visitamos o Mosteiro de Caaveiro e logo xantamos no antigo recinto dos muíños, perto do río, que estaba invadido pola vexetación.

De volta a Alvarella, e despois de acomodarnos nas nosas habitacións, fixemos dúas actividades: tiro con arco e orientación no bosque, para aprender a manexar o compás.

Pola noite, tivemos unha velada nocturna, onde fixemos o xogo "atrapa a bandeira". Tanto gostamos del, que o repetimos varias veces...non tiñamos sono nin cansanzo!

Ao día seguinte, fixemos por grupos unha actividade de orientación con mapa e compás polos arredores do aloxamento. TIñamos que ir atopando distintos lugares marcados no mapa e realizar as probas indicadas en cada sitio. Gañaba o equipo que máis lugares e probas realizara. Esta actividade levóunos toda a mañá.

Despois de xantar, despedímonos de Alvarella e puxemos rumbo a Pontedeume. Alí, dividímonos en dous grupos e fixemos canoa na ría de Ares, guiados polo clube Firrete, e o xogo das descubertas en Pontedeume, para coñecer máis aspectos da cultura e historia desta bonita vila.

Coa chegada ao instituto, xa case á noitiña, rematamos a excursión, con moito cansanzo pero tamén con moita pena e que esta viaxe acabara.

Xa estamos preparadas e preparados para a seguinte!

Flavia Maceiras e Silvia Rabuñal, 3º ESO B

Para ver o arquivo de fotografías, preme aquí.

PARABÉNS AS GAÑADORAS AUTONÓMICAS "AS DO PEIXE"

Enviado por Dirección o Dom, 22/05/2022 - 15:47

O xurado dos Premios Buero da Fundación Coca-Cola acaba de conceder o Premio Autonómico ao grupo de teatro do IES de Brión “Teatro das Maniotas” pola súa representación da obra “As do peixe”, texto de Cándido Pazó e dirección de María Dolores Santos e Ariadna Álvarez.

Na seguinte fase, o grupo compite co resto de gañadores/as autonómicas en Madrid.

OS NOSOS PARABÉNS A ESTE GRAN GRUPO!!

CRITERIOS DE PROMOCIÓN E TITULACIÓN

Enviado por Dirección o Xov, 19/05/2022 - 20:40

No seguinte arquivo podedes acceder  aos criterios CRITERIOS DE PROMOCIÓN E TITULACIÓN da Educación Secundaria Obrigatoria e Bacharelato.

ARQUIVO

CONVOCATORIA ESTALMAT-GALICIA 2022

Enviado por Dirección o Xov, 19/05/2022 - 20:26

O Proxecto ESTALMAT-Galicia para Estímulo do Talento Matemático en estudantes da nosa Comunidade Autónoma anuncia a Convocatoria 2022 da proba de selección dirixida a estudantes nacidos nos anos 2008, 2009 e 2010, que conformarán a promoción número 15.

O proxecto ESTALMAT-Galicia iniciou a súa andadura no curso 2007-2008, integrado no Proxecto ESTALMAT, iniciativa da Real Academia Española de Ciencias Exactas, Físicas y Naturales de España. Conta co apoio da Consellería de Cultura, Educación e Universidade, da Axencia Galega de Innovación, do Centro de Supercomputación de Galicia (CESGA) e da Facultade de Matemáticas da Universidade de Santiago de Compostela (USC). Nas diferentes edicións, as Deputacións das catro provincias galegas apoiaron economicamente o programa.

O obxectivo de ESTALMAT-Galicia é detectar e prestar atención a nenas e nenos con talento matemático. Trátase de desenvolver aspectos que permitan axudar a pensar en matemáticas, resolver problemas e, en definitiva, pasalo ben coas matemáticas ao tempo que se detecta e canaliza o talento matemático para mellor proveito da sociedade.

Poden acceder a toda a información relativa a convocatoria no seguinte  ENLACE

SOLICITUDE DE AXUDAS PARA MATERIAL ESCOLAR CURSO 2022-23

Enviado por Dirección o Xov, 19/05/2022 - 16:06

Orde do 18 de maio de 2022, DOG Núm. 95 (18/05/22) (xúntase pdf do DOG coa convocatoria)

Prazo.- ata o 22 de xuño de 2022 incluído.

Beneficiarios/as.-

     -Axudas para material escolar: alumnado matriculado en ESO.

     -Fondo solidario de libros:  o noso centro está incluído no proxecto educación dixital (EDIXGAL) no curso 2022/23polo que está excluído da participación no fondo solidario de libros de texto e das axudas para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde.

Documentación necesaria.-

    -Impreso de solicitude ED330B (Anexos I e II): (xúntase impreso solicitude pdf instrucións para cubrila)

    -Copia de documento que acredite a unidade familiar (a data 31/12/2020): Libro de familia, sentenza de divorcio/convenio regulador, ou no seu defecto certificado de convivencia expedido polo Concello correspondente.

    -Se é o caso: Certificado do grao de discapacidade do alumno ou calquera membro da familia. Documentación xustificativa de situación de violencia de xénero. Resolución de acollemento de alumnado en situación de tutela da Xunta de Galicia.

Forma de presentación de solicitudes.

    -Preferentemente a través da aplicación FONDOLIBROS. Unha vez cubertos os datos, a aplicación xera unha solicitude numerada que poderán presentar:

    -Na Sede Electrónica da Xunta de Galicia:  ACCESO SEDE ELECTRÓNICA 

    -Presencialmente no centro educativo.

    -En caso de non ter acceso á aplicación Fondolibros, poderán presentarse solicitudes (Anexo I e II) cubertas manualmente no propio centro, así como en calquera dos lugares e rexistros establecidos na normativa reguladora do procedemento administrativo.

ORDE DO 29 DE  ABRIL DE 2022: AXUDAS E FONDO LIBROS:

LIGAZÓN
IMPRESO SOLICITUDE ED 330B (ANEXO I E II): LIGAZÓN
INSTRUCIÓNS PARA CUBRIR IMPRESO: LIGAZÓN
MANUAL DO USUARIO PARA O CIDADÁN LIGAZÓN
 PDF INSTRUCIÓNS FONDO LIBRO 2022_23 LIGAZÓN

CONVOCATORIA ORDINARIA ABAU

Enviado por Dirección o Dom, 15/05/2022 - 19:00

O proceso de matrícula nas probas ABAU na convocatoria ordinaria de 2022 para o alumnado de 2º de BAC que supere o curso na avaliación ordinaria de 2º de BAC realizarase entre os días 19 ao 23 de maio.

  • Día 19 de maioxoves: na secretaria do centro recollida de impresos e documentación ou descarga, cumprimentación de impresos  e abono taxas.
  • Días 20 e 23 de maio, venres e luns: entrega de documentación na Secretaría. (abono de taxas, impresos de solicitud de título e prematrícula en ABAU, copias DNI, etc.). Comprobación de datos e recollida de impresos na Secretaría. Recollida da documentación a levar ás probas ABAU, comprobación da matrícula.
  • Día 23 luns: recollida da documentación a levar ás probas ABAU, comprobación da matrícula.
  • Días 7, 8, 9 de xuño 2022 exames ABAU da convocatoria ordinaria.

INSTRUCIÓNS E DATAS IMPORTANTES:

IMPRESOS: (descargar e cubrir os 3)

  1. Impreso para o pago das tasas ABAU se non se fai online.
  2. Impreso para o pago do título de bacharelato (descargar modelo) Para descargar o modelo premer en "INICIAR TASA", premer no candado aberto e despois en "DESCARGAR MODELO".
  3. Impreso de prematrícula na ABAU

ADXUNTOS:

  • VIDEO:


III CERTAME CULTURAL IES DE BRIÓN: FALLO DO XURADO

Enviado por Dirección o Ven, 13/05/2022 - 13:56

MODALIDADE RELATO CURTO:

Categoría A: (1º, 2º e 3º de ESO)

  • 1º PREMIO: Zoe de Rojas (2ºD)  polo seu traballo “Seino todo”, asinado co pseudónimo Zurena PrayerO xurado acordou outorgar dous segundos premios nesta categoría:
  • 2º PREMIO: Camila Mosteiro Carvajal (2ºD) por “As nosas guerras”  ,asinado co pseudónimo Belcourt
  • 2º PREMIO: Aroa Prieto Fernández (1ºB) por “Non é inevitable”,asinado co pseudónimo Tileresa

Categoría B: (4ºESO, 1º e 2º Bacharelato)

  • 1º PREMIO: Simón Rivas Capeáns (2º BACH) polo seu traballo “O meu poder? A imaxinación”, asinado co pseudónimo Chimpi

MODALIDADE POESÍA:

Categoría A:

  • 1º PREMIO: Ruth Busto Domínguez (2ºB), por “As nosas guerras (e só nosas)”
  • 2º PREMIO: Pablo Blanco Valiñas (1ºB), por “A beira do río”, asinado co pseudónimo Roberto de Brión.

MODALIDADE CARTAZ:

Categoría A:

  • 1º PREMIO: Candela Pérez Iglesias (1ºC)  por “Loitas internas”, asinado co pseudónimo Nirvana.
  • 2º PREMIO: Laura Tajes Pais (2ºD) por “Consecuencias da guerra”, asinado co pseudónimo Chifugod.

O xurado acordou deixar desertos os premios na modalidade de Novas Tecnoloxías e suxeriu á organización do Certame adiantar as datas de celebración desta cita en próximas edicións, para favorecer a participación do alumnado.

Formaron o xurado do III Certame Cultural, en representación do centro Bárbara Carballo, Suso Sambade e Vicente Fornés,  e pola Anpa, María José Espiñeira, Elena Remesar e José Manuel Velo.

Os premios entregaranse na Biblioteca do Instituto, o 18 de maio, durante o segundo recreo.

Brión, 12 de maio de 2022

AVALIACIÓN ORDINARIA 2º BACHARELATO 2021-2022

Enviado por Dirección o Xov, 12/05/2022 - 21:47
  • SESIÓNS DE AVALIACIÓN: 18 de maio á tarde.
  • ENTREGA DOS BOLETÍNS DE CUALIFICACIÓNS AO ALUMNADO: a partir das 20.00 horas na Secretaría do centro e publicación das cualificacións en AbalarMóbil asi como por correo electrónico.
  • REVISIÓN DE EXAMES: 19 de maio de 2022 de 10.00h a 14.00h. Todo o profesorado que imparte clase en 2º de Bacharelato estará no centro para revisión de exames.
  • RECLAMACIÓNS ÁS CUALIFICACIÓNS DE BACHARELATO: 19 e 20 de maio de 2022 ata as 14.00h.
  • ENTREGA DAS RESOLUCIÓNS DOS DEPARTAMENTOS Á DIRECCIÓN: antes das 12.00 horas do 23 de maio de 2022.
  • ENTREGA DAS RESOLUCIÓNS DAS RECLAMACIÓNS AOS INTERESADOS/AS: 23 de maio de 2022 ás 13.00 horas.
  • EXAMES ABAU: 7, 8 E 9 DE XUÑO DE 2022

DESCARGA AQUÍ:

Horario de materias ABAU a partir do 18 de maio

Procedemento e modelos de formularios para a reclamación das cualificacións

(modelos de formularios editables .odt)

CALENDARIO PROBAS MATERIAS PENDENTES MAIO

Enviado por Dirección o Xov, 28/04/2022 - 20:54

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.