Departamento de Tecnoloxía
_
Enviado por luz o Xov, 26/04/2007 - 11:24O departamento de Tecnoloxía está formado polas profesoras:
Luz R. L. Xefa de departamento, que imparte as materias de Ed. Dixital en 3º ESO, Intelixencia Artificial e Dixitalización e 4º de ESO, Tecnoloxía e Enxeñería I II en Bacharelato.
Eva P. F., imparte as materias de Tecnoloxía e Dixitalización en 1º ESO, Tecnoloxía e Ámbito Científico en 4º de ESO, en 1º de Bacharelato, e Tecnoloxía Industrial II en 2º de Bacharelato.
Javier A., que imparte Tecnoloxía e Dixitalización en 1º ESO, Tecnoloxía e Dixitalización en 2º ESO, TIC I en 1º de Bacharelato.
2º PREMIO NA 7ª COMPETICIÓN DE ROBOTS DA ESCOLA DE ENXEÑARÍA INDUSTRIAL DE VIGO
Enviado por luz o Lun, 13/05/2024 - 14:07Un grupo de alumnado de Tecnoloxía, Intelixencia Artificial e Dixitalización de 4º de ESO e Tecnoloxía e Enxeñaría de 1º de Bacharelato, foron os representantes do IES de Brión na 7ª Competición de robots da Escola de Enxeñaría Industrial de Vigo.
O alumnado, que cursa robótica nas respectivas materias, estivo durante varias xornadas fóra do horario escolar optimizando a programación e montaxe do robot no centro previamente á xornada celebrada o pasado 19 de abril.
Contamos coa colaboración do departamento de Debuxo, para a creación do deseño e estampación con serigrafía de camisetas en diferentes cores para o evento. O deseño foi elaborado a partir dunha imaxe da "Máquina de diferencias" de Ada Lovelace e Charles Babbage.
Nesta edición participaron 500 estudantes, organizados en 97 equipos, distribuidos nos 9 tapices de competición. Todos os equipos do IES de Brión pasaron á final na 1ª fase, en 1ª e 3ª posicións no respectivo panel. Na final do concurso na que competiron os grupos mellor clasificados en cada tapiz, os grupos de 4º de ESO acadaron un 2º e 4º postos, sendo agasallados con reloxios intelixentes e 1º de Bacharelato acadaron unha 5ª e 8ª posicións.
Felicitamos a todo o alumnado que representou ao instituto na 7ª edición da Competición.
Accede ás novas sobre o evento:
"Unha invasión robótica toma a Escola de Enxeñaría Industrial". DUVI
"Unha invasión robótica se apodera de la Esculea de Ingeniería Industrial". Vigo Hoy
"500 estudiantes participaron en la séptima edición de la Competición de Robots de Galicia". Quincemil
"Los robots invaden el campus". Faro de Vigo
CONCURSO DE ESTRUTURAS DE ESPAGUETES
Enviado por Eva Pardiñas o Mér, 01/05/2024 - 18:56Durante o segundo trimestre o alumnado de 1º E.S.O. na materia de Tecnoloxía e Dixitalización elaborou un proxecto de estruturas.
As estruturas(pontes) serían de espaguetes con unhas determinadas dimensións e deberían salvar unha luz de 30 cm. Ademais as súas barras non deberan superar os 10 espaguetes.
Sometémolas a unha proba de carga, e valoramos aquela que mais peso soportase en relación a súa masa.
Premiamos tamén aquela estrutura que mais gustase aos nosos xuíces do Departamento de Debuxo, así como ao alumnado de primeiro.
Deixamos aquí as dúas estruturas gañadoras.
Parabéns a todos polo traballo realizado!!
7ª COMPETICIÓN DE ROBOTS DA ESCOLA DE ENXEÑARÍA INDUSTRIAL DE VIGO
Enviado por luz o Ven, 19/04/2024 - 10:14Un grupo de alumnado de Tecnoloxía, Intelixencia Artificial, Dixitalización 4º de ESO e Tecnoloxía e Enxeñaría de 1º de Bacharelato participan o venres 19 de abril na 7ª Competición de robots da Escola de Enxeñaría Industrial da Universidade de Vigo.
O alumnado participou o pasado venres nun obradoiro de serigrafía en colaboración co departamento de Debuxo para a preparación de camisetas para o evento.
Parabéns ao alumnado polo esforzo e traballo realizado.
Programacións Curso 2023_24
Enviado por luz o Xov, 01/02/2024 - 22:03Programación Tecnoloxía e Dixitalización 1º ESO Programación Intelixencia Artificial p.s. 4º ESO
Programación Tecnoloxía e Dixitalización 2º ESO Programación Tecnoloxía 4º ESO
Programación Educación Dixital 3º ESO Programación Dixitalización 4º ESO
Programación Tecnoloxía e Enxeñaría I 1º Bach Programación Ámbito científico 4º PDC
Programación Tecnoloxia e Enxeñaría II 2º Bach Programación TIC I 1º de Bacharelato
OBRADOIRO DE ROBÓTICA
Enviado por luz o Ven, 10/11/2023 - 23:35O alumnado de Tecnoloxía e Intelixencia Artificial para a Sociedade de 4º de ESO asistiu o venres 10 de novembro ao Obradoiro Galego "A maxia da Robótica" organizado por IGACIENCIA no IES Menéndez Pidal Zalaeta da Coruña.
|
||
O alumnado traballou, compartiu e programou un robot en grupo dirixido por monitores na fase inicial, para superar os retos propostos na seguinte fase. Unha estupenda xornada na que disfrutaron da Programación, Robótica, compartir ideas e propostas para chegar a unha solución final.
D’TEC: INNOVANDO A OMBROS DE XIGANTES
Enviado por luz o Ven, 03/11/2023 - 23:00O 27 de outubro o alumnado de 1º de Bacharelato da modalidade de Ciencia e Tecnoloxía asistiu á actividade "Innovando a ombros de xigantes" do programa D’tec de fomento das vocacións científico-tecnolóxicas, organizada polo CIS Tecnoloxía e Deseño de Ferrol.
Durante a mañán o alumnado participou nun espectáculo no que se rememoraron momentos clave da evolución científico tecnolóxica, recreando experimentalmente as achegas e analizando a súa importancia e participaron nun scape room no que un dos nosos equipos rematou os desafíos en primeiro lugar.
Parabéns a todos os participantes e ás máis rápidas en rematar o desafío.
PARTICIPACIÓN DE TECNOLOXÍA E ENXEÑARÍA NO PROXECTO "A CAIXA SOSTIBLE"
Enviado por luz o Dom, 04/06/2023 - 18:58O grupo de Tecnoloxía e Enxeñaría I de 1º de bacharelato participou no proxecto "A caixa sostible" da Escola de Enxeñaría de Minas e Enerxía da Universidade de Vigo. O alumnado traballou nas actividades de eficiencia enerxética e pegada de carbono no estudo dos bloques temáticos de Tecnoloxías sostibles e Proxectos de investigación presentando os resultados acadados no seguinte póster que poderás descargar premendo na imaxe.
CHARLA E OBRADOIRO SOBRE INFORMÁTICA VISUAL
Enviado por luz o Ven, 02/06/2023 - 08:47O pasado martes 30 de maio, Eva Cernadas, profesora da da área de Ciencias da Computación e Intelixencia Artificial Na USC estivo no centro impartindo dúas actividades:
- A charla "Por que "nacín" enxeñeira?, dentro do programa "A Ponte entre o Ensino Medio e a USC” co alumnado de TIC I e Tecnoloxía e Enxeñaría I.
- O obradoiro "Informática visual na Medicina e Bioloxía" co alumnado de 1º ESO B.
Desde o IES de Brión queremos agradecer unha vez máis a Eva a súa labor divulgativa amosando a relación da ciencia e tecnoloxía coa vida cotiá, a través das aplicacións informáticas que desenvolveu no seu grupo de investigación e aproximándonos a referentes femininos, moitas veces descoñecidos no mundo da enxeñaría.