Belén Moldes Pais, alumna de 2º de bacharelato no curso 2017/18, é unha das oito persoas becadas do programa "Acércate", que organiza o Centro Nacional de Investigaciones Cardiovasculares (CNIC).
Na segunda quincena do mes de xullo desenvolverán un proxecto que achega a investigación en mediciña cardiovascular a alumnado de toda España con media de dez en bacharelato. Ademais de realizar diferentes prácticas terán a oportunidade de asistir a ponencias de relevantes figuras da cardioloxía como o propio Dr. Valentín Fuster, padriño do proxecto.
Ver a nova en La Voz de Galicia
.
As probas extraordinarias terán lugar os días 3, 4 e 5 de setembro.
A Consellería de Cultura, Educación e Ordenación Universitaria convoca axudas para a realización de actividades formativas STEM en lingua inglesa, STEMweek, no ano 2018 destinadas ao alumnado dos centros docentes sostidos con fondos públicos. No DOG do 12 de xuño publícase a ORDE do 23 de maio do 2018 pola que se aproban as bases e se convocan axudas para a realización de actividades formativas STEM en lingua inglesa, STEMweek, no ano 2018.
Esta é unha convocatoria para alumnado de 3º e 4º de ESO que cumpran, entre outros requisitos, ter acadado no curso 2016/2017 unha nota mínima de 6 na materia de inglés.
O lugar onde se realizará esta actividade será o Centro Residencial Docente da Coruña, en réxime de internado de domingo ao sábado seguinte.
As datas para o alumnado seleccionado serán:
- do 26 de agosto ao 1 de setembro no caso de alumnado de 3º ESO
- do 2 ao 8 de setembro para o alumnado de 4º ESO.
O prazo de presentación de solicitudes será dun mes, contado a partir do día seguinte ao da publicación da orde no DOG.
Acceso á nova en edu.xunta.gal.
Acceso ao extracto da Orde da convocatoria.
O alumnado de 1º de Bachateto de Tecnoloxía Industrial e Debuxo Técnico, ben de obter o 1º premio no concurso "Sensores 2018" que convoca Igaciencia e que conta co patrocinio do Concello da Coruña.
Este premio recoñece a calidade de BrionXbot, un robot deseñado, fabricado, controlado e programado integramente polo alumnado, inspirado nas esculturas cinéticas de Theo Jansen.
Este proxecto desenvolveuse como proxecto interdisciplinar dos departamentos de Tecnoloxía e Debuxo no último trimestre do curso e contou co soporte do Laboratorio de Formas Procesos e Materiais do noso centro, aberto este curso 2017/18 no contexto dos Contrato-programa da Consellería de Cultura, Educacion e O. U.
A entrega de premios tivo lugar o pasado xoves 21 de xuño no IES Ramón Menéndez Pidal - Zalaeta da Coruña.
Fátima Viqueira Barca e Alberte López Freire, que acudiron ao acto en representación do alumnado participante no proxecto, explicaron os aspectos máis salientables do mesmo e fixeron unha demostración do funcionamento do robot.
BrionXbot é un robot de seis patas distribuídas en dous trens situados nos costados dun corpo central ou chasis. Cada tren está formado por tres patas articuladas montadas sobre un cigüeñal e ancoradas nun eixe fixo. A rotación do motor move estes mecanismos de tal xeito que os extremos das patas describen unha traxectoria cíclica de avance. Está dotado de diversos sensores que nos permiten recoller datos sobre distancias, temperatura, humidade e luminosidade. O Bluetooth e a pantalla LCD permiten ler e graficar os datos obtidos a través dun smartphone ou directamente no robot. Tamén é posible controlar os movementos do robot de modo remoto dende un teléfono móbil vía Bluetooth.
Manuel Díaz Regueiro (Presidente de Igaciencia), Silvia Cameán Calvete (Concelleira de Xustiza Social e Coidados do Concello da Coruña) e Valentín García Gómez (Secretario Xeral de Política Lingüística), que posan co robot no acto de entrega de premios, felicitaron ao alumnado polo seu traballo.
A nova na web educativa do Concello da Coruña
O traballo "O entroido en Europa" da alumna Eirena Souto Pazó de 1º ESO resultou premiado na modalidade de secundaria no certame “Deseño de aplicacións informáticas coa ferramenta Scratch”.
Este traballo permítenos facer unha apaixonante viaxe por Europa para coñecer os entroidos tradicionais de moitos lugares. Poderemos participar nestas festas con distintos minixogos e coñecer aos personaxes destes entroidos.
Este traballo foi realizado na materia de "Programación" no contexto da convocatoria realizada polo Colexio Profesional de Enxeñería Técnica en Informática de Galicia ligada ao programa “Aprendo programando” do “Plan proxecta“.
Accede á nova en "La voz de Galicia"
Accede á nova en "Faro de Vigo"
Accede á nova en "Código cero"
A serea from IES de Brión on Vimeo.
Traballo realizado polo alumnado de 1º ESO na materia "Obradoiro de Teatro, Expresión Corporal e Ritmo".
A Consellería de Educación convoca axudas para adquirir libros de texto e material escolar para o alumnado matriculado en educación secundaria obrigatoria en centros docentes sostidos con fondos públicos para o curso escolar 2018/19.
Orde do 9 de maio de 2018 DOG do 21 de maio de 2018
Destinatarios:
Fondo solidario de libros de texto: alumnado de 1º, 2º, 3º e 4º de ESO; cursos nos que, necesariamente se manterán os libros de texto do curso 17/18.
Axudas para material escolar: todo o alumnado de ESO.
Prazos de presentación de solicitudes:
- Dende o 22 de maio ó 23 de xuño de 2018.
- O alumnado que, unha vez transcorrido o prazo indicado, se incorpore a un centro docente sostido con fondos públicos procedente de fóra de Galicia ou dun centro situado en Galicia pero non sostido con fondos públicos poderá presentar a solicitude no prazo dun mes contado a partir do día seguinte á formalización da matrícula. Non se poderán presentar solicitudes despois do 31 de marzo de 2019.
- O alumnado que repita 4º da ESO e aquel que non obtivera praza en FP Básica no curso 2018/19, cando non tivese presentado solicitude de axuda para adquirir libros de texto e material escolar no prazo indicado, tamén poderá presentala no prazo dun mes dende a formalización da matrícula.
Lugar de presentación das solicitudes:
As solicitudes presentaranse preferiblemente por vía electrónica a través do formulario normalizado disponible na aplicación https://www.edu.xunta.es/fondolibros/ ou na sede electrónica da Xunta de Galicia (procedemento ED311D).
Opcionalmente, poderanse presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.
- Ser pai/nai/titor ou titora legal do alumnado matriculado nos cursos obxecto desta convocatoria , nun centro sostido con fondos públicos de Galicia, durante o curso 2018/19.
- Terá preferencia para esta adxudicación o alumnado en situación de garda ou tutela da Xunta de Galicia ou cunha discapacidade igual ou superior ao 65 %, con independencia da renda.
- Para o alumnado de educación secundaria obrigatoria ter unha renda per cápita familiar igual ou inferior a 9.000 euros (para libros de texto) e 5400 para material. Para o alumnado matriculado en EE, en centros específicos ou en unidades de EE de centros ordinarios, ou cunha discapacidade igual ou superior ao 65 %, a contía das axudas será de 250 euros con independencia da renda per cápita da unidade familiar.
- Ter devolto os libros de texto e/ou material reutilizable adquirido coas axudas do curso 2017/18. O prazo máximo para esta devolución será o 22 de xuño 2018 (alumnado de educación secundaria obrigatoria que teña algunha materia pendente ata o 7 de setembro de 2018).
- O alumnado matriculado nos centros e cursos incluídos no proxecto educación dixital (E-Dixgal) no curso 2018/19 está excluído da participación no fondo solidario de libros de texto e das axudas para adquirir libros de texto. Pero terá dereito á axuda para adquirir material escolar.
Concederanse as axudas segundo a renda per cápita familiar no ano 2016:
1º. Renta per cápita familiar igual ou inferior a 5.400 euros: 6 libros**.
2º. Renta per cápita familiar superior a 5.400 euros e igual ou inferior a 9.000 euros: 4 libros**
**(o número de libros poderá incrementarse se houbera existencias suficientes)
A contía da axuda para adquirir material escolar destinado ó alumnado matriculado en ESO con renda per cápita familiar igual ou inferior a 5.400 € será de 50 €. O alumnado que estea en situación de garda ou tutela da Xunta de Galicia, será beneficiario desta axuda con independencia da renda.
O pasado 24 de abril, o alumnado de 4º ESO iniciamos a nosa viaxe de fin de etapa, que este ano foi a Cantabria; na compaña dos profesores Nanina Santos, Suso Sambade e Noa Carrera, e grazas a organización de Carmen García. Poidemos desfrutar de distintas actividades, tanto lúdicas como culturais: as covas de Altamira e do Soplao, Santillana del Mar, Santander, o Parque da Natureza de Cabárceno, Fuente De, ademais do descenso en canoa do río Deva e o parque de aventura en árbores de Colombres. Foi unha experiencia inesquecible, aprendemos moito e pasámolo xenial!!
Saída do alumnado de 4º ESO 2017/18 from IES de Brión on Vimeo.
Xunta de Galicia - Consellería de Educación, 2013 | ||
