NOVO HORARIO DE ATENCIÓN AO PÚBLICO

Enviado por Dirección o Ven, 08/05/2020 - 13:44

A partir do luns día 11, o centro permanecerá aberto para atención ao público no horario habiltual de 9 a 14 h. Esta atención presencial será só naqueles casos que non poidan resolverse telematicamente. Para os demais continuará a atención no teléfono do centro: 881 86 60 58 e no correo electrónico: ies.brion@edu.xunta.gal

PARA INFORMACIÓN SOBRE MATERIAS PENDENTES

Enviado por Dirección o Xov, 07/05/2020 - 11:13

Para información sobre materias pendentes diríxanse ás/aos Xefes/as de departamento das materias respectivas. Están identificados con X.D no listado de contactos do profesorado:  ENLACE

ADMISIÓN E MATRÍCULA DO ALUMNADO. CURSO 2020/2021

Enviado por Dirección o Mér, 06/05/2020 - 16:26

No día de hoxe publicouse no Diario Oficial de Galicia a Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020.  Segundo o cal restablécese o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma.

NOVO PRAZO: DO 11 AO 18 DE MAIO DE 2020

Este novo prazo é só para alumnado procendente de centros non adscritos ao IES de Brión que non presentou a solicitude no mes de marzo. O alumnado do centro adscrito (CEIP de Pedrouzos) xa está admitido.

PRAZO DE MATRÍCULA: do 1 ao 10 de xullo e do 1 ao 10 de setembro

QUERES PARTICIPAR NO PROXECTO EpD Lab?

Enviado por Dirección o Mér, 06/05/2020 - 16:22

Ao longo de 9 sesións (unha ao mes), o alumnado de 2ºC estivo traballando este curso cuestións como o sexismo, o racismo ou a xenofobia ao tempo que explora conceptos como a obxectividade e a subxectividade, a ficción e a non-ficción ou as fake-news en fotografía, cine e series, redes sociais, canles de youtube... Cada mes, abordamos unha temática concreta a través da súa representación nos medios e coñecemos as técnicas, os recursos narrativos que fan posible que ese imaxinario mediático se integre no cultural e, polo tanto, na sociedade en si mesma.

O peche dos centros de ensino impediunos celebrar nas aulas os últimos obradoiros. Pero a distancia física non ten porque ser tamén social e pedagóxica, así que o equipo do proxecto apostou por trasladar os contidos e metodoloxías presenciais á contorna dixital.

O EpDLab está deseñado e desenvolvido polo equipo técnico de Agareso e financiado por Cooperación Galega. Podedes coñecer máis sobre o proxecto nas seguintes ligazóns:

https://vinte.praza.gal/artigo/adolescentes-que-reflexionan-sobre-a-desigualdade-usando-as-narrativas-dixitais

https://www.agareso.org/wp-content/uploads/2019/10/EpDLab-CINAIC19.pdf


Se queres alumno/a ou docente e queres participar, contacta connosco!

Na seguinte táboa, PINCHANDO nos distintos cursos aparecen reflectidas  as plataformas, recursos e correos do profesorado de cada un dos grupos. O alumnado pode servirse desta táboa para acceder DENDE OS ENLACES DAS PLATAFORMAS QUE APARACEN EN CADA ARQUIVO ás tarefas enviadas polos/as docentes durante a 3ª AVALIACIÓN.

Para que as FAMILIAS contacten co profesorado deixamos a súa disposición o seguinte enlace que os levará aos seus correos:

CURSOS
1º ESO A 2º ESO A 3º ESO A 4º ESO A 1º BACHA 2º BACH A
1º ESO B 2º ESO B 3º ESO B 4º ESO B 1º BACH B 2º BACH B
1º ESO C 2º ESO C 3º ESO C 4º ESO C    
  2º ESO D  

 

PARA ACCEDER AO TRABALLO INICIAL E A INFORMACIÓN MANDADA DURANTE O PERIODO DO 16 DE MARZO AO 27 DE MARZO PINCHAR NO SEGUINTE ENLACE E DENDE AÍ ELIXIR A TITORIÍA CORRESPONDENTE:  ENLACE

PODERÁN ACCEDER  AOS VIDEOTITORIAIS PARA FAMILIAS E DOCENTES SOBRE OS SERVIZOS  DIXITAIS EDUCATIVOS DENDE O SEGUINTE BOTÓN:

Para o alumnado que non teña conexión a Internet na casa, estamos preparando material e intentaremos facérllelo chegar. Sabemos de algúns casos, pero probablemente non de todos. Se estás nesa situación, ponte en contacto con nós no teléfono do IES que se indica máis abaixo. Se sabes de alguén que está nesa situación, dille que se poña en contacto.

Insistimos en que é para ir facendo con calma, con tranquilidade, na medida en que as familias o consideren oportuno. Só queremos axudar, non aumentar o estrés que trae consigo esta situación.

Deixamos tamén a disposición das familias e alumnado o correo da nosa orientadora, Esperanza: esperanza@iesbrion.comasí como unha serie de consellos para levar mellor este periodo. Podedes acceder a eles pinchando nos seguintes enlaces:

Un saúdo a todo o mundo, paciencia e moito ánimo!!

A Dirección.

DÍA INTERNACIONAL DAS RAPAZAS NAS TIC

Enviado por luz o Xov, 23/04/2020 - 17:33

Un curso máis, mesmo nestas circunstancias tan extraordinarias, celebramos no IES de Brión o día Internacional das rapazas nas TIC, participando nunha multiconferencia web, organizada pola aula e-learning do CESGA, na que coñecimos a catro mulleres galegas excepcionais que traballan e investigan en ámbitos relacionados coas Novas Tecnoloxías: Amparo Alonso Betanzos, Isabel Expósito Pérez, María Fernández Hermida, Patricia Mañana Borrazás.

Desde o IES tamén participamos na 4ª edición de Wisibilízalas, convocatoria do Departamento ETIC da Universidade Pompeu Fabra que presenta os seguintes obxectivos:

  • Romper estereotipos de xénero asociados a carreiras STEM.
  • Potenciar referentes femininos actuais que servan de inspiración as máis xóvenes.
  • Promocionar o uso da tecnoloxía e o traballo en grupo mediante a creación de páxinas web.

STEAM MATES é a páxina creada por alumnado das materias de Debuxo Técnico e e TIC de 1º de Bacharelato, na que presentamos a un grupo de científicas e enxeñeiras galegas ou que traballan en Galicia: Elena Vázquez, Mar Capeáns, Ana María González, Joana Silva, Mabel Loza, María Pardo, María Rilo, Paula Ojea, Mónica Bugallo, Carmen Misa e Soledad Torres, ás que agradecemos a súa participación no proxecto.

Ambas actividades están enmarcadas no proxecto "STEAM en feminino" do Plan Proxecta "Rapazas emprendedoras nas TIC" no que participa o instituto.

CERTAME CULTURAL IES DE BRIÓN: AMPLIACIÓN DE PRAZO

Enviado por Dirección o Dom, 19/04/2020 - 20:47

Anímate a participar porque aínda estás a tempo!!!

Amplíase o prazo do certame cultural do IES de Brión ata o 3 de maio.

Escolle unha modalidade: poesía, relato curto, cartaz. Consulta máis abaixo a convocatoria. 

Esperamos os teus traballos!!!

PROPOSTAS PARA A SEMANA SANTA DENDE A CASA

Enviado por Dirección o Ven, 03/04/2020 - 19:33

Dende a casa tamén se poden facer moitas cousas esta Semana Santa, a parte dos retos que vos propuxemos hai días e dos que tedes información máis abaixo, de participar no certame cultural do que tamén tedes a convocatoria e das propostas que vos fixeron dende a Biblioteca, agora:

Dende o blog da Biblio lanzan: EU LEO NA CASA: QUE ESTADES A LER? Asómate e verás... Hai unha morea de posibilidades. https://bibliobrion.blogspot.com/

A USC (Universidade de Santiago de Compostela) dentro do programa A Ponte está organizando para os días 6, 7 e 8 de abril uns Encontros virtuais orientados ao alumnado e as familias. Nestas xornadas realizaranse presentacións das titulacións (titulos de grao da USC), obradoiros, retos e videoconferencias. Pódese acceder a partir do sábado 4 de abril a través do seguinte enderezo https://www.usc.gal/gl/encontros-virtuais

I CERTAME CULTURAL IES DE BRIÓN: APÚNTATE!

Enviado por Dirección o Mar, 24/03/2020 - 16:53

UN ANTÍDOTO CONTRA O COVID-19: ACEPTAS O RETO?

Enviado por Dirección o Ven, 20/03/2020 - 20:32

Despois destes primeiros días “tan distintos do que ven sendo habitual” dende o instituto queremos enviarvos unha mensaxe de tranquilidade e de ánimo!!

A día de hoxe cremos que todos e todas xa tedes material para traballar e non perder o ritmo, sendo conscientes de que as realidades familiares son moi distintas, algúns con moitos medios, outros con problemas de conexión...calma!! Seguimos aquí para axudarvos e en canto voltemos a normalidade retomaremos explicacións, dúbidas e algún que outro “enfado” (isto dito dende o cariño ;-)

Un dos temas máis importantes nestes momentos pode ser ter un tempo para reflexionar, para desenvolver o sentido de resiliencia, esa capacidade de superarse antes as adversidades, de empatía poñerse no lugar de outros. O que estamos vivindo é algo que pode deixarnos unha pegada importante, por iso queriamos convidarvos a que plasmedes como vai todo e imos propoñervos varios retos divertidos, para que teñades outras ocupacións, non só as académicas.

Podedes escoller entre os propostos:

RETO Nº1: Elaborar un diario, pode ser de moitos xeitos: escrito, gravando o día a día e contando a vosa experiencia, con un cómic, facendo unha presentación, diario compartido con algúns amigos/as...

RETO Nº2: Onde vivo: podedes facer un anuncio da vosa aldea, rúa, concello, con carteis, con música, utilizando o humor …

RETO Nº3: Facer un eslogan, un gif sobre o COVID-19 o humor axuda a reducir “os agobios”

RETO Nº4: Investigar sobre o COVID-19, e outras pandemias históricas, ou facer unha reflexión sobre o illamento, a soidade... ou algún tema do teu interese.

RETO Nº5: Facer fotos dalgún momento na casa, coa familia, coa mascota, vendo a tele, mirando a rúa ... , unha instantánea que pasado este tempo de confinamento, nos provoque un sorriso ou mesmo unha bágoa.

RETO Nº6: Escribir unha poesía ou compoñer unha canción expresando os teus sentimentos estes días e gravarte léndoa ou cantándoa.

RETO Nº 7:  Crear un vídeo curto entre 1-3 min dalgún tema de interese para eles que relacionen  co COVID-19.

A volta, dende nas titorías, coñeceremos as vosas propostas e poden optar a PREMIO!!!!

IMAXINACIÓN E HUMOR SEMPRE !!! ÁNIMO E PACIENCIA QUE XA QUEDA MENOS!

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.