CONTACTO CO CENTRO DURANTE O PERÍODO DE SUSPENSIÓN DAS ACTIVIDADES

Enviado por Dirección o Lun, 16/03/2020 - 17:50

A atención ao público, durante o tempo que dure a suspensión das actividades por mor do coronavirus, farase por vía telefónica en horario de 10 a 13 h no teléfono do centro: 881 86 60 58.

Infórmase a alumnado e familias de que, para calquera consulta poden chamar nese horario a ese teléfono ou ben contactar por correo electrónico con: ies.brion@edu.xunta.gal. Procurarase contestar dentro das 24 h seguintes, sempre que sexa posible.Tamén poden poñerse en contacto coa nosa Orientadora, Esperanza, no correo: esperanza@iesbrion.com e con Pilar, Psicóloga do Concello que colabora con nós, no tlfno: 981 50 99 10

Pídese ao alumnado que estea atento/a á páxina web e a cada unha das canles de comunicación que o profesorado utiliza para comunicarse con eles/as .

Informamos ao alumnado e familias de que a partir do luns poderán consultar nesta páxina web as actividades propostas dende as diferentes materias para seguir traballando na casa durante os próximos 15 días. 

FELIZ 8 DE MARZO!!

Enviado por Dirección o Dom, 08/03/2020 - 14:55

Recuperando o traballo feito polo alumnado para o Día da Muller e a Nena na Ciencia, aproveitámolo nesta ocasión para conmemorar o Día 8 de Marzo, recordando mediante este vídeo a 14 grandes mulleres matemáticas.

Feliz dia a TODAS !!

 

FELIZ 8 DE MARZO!!

Enviado por Dirección o Ven, 06/03/2020 - 10:48

A MATERIA DE IGUALDADE DE XÉNERO DESÉXAVOS......

Para conmemorar o dia 8 de Marzo, recordamos a visita o pasado 13 de Febreiro  ao IES  de Brión de Elena Vázquez Cendón, decana da Facultade de Matemáticas da USC e coordinadora xeral do Máster de Matemática Industrial na USC, UDC, Universidade de Vigo, Universidade Carlos III e Universidade Politécnica de Madrid.

A recoñecida profesora deleitounos coa charla Matemáticas no 11F,X?, onde destacou o papel de importantes matemáticas ao longo da historia, así como nos falou das aplicacións das matemáticas no campo no que ela traballa a Matemática Industrial.

Agradecemos a Elena a súa inolvidable visita así como as entrevistas que concedeu ao alumnado de 4º ESO e 1º BACH.

VENRES POÉTICOS!!

Enviado por Dirección o Sáb, 29/02/2020 - 01:22
Dende o venres 14 de febreiro celebrando o día do amor e seguiremos ata a véspera do Día da poesía, o 21 de marzo. 
Cada semana, unha lingua diferentes autoras, motivos ou formas...

SOLICITUDE DE ADMISIÓN PARA CURSO 2020/21

Enviado por Dirección o Ven, 28/02/2020 - 23:42
ADMISIÓN DO ALUMNADO CURSO 2020/21
DENDE 0 1 AO 20 DE MARZO
  • Aplicación informática ADMISIONALUMNADO (para cubrir as solicitudes, con manual de axuda).
  • Solicitude de admisión en papel:

           ANEXO II (Galego)   ANEXO II (Castelán)                                 

  • Táboa de axuda para cubrir o baremo da renda familiar percápita.
  • Prazas vacantes por cursos no IES DE BRIÓN.

NOTA: Esta solicitude é para aquel alumnado do IES DE Brión que pretenda cambiar de centro educativo e para aquel que queira solicitar praza no noso centro.

O alumnado actualmente matriculado no IES de Brión que queira continuar os estudos neste centro non ten que facer reserva de praza, posto que esta faise de xeito automático.

Convocadas axudas para a realización de actividades de formación en linguas estranxeiras para o ano 2020 para alumnado de centros públicos. Máis información en arquivo anexo

ou seguinte ENLACE

CHARLA 11F CON PILAR PIÑEIRO GARCÍA

Enviado por luz o Ven, 21/02/2020 - 00:21

O pasado mércores 12 de febreiro o alumnado de 1º de Bacharelato disfrutou  da charla 11F titulada "Ciencia e sostibilidade, unha oportunidade de futuro", impartida por Pilar Piñeiro García, profesora do departamento de Organización de empresas e marketing e coordinadora do Máster en Xestión do Desenvolvemento Sostible da Universidade de Vigo.

Charla 11F: Pilar Piñeiro García

A charla está enmarcada na proposta "STEAM en feminino" pertencente ao Plan Proxecta "Rapazas emprendedoras nas TIC" que se está desenvolvendo en torno ao 11F: día Internacional das nenas e mulleres na Ciencia.

O noso agradecemento a Pilar Piñeiro pola súa proximidade, compartir con nós o seu tempo e un interesante percorrido formativo e vital.

TALLER DE ESTRUTURAS

Enviado por luz o Lun, 17/02/2020 - 23:43

O pasado 10 de febreiro os catro grupos de 2º de ESO  participaron ao longo da mañán activamente nun taller de estruturas. A actividade, organizada desde o departamento de Tecnoloxía, foi impartida polos membros do proxecto de divulgación "Camiños do futuro", co obxectivo de familiarizar ao alumnado co mundo da Enxeñería Civil.

No taller o alumnado experimentou o comportamento de estruturas e elementos construidos do seu  entorno, relacionándoas con conceptos básicos (forza, velocidade, desprazamento) e introducindo outros novos (como tensión, vibración, deformación) que se enlazaron con elementos da vida diaria como sismo, deseño, proxecto, edificios e pontes.

taller_estruturas_1

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.