SOLICITUDES DE ADMISIÓN PARA O CURSO 20-21

Enviado por Dirección o Ven, 22/05/2020 - 12:14

Infórmase ao alumnado e familias que solicitaron admisión no IES de Brión de que todas as solicitudes foron admitidas. En breve sairán as listas provisionais.

Orde do 12 de maio de 2020, DOG Núm. 96 (19/05/20) (xúntase pdf do DOG coa convocatoria)

Prazo.- ata o 19 de xuño de 2020 incluído.

Beneficiarios/as.-

     -Axudas para material escolar: alumnado matriculado en ESO.

     -Fondo solidario de libros: alumnado matriculado 3º e 4º ESO (o alumnado de 1º e 2º ESO está acollido ao programa EDIXGAL).

Documentación necesaria.-

    -Impreso de solicitude ED330B (Anexos I e II): (xúntase impreso solicitude pdf e instrucións para cubrila)

    -Copia de documento que acredite a unidade familiar (a data 31/12/2018): Libro de familia, sentenza de divorcio/convenio regulador, ou no seu defecto certificado de convivencia expedido polo Concello correspondente.

    -Se é o caso: Certificado do grao de discapacidade do alumno ou calquera membro da familia. Documentación xustificativa de situación de violencia de xénero. Resolución de acollemento de alumnado en situación de tutela da Xunta de Galicia.

Forma de presentación de solicitudes.

    -Preferentemente a través da aplicación FONDOLIBROS.Unha vez cubertos os datos, a aplicación xera unha solicitude numerada que poderán presentar:

    -Na Sede Electrónica da Xunta de Galicia:  ACCESO SEDE ELECTRÓNICA

    -Presencialmente no centro educativo.

    -En caso de non ter acceso á aplicación Fondolibros, poderán presentarse solicitudes cubertas manualmente no propio centro, así como en calquera dos lugares e rexistros establecidos na normativa reguladora do procedemento administrativo.

DOG 19MAIO20: AXUDAS E FONDO LIBROS: LIGAZÓN
IMPRESO SOLICITUDE ED 330B: LIGAZÓN
INSTRUCIÓNS PARA CUBRIR IMPRESO: LIGAZÓN

CONSULTA DAS MODIFICACIÓNS DAS PROGRAMACIÓNS PARA O 3º TRIMESTRE

Enviado por Dirección o Sáb, 16/05/2020 - 08:54

Para consultar as modificacións das programacións dos distintos departamentos para o 3º trimestre do curso 19-20, poden premer na pestana "Departamentos" que está no lateral desta páxina e ir ao departamento correspondente. Ou ben pinchando nesta LIGAZÓN

PARA INFORMACIÓN SOBRE MATERIAS PENDENTES

Enviado por Dirección o Xov, 07/05/2020 - 11:13

Para información sobre materias pendentes diríxanse ás/aos Xefes/as de departamento das materias respectivas. Están identificados con X.D no listado de contactos do profesorado:  ENLACE

Na seguinte táboa, PINCHANDO nos distintos cursos aparecen reflectidas  as plataformas, recursos e correos do profesorado de cada un dos grupos. O alumnado pode servirse desta táboa para acceder DENDE OS ENLACES DAS PLATAFORMAS QUE APARACEN EN CADA ARQUIVO ás tarefas enviadas polos/as docentes durante a 3ª AVALIACIÓN.

Para que as FAMILIAS contacten co profesorado deixamos a súa disposición o seguinte enlace que os levará aos seus correos:

CURSOS
1º ESO A 2º ESO A 3º ESO A 4º ESO A 1º BACHA 2º BACH A
1º ESO B 2º ESO B 3º ESO B 4º ESO B 1º BACH B 2º BACH B
1º ESO C 2º ESO C 3º ESO C 4º ESO C    
  2º ESO D  

 

PARA ACCEDER AO TRABALLO INICIAL E A INFORMACIÓN MANDADA DURANTE O PERIODO DO 16 DE MARZO AO 27 DE MARZO PINCHAR NO SEGUINTE ENLACE E DENDE AÍ ELIXIR A TITORIÍA CORRESPONDENTE:  ENLACE

PODERÁN ACCEDER  AOS VIDEOTITORIAIS PARA FAMILIAS E DOCENTES SOBRE OS SERVIZOS  DIXITAIS EDUCATIVOS DENDE O SEGUINTE BOTÓN:

Para o alumnado que non teña conexión a Internet na casa, estamos preparando material e intentaremos facérllelo chegar. Sabemos de algúns casos, pero probablemente non de todos. Se estás nesa situación, ponte en contacto con nós no teléfono do IES que se indica máis abaixo. Se sabes de alguén que está nesa situación, dille que se poña en contacto.

Insistimos en que é para ir facendo con calma, con tranquilidade, na medida en que as familias o consideren oportuno. Só queremos axudar, non aumentar o estrés que trae consigo esta situación.

Deixamos tamén a disposición das familias e alumnado o correo da nosa orientadora, Esperanza: esperanza@iesbrion.comasí como unha serie de consellos para levar mellor este periodo. Podedes acceder a eles pinchando nos seguintes enlaces:

Un saúdo a todo o mundo, paciencia e moito ánimo!!

A Dirección.

I CERTAME CULTURAL IES DE BRIÓN-MAIO 2020

Enviado por Dirección o Sáb, 16/05/2020 - 22:04
MODALIDADE DE CARTAZ MODALIDADE DE RELATO CURTO MODALIDADE DE POESÍA
CATEGORIA  A: 1º PREMIO

“Re-Existiremos”. Autora: Eirena Souto, 3º de ESO.

 “Resistiremos”. Autora: Antela C. 2º de ESO

CATEGORIA  A: 2º PREMIO

“Resistiremos dende a casa”. Autora: Irene Núñez, 3º de ESO

“Lola, a viaxante do tempo”. Autora: Lorena González, 2º de ESO

ACCESIT

“Querido amigo”. Autora: Rebeca González, 2º de ESO

CATEGORIA  B: 1º PREMIO

“Resistiremos”. Autor: Daniel Blanco Sanz, 4º de ESO

“Agarimo nostálxico”. Autora: Eliana Barreiro, 4º C

“Screenshot”. Autora: Uxía Trenco, 4º B.

CATEGORIA  B: 2º PREMIO

“Traballo Plástica”. Autora: Carla Castro, 4º de ESO

O Xurado do I Certame Cultural IES de Brión-Maio 2020 estivo composto por Eli Ríos e Xabier Lorenzo en representación do Instituto e José Manuel Velo e Patricia Iglesias como membros da Anpa.

           Queremos agradecer o esforzo amosado nos 18 traballos presentados a este Certame, sobre todo tendo en conta as circunstancias excepcionais nas que finalmente se tivo que desenvolver esta cita pensada inicialmente para festexar o Día das Letras Galegas.

          O xurado valorou, especialmente nas propostas literarias, a capacidade das autoras (todas, rapazas) de tirar unha mensaxe diversa de “Resistencia” da situación que estamos a vivir a causa do andazo, pero en tódolos casos mirando cara adiante: resistencia diante da violencia machista, resistencia diante do medo á morte, a deixar esmorecer a memoria dos nosos maiores, á dor da ruptura amorosa ou resistencia tamén a deixarmos estragar o mundo no que vivimos.

           O maior número de propostas presentadas corresponderon á modalidade de Cartaces, na que o alumnado amosou tamén unha grande creatividade e destreza técnica para dar a súa visión artística da “Resistencia”. Na selección dos traballos premiados o xurado tivo moi en conta a orixinalidade, a factura técnica e a capacidade de expresar en imaxes sentimentos e sensacións difíciles de xestionar.

           Parabéns a todo o alumnado polo traballo e a RESISTENCIA!

           A entrega dos agasallos e a exposición dos traballos premiados está condicionada ó momento no que se poida regresar ó centro.

 Brión, 15 de Maio de 2020

NOVO HORARIO DE ATENCIÓN AO PÚBLICO

Enviado por Dirección o Ven, 08/05/2020 - 13:44

A partir do luns día 11, o centro permanecerá aberto para atención ao público no horario habiltual de 9 a 14 h. Esta atención presencial será só naqueles casos que non poidan resolverse telematicamente. Para os demais continuará a atención no teléfono do centro: 881 86 60 58 e no correo electrónico: ies.brion@edu.xunta.gal

ADMISIÓN E MATRÍCULA DO ALUMNADO. CURSO 2020/2021

Enviado por Dirección o Mér, 06/05/2020 - 16:26

No día de hoxe publicouse no Diario Oficial de Galicia a Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020.  Segundo o cal restablécese o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma.

NOVO PRAZO: DO 11 AO 18 DE MAIO DE 2020

Este novo prazo é só para alumnado procendente de centros non adscritos ao IES de Brión que non presentou a solicitude no mes de marzo. O alumnado do centro adscrito (CEIP de Pedrouzos) xa está admitido.

PRAZO DE MATRÍCULA: do 1 ao 10 de xullo e do 1 ao 10 de setembro

QUERES PARTICIPAR NO PROXECTO EpD Lab?

Enviado por Dirección o Mér, 06/05/2020 - 16:22

Ao longo de 9 sesións (unha ao mes), o alumnado de 2ºC estivo traballando este curso cuestións como o sexismo, o racismo ou a xenofobia ao tempo que explora conceptos como a obxectividade e a subxectividade, a ficción e a non-ficción ou as fake-news en fotografía, cine e series, redes sociais, canles de youtube... Cada mes, abordamos unha temática concreta a través da súa representación nos medios e coñecemos as técnicas, os recursos narrativos que fan posible que ese imaxinario mediático se integre no cultural e, polo tanto, na sociedade en si mesma.

O peche dos centros de ensino impediunos celebrar nas aulas os últimos obradoiros. Pero a distancia física non ten porque ser tamén social e pedagóxica, así que o equipo do proxecto apostou por trasladar os contidos e metodoloxías presenciais á contorna dixital.

O EpDLab está deseñado e desenvolvido polo equipo técnico de Agareso e financiado por Cooperación Galega. Podedes coñecer máis sobre o proxecto nas seguintes ligazóns:

https://vinte.praza.gal/artigo/adolescentes-que-reflexionan-sobre-a-desigualdade-usando-as-narrativas-dixitais

https://www.agareso.org/wp-content/uploads/2019/10/EpDLab-CINAIC19.pdf


Se queres alumno/a ou docente e queres participar, contacta connosco!

DÍA INTERNACIONAL DAS RAPAZAS NAS TIC

Enviado por luz o Xov, 23/04/2020 - 17:33

Un curso máis, mesmo nestas circunstancias tan extraordinarias, celebramos no IES de Brión o día Internacional das rapazas nas TIC, participando nunha multiconferencia web, organizada pola aula e-learning do CESGA, na que coñecimos a catro mulleres galegas excepcionais que traballan e investigan en ámbitos relacionados coas Novas Tecnoloxías: Amparo Alonso Betanzos, Isabel Expósito Pérez, María Fernández Hermida, Patricia Mañana Borrazás.

Desde o IES tamén participamos na 4ª edición de Wisibilízalas, convocatoria do Departamento ETIC da Universidade Pompeu Fabra que presenta os seguintes obxectivos:

  • Romper estereotipos de xénero asociados a carreiras STEM.
  • Potenciar referentes femininos actuais que servan de inspiración as máis xóvenes.
  • Promocionar o uso da tecnoloxía e o traballo en grupo mediante a creación de páxinas web.

STEAM MATES é a páxina creada por alumnado das materias de Debuxo Técnico e e TIC de 1º de Bacharelato, na que presentamos a un grupo de científicas e enxeñeiras galegas ou que traballan en Galicia: Elena Vázquez, Mar Capeáns, Ana María González, Joana Silva, Mabel Loza, María Pardo, María Rilo, Paula Ojea, Mónica Bugallo, Carmen Misa e Soledad Torres, ás que agradecemos a súa participación no proxecto.

Ambas actividades están enmarcadas no proxecto "STEAM en feminino" do Plan Proxecta "Rapazas emprendedoras nas TIC" no que participa o instituto.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.