O xoves 20 de xuño, o alumnado de 1º da ESO foi de excursión de fin de curso, a Illa de Arousa.

A primeira parada foi no miradoiro Punta Quilma onde o alumnado tivo a sorte de ver arroaces que xogaban preto da costa e contemplar a paisaxe dende un dos bancos máis antigos da zona. Logo, continuaron cun pequeno roteiro ata o Muíño das Mareas de As Aceñas, onde o guía lles deu unha explicación sobre o seu funcionamento e a importante función que tiña na illa antigamente.

Posteriormente, volveron a Arousa Kayaks para prepararse e coller o material necesario para comezar a aventura en kayak e no barco-dragón, dirección ao Parque Natural de Carreirón. O vento dificultaba o avance, pero todos/as remaban con ganas para poder avanzar preto da costa e chegar a praia Rosa da Mosca.

Xa a mediodía, repuxeron forzas no Areoso Beach Club para logo de xantar ir a zona de xogos da praia do Vao onde se divertiron coas pas, cos frisbees, co tiro con arco ou co datchball.

Pasámolo moi ben. O próximo curso repetiremos!

Departamento de Educación Física

Preme na icona para ver máis fotografías

O pasado 21 de xuño, os estudantes de 2º ESO fixemos unha excursión pola zona do Porto do Son. 

O 14 de maio o alumnado de 3º de ESO, divididos en dous grupos, participamos nunha clase de swing dance.

O noso profesor, Carlos, primero fíxonos unha introdución. Contounos que o swing dance provén da década dos 90 (1920-1940) e a súa orixe é afroamericana.

Comezamos a clase camiñando arredor do pavillón e "sentindo a música". Logo tiñamos que, cada vez que faciamos contacto visual con alguén, sinalalo e dicir: "Yeah! Para sentirnos guay".

Entón o profesor comezou a ensinarnos algúns pasos (boogie forward, boogie back, boogie drop, knee slap, takei Annie, mambo step), para finalmente facer unha coreografía, como podedes ver no vídeo.

Paseino moi ben na clase e gustoume moito a coreografía e espero facer máis actividades coma esta.

Lucía Quintáns, 3º ESO A

Para ler o artigo completo en galego, preme na seguinte icona

Para ler o artigo en inglés, preme na seguinte icona

Podes ver as fotos do obradoiro de swing dance premendo na seguinte icona

O alumnado de francés que se presentou ás probas DELF obtivo un gran éxito! Xa temos 18 novas certificacións que acreditan o bó nivel do noso alumnado e que de seguro lles abrirán camiños e posibilidades. Moitos parabéns!

Outro ano máis conmemoramos o Día Mundial da Bicicleta no IES de Brión.

Nesta ocasión, o alumnado de 1º de ESO realizou xogos e circuítos polo patio do centro, para rematar facendo un roteiro pola contorna de Brión, actividade na que tamén participou o alumnado de 2º de ESO.

En palabras do propio alumnado:

"Durante estes días estivemos en clases de Educación Física facendo exercicios de manexo e circulación polas estradas no patio do IES, aprendendo as normas viarias.

Despois, o venres 31 de maio, fixemos un roteiro en bicicleta por Brión, xunto co alumnado de 2ª de ESO.

Na nosa opinión persoal, o noso exercicio favorito foi no que simulamos unha estrada con conos, sinais e rotondas polo instituto.

Foi unha actividade moi entretida a cal sen dúbida repetiríamos".

Lois Rojas e Diego Amandi, 1º ESO D

Preme na icona para ver fotografías das actividades

O venres 24 de maio pasamos unha mañá e tarde moi entretidas: estivemos de roteiro, coñecemos sitios novos, fomos á praia...

A nosa primeira parada foi en Corrubedo, onde visitamos o faro, as Dunas e a praia que está xusto á beira. Fomos por un camiño de madeira, para protexer as especies que viven na duna. Alí explicáronnos como se crearon as dunas e por que están protexidas.

De aí fomos á praia que está á beira das dunas. 

Despois de gozar das vistas da praia, fomos ao dolmen de Axeitos, un antigo monumento megalítico. Aínda que a visita foi breve, o dolmen impresionounos. O profesorado explicóunos por que se construían os dolmens e cal era o seu significado.

Despois dunha pausa, fomos ao Castro de Baroña, un antigo asentamento celta situado nunha gran zona rochosa con vistas ao mar. A vista dende o castro era espectacular, co mar rompendo contra as rochas.

Despois de explorar o castro, puxemos rumbo á praia da Aguieira. Alí comimos no piñeiral, á beira da praia, e despois chegou o momento máis desexado, ir á praia. Non todo o mundo se bañou, pero foi un momento moi divertido con amigos e amigas.

Aínda que o intre na praia fíxosenos curto, había que regresar a Brión.

Estamos agardando ter outra excursión e poder pasar outro día así.

Candela Pérez Iglesias, 3º ESO C

Preme na icona para ver máis fotos

A Consellería de Educación convoca o programa EDUMOB, un programa de intercambio individual de alumnado matriculado en centros públicos galegos con matriculado de centros pertencentes á Rexión Académique de Grand Est en Francia.

Este programa vaise desenvolver por primeira vez no presente curso 2023-2024 para alumnado matriculado en 1º de bacharelato que curse a materia de francés. 

Máis información no seguinte enlace: https://www.edu.xunta.gal/portal/node/43273

RELATO CURTO
1º PREMIO CATEGORÍA A: "A lenda de Altamirán" (Iria Mariño, 1ºESO B)
2º PREMIO CATEGORÍA A: dúas obras premiadas

• "O Castro" (Roi Díaz Souto, 1ºESO A)
• "A vida de Carmen" (Pedro García Sobrido, 1ºESO A)

1º PREMIO CATEGORÍA B: "Virar as tellas" (Zoe de Rojas Rozas, 4ºESO A)
2º PREMIO CATEGORÍA B: "Recordos entre as tazas de café" (Laura Tajes Pais, 4°ESO B)

POEMAS
1º PREMIO CATEGORÍA A: "Á Miña Terra" (Diego Amandi Vidal. 1ºESO D)
2º PREMIO: deserto

1º PREMIO CATEGORÍA B: "Ondas de lembranzas" (Lucía Molinos Carro, 4ºESO A)
2º PREMIO CATEGORÍA B:  dúas obras premiadas

• "Unha Historia de AquÍ" (Laura Tajes Pais, 4°ESO B)
• "Eu son eu" (Rut Busto Domínguez, 4ºESO D)

NOVAS TECNOLOXÍAS-PODCAST
1º PREMIO: "Hora dos cereais: encerrados pero conectados" (Lucía Molinos Carro, 4ºESO A, e Laura Tajes Pais, 4ºESO B)
2º PREMIO: deserto

CARTACES
1º PREMIO CATEGORÍA A: "As lavandeiras" (Ainhoa Ibarra Alarcón, 3ºESO C)
2º PREMIO CATEGORÍA A: "Redeiras, unha profesión invisible pero imprescindible" (Greta Otero Nogueira  3ºESO C)

1º PREMIO CATEGORÍA B: "Unha historia de aquí" (Violeta Fornés Rodríguez, 2º BACHARELATO)
2º PREMIO: deserto

Este último martes 30 de abril, o alumnado de 1º de bacharelato puidemos desfrutar dun día por Padrón e no Río Ulla, organizado polo departamento de Educación Física xunto a empresa Arrepións.

Comezamos a mañá facendo un xogo de pistas pola vila de Padrón grazas ao cal, pese a algunha que outra chuvieira, aprendimos un pouco da historia do lugar.

Despois diso, puxemos rumbo cara a área de recreo O Xirimbao, onde nos distribuímos por grupos para montar nas balsas cos monitores e lanzarnos ao río Ulla para facer rafting.

Había moitas correntes e rápidos, que facían o traxecto moi divertido. Ademais, os monitores deixáronos tirar á auga nalgún tramo do río e incluso deixarnos levar pola corrente.

Tivemos sorte e non choveu case nada o resto do día, sendo unha experiencia diferente e entretida que, sen dúbida, repetiríamos.

Ángela Amandi, Martín Faraldo, Aixira Pampín e Marta Míguez, 1º BACH

Preme na seguinte icona para ver todas as fotos

Alumnado de Deseño (2º Bach) participou na actividade "Estarcido contra o masacre do pobo en Palestina" reproducindo a obra do artísta palestino Khaled Hourani titulada "Atlas Subxectivo de Palestina".
Como xa avanza o título da actividade, a técnica empregada foi o estarcido con spray sobre parede. A secuencia de traballo foi a seguinte:

1. Separación das diferentes cores da imaxe a partir dunha fotografía da obra orixinal.
2. Vectorizado do contorno das diferentes masas de cor.
3. Creación das máscaras de reserva en fieltro coa cortadora laser.
4. Aplicación das diferentes capas de cor empregando spray sobre as máscaras adheridas á parede.

O alumnado participante nesta acividade quere así, unha vez máis, amosar a súa solidariedade co pobo palestino e deixar pegada do seu compromiso.