Dende a biblioteca do IES de Brión unímonos á celebración durante o mes de novembro do “Mes da ciencia en galego” e convidamos a todo o alumnado a participar nos retos que propoñeremos durante os recreos dos luns, mércores e venres. Teremos de diversas disciplinas: xeoloxía, matemáticas, lóxica, bioloxía, química... 

Animádevos a participar!!

Despois dun verán de traballos e dun comezo de curso rematando de colocar o equipamento e distribuir os espazos, conseguimos inaugurar a nosa nova biblioteca. Foi un camiño longo e traballoso pero aquí tedes o resultado. Para saber de onde vimos e como foi a nosa evolución fixemos este video:

Neste pasado mes de novembro, a nosa biblioteca estivo chea de actividade! 

Todas as semanas con propostas de retos, lecturas e aprendizaxes varias nas que participou alumnado de todos os niveis e nas que uns aprendimos doutras e viceversa. 

Foron unhas semanas magníficas que temos que agradecer ao alumnado e profesorado que participou. Aqui tedes o resumo!

Despois de pasar este mes con actividades científicas, que mellor que dedicar as nosas recomendacións ás Lecturas Con-Ciencia. Accede picando na imaxe:

O xurado do II Certame Cultural IES de Brión-Maio 2021 estivo composto por Dª Sandra Souto e D. Xabier Lorenzo en representación do Instituto e Dª Mª José Piñeira, Dº José Manuel Velo e Dª Patricia Iglesias como representantes da ANPA.

Á hora de establecer os galardóns, valorouse a calidade dos traballos presentados, a súa orixinalidade, a inspiración no lema proposto e tamén o respecto ás bases da convocatoria. Lembramos que nelas había unha referencia expresa ao uso do galego, tendo en conta ademais que esta cita está pensada para festexar o Día das Letras.

Nesta edición incrementouse o número de participantes na modalidade de Relato Curto, onde o xurado acordou conceder ademais dos dous premios establecidos, un accésit, polo interese das narracións e as temáticas propostas. Así mesmo acordou deixar desertas as modalidades e categorías onde os traballos presentados non acadaban os requisitos previamente apuntados.

Agradecemos o esforzo mostrado polo alumnado participante no Certame. Animámosvos a continuar traballando e sumarvos ás vindeiras edicións. Tedes moito talento!.

A exposición dos traballos e a entrega de premios terá lugar o vindeiro venres 21 ás 12:05 na Biblioteca.

Para acceder as bases do concurso preme no seguinte enlace: BASES