Departamento de Debuxo

_

Enviado por centro o Mar, 19/01/2038 - 05:14

 

 

Aulas na rede
 
 

   

Proxectos interdisciplinares
 
Curso 2009/10
Curso 2010/11
Curso 2011/12
Curso 2012/13
Curso 2013/14
Curso 2014/15
Curso 2015/16

Curso 2016/17

Curso 2017/18

Curso 2018/19

OBRADOIRO DE ACUARELA

Enviado por admin o Sáb, 15/06/2019 - 16:04

O pasado venres 14 de xuño, o alumnado de 3º ESO B asistiu a un obradoiro de pintura impartido por José Antonio Regidor no noso centro. Durante a sesión puidemos ver en detalle unha demostración, coas súas correspondentes explicacións, do emprego da acuarela. Regidor compartiu con este alumnado parte do seu vasto saber e bo facer nesta técnica húmida que domina con maestría.

Esta actividade forma parte do Encontro coa arte 2019 promovido polo Concello de Brión e adicado nesta ocasión a lembrar a figura de Antón Fraguas.

.

A DISCO DEMOLITION

Enviado por admin o Ven, 25/05/2018 - 17:36

Programa radiofónico realizado por Marta Fabeiro, Lucía Martínez, Alba Rey, Carmela Vieites e Pablo Villar na materia de Imaxe e Son (2º Bach).

Podes atopar máis traballos deste alumnado aquí.

Save

VOSTOK 9.

Enviado por admin o Ven, 25/05/2018 - 00:00

Animación realizada por Simón García-Bodaño Vilaseco, Xosé Lois Piñeira e Martiño Lorenzo García na materia de Imaxe e Son (2º Bach).

Save

Save

MIRANDA E OS PEIXES

Enviado por admin o Dom, 11/03/2018 - 23:19

“Miranda e os peixes” é unha curta realizada por alumnado de Imaxe e Son a partir dun relato homónimo escrito por Ismael Ramos. Este texto foi galardoado en 2012 co 2º premio na 3ª categoría da modalidade narrativa no IX Certame Literario do Concello de Ames. Participan na adaptación, dirección, produción e realización Marta Fabeiro, Lucía Martínez, Alba Rey, Carmela Vieites, Estefanía Villa e Pablo Villar.

Save

Save

VISITA Á EXPOSICIÓN "CARTEIS 1970-2014"

Enviado por admin o Ven, 26/02/2016 - 00:03

O alumnado de 4º ESO coa materia de Educación Plástica e Visual visitou o xoves 25 de febreiro a exposición "Carteis 1970-2014" de Xosé Vizoso na Sala de Exposicións Municipal da Casa da Cultura de Brión.

Esta visita foi moi especial xa que o propio artista recibiu ao alumnado. Unha oportunidade extraordinaria para aproximarse á obra cartelística deste polifacético artista mindoniense afincado en Brión.

Logo de realizar un percorrido pola mostra explicando os aspectos máis relevantes dalgús dos carteis expostos, Vizoso mantivo unha conversa cos estudantes aos que amosou bosquexos e apuntes da súa obra.

Vizoso falou dos personaxes que aparecen nos seus carteis, de composición, de tipografía, pero sobre todo de ganas e traballo, moito traballo, para conseguir realizar unha obra que exprese con intensidade o tema que un está a desenvolver.

Grazas Vizoso polo teu tempo.

OBRADOIRO DE SERIGRAFÍA 4º ESO

Enviado por admin o Mér, 24/02/2016 - 23:20

O mércores 24 de febreiro o alumnado de 4º ESO coa materia de Educación Plástica e Visual desenvolveu un obradoiro intensivo de serigrafía dirixido por Andrea Fernández de La Platanera. Ao longo de dez horas de traballo o alumnado puido aproximarse aos diferentes aspectos desta técnica, elaborando as súas propias imaxes dende a realización de fotolitos e pantallas ata a estampación seriada sobre téxtil cartolina, cartón e madeira.

OBRADOIRO DE SERIGRAFÍA 3º ESO

Enviado por admin o Mér, 17/02/2016 - 00:43

OLYMPUS DIGITAL CAMERA

O martes 16 de febreiro de 2016 o alumnado de 3º ESO participou nun obradoiro de serigrafía impartido por Andrea Fernández de La Platanera.

A sesión teórico-práctica desenvolvida introduciu ao alumnado nesta técnica de impresión a trávés dunha demostración das diferentes fases do proceso.

Os/as alumnos/as realizaron cadansúa serigrafía que puideron complementar e personalizar cuns selos tallados en goma con técnicas xilográficas.

OLYMPUS DIGITAL CAMERA

ENGRENAXE

Enviado por admin o Xov, 25/10/2012 - 13:53

Con motivo do Día da Ciencia e da Tecnoloxía en Galego 2012, o alumnado de Debuxo Técnico II (2º de Bach) estivemos construíndo con Geogebra un engrenaxe cos perfís dos dentes baseados nunha evolvente.

Preme nas imaxes para ver as construcións en Geogebra

 

PONTE AUTOPORTANTE DE LEONARDO DA VINCI

Enviado por admin o Mér, 24/10/2012 - 11:25


Con motivo da celebración do Día da Ciencia e da Tecnoloxía en Galego, o alumnado de Debuxo Técnico I de 1º de bacharelato debuxamos unha ponte autoportante deseñada por Leonardo da Vinci con Geogebra.

Preme na imaxe para ver a construción en Geogebra.

 

No seguinte vídeo podes observar a construción da ponte autoportante de Leonardo:

 


Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.