Ciencias da Natureza, Bioloxía e Xeoloxía

Departamento de Ciencias da Natureza, Bioloxía e Xeoloxía

Enviado por centro o Xov, 26/04/2007 - 12:53

O departamento de Ciencias Naturais, Bioloxía e Xeoloxía está composto por:

Laura Fernández López- Xefa de departamento

J. Carlos Freiría Tato

No departamento impártense as materias de Ciencias da Natureza, Bioloxía e Xeoloxía, Ciencias para o mundo contemporáneo, Bioloxía ,Ciencias da Terra e Ambientais e Ciencias da Natureza.

  Programación  

 Ligazóns

Exposición sobre especies invasoras

Enviado por Laura Fernández o Lun, 25/02/2019 - 17:59

Estes días na entrada do IES de Brión temos a exposición sobre especies exóticas invasoras "UNHA INVASIÓN SILENCIOSA. A BIODIVERSIDADE BAIXO AMEAZA". Merece a pena parar un pouco a vela e reflexionar sobre un problema tan grave como esquecido, contra o que quizais podemos facacer algo. Botádelle un ollo!

Mellor equipo na olimpíada de Xeoloxía en Santiago

Enviado por Laura Fernández o Lun, 25/02/2019 - 17:43

As alumnas de 1º de Bacharelato Tania García, Antía Cunqueiro, Andrea Antelo e Alba Muñiz e o alumno Miguel Gil gañaron o premio ao mellor equipo na olimpíada de xeoloxía celebrada o pasado 13 de febreiro en Santiago, empatados con un grupo do IES Virxe dom Mar de Noia. Xeoloxía e traballo en equipo van da men, neste evento no que o noso alumnado destacou. Parabéns!

Unha representación do alumnado de 4º de ESO participou o pasado mércores día 7 de febreiro na fase galega da IX olimpíada de xeoloxía en Santiago de Compostela. Parabéns a todos eles e elas, especialmente a Marta Rodríguez Lorenzo que conseguíu o premio Accesit para 4º ESO pola provincia da Coruña. Parabéns Marta!

Save

ACCÉSIT DE 4º ESO NA FASE GALEGA DA VIII OLIMPÍADA DE XEOLOXÍA

Enviado por centro o Xov, 16/02/2017 - 11:54

Un ano máis estamos de noraboa!

Esta vez foi Alberte X. López Freire Accésit de 4º ESO na VIII Olimpíada de Xeoloxía convocada por AEPECTGALICIA que demostrou que a Xeoloxía se move no IES de Brión.

Parabéns Alberte!

Save

PREMIO ACCESIT NA OLIMPÍADA DE XEOLOXÍA

Enviado por Laura Fernández o Mar, 23/02/2016 - 21:23

Estamos de noraboa! A nosa alumna de 4º de ESO Belén Moldes conseguiu o premio accesit de 4º de ESO na VII Olimpíada de Xeoloxía celebrada o mércores 17 na Facultade de Bioloxía en Santiago.

Parabéns Belén!

Creando relevo

Enviado por Laura Fernández o Dom, 22/06/2014 - 21:30

Oroxenizador ou simulador de oroxenias... Este foi o ultimo aparello co que nos agasallou o alumnado de 3º de PDC (o primeiro foi a caseta meteorolóxica que está insatalada no patio) dende a materia de Tecnoloxía. Con isto podemos simular no laboratorio a formación de cadeas montañosas con pregamentos e fallas, notras palabras: crear relevo, tal e como ocorre na natureza cando as rochas sedimentarias dos fondos oceánicos son pregadas, fracturadas e elevadas. Vaia para eles/as todo o noso agradecemento!

Proxecto ríos: xornadas de primavera

Enviado por Laura Fernández o Xov, 19/06/2014 - 17:47

A finais de maio tivemos as xornadas de primavera no Proxecto ríos. Nesta ocasión o protagonista foi o alumnado de 1º de ESO que se achegou ao río Pego para facer o estudo de macroinvertebrados e, consecuentemente o do estado de saúde do río. Aquí podemos velos concentrados na súa tarefa investigadora, como verdadeiros científicos. Tamén saíu por 2ª vez o alumnado de Bioloxía e Xeoloxía de 4º, que fixo un estudo comparado do estado do ecosistema entre a saída que fixemos en outono e agora. Tamén participou alumnado de  Ciencias da Terra de 2º de Bacharelato, particularmente Sara Ferreiro e Nerea Rivas ás que agradecemos especialmente a súa colaboración pois fixeron de monitoras para ensinar a fauna do río ás/aos de 1º.

UNHA CEBRA NA AUGA: PROXECTO EN MARCHA

Enviado por Laura Fernández o Mér, 12/03/2014 - 21:45

Xa temos instalado no laboratorio de Bioloxía un acuario con 9 peixes cebra!

O IES de Brión participa no proxecto "Unha cebra na auga" promovido polo Departamento de Xenética da USC, dende a Facultade de Veterinaria en Lugo.

O proxecto trata de achegar a investigación científica ao alumnado e para iso traballaremos cos peixes cebra que temos xa no acuario e cun laboratorio virtual onde nos convertiremos en xenetistas: facendo cruzamentos, creando transxénicos, etc. Polo de pronto o comité de "expertos" en acuarios de Bioloxía de 4º de ESO xa fixo a montaxe deste e as primeiras análises indican que a auga está en perfectas condicións... Estamos en marcha, intentaremos chegar a bo porto.

UN ANO MÁIS... O PROXECTO RÍOS NO RÍO PEGO

Enviado por Laura Fernández o Ven, 13/12/2013 - 21:15

 

O alumnado de PDC de 3º de ESO, como xa o fixera antes o de Ciencias da Terra e ambientais, tivo o martes 12 de novembro unha xornada de estudo do ecosistema do río Pego: estudaron o medio físico (biótopo) e as súas características (pH, Temperatura, etc) e os organismos vivos; entre os que destacan os macroinvertebados (sobre todo larvas de insecto), moi importantes para coñecer o estado ambiental do río polo seu carácter bioindicador. O mércores 13 foi o alumnado de Bioloxía e Xeoloxía de 4º de ESO o que tomou o relevo nese estudo.

De momento, podemos respirar tranquilos: o río pego está en boas condicións, pero non podemos baixar a garda porque todos os ríos, especialmente os que están próximos a a vilas ou cidades, sufren múltiples ameazas.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.