DÍA INTERNACIONAL DAS RAPAZAS NAS TIC

Enviado por luz o Xov, 23/04/2020 - 17:33

Un curso máis, mesmo nestas circunstancias tan extraordinarias, celebramos no IES de Brión o día Internacional das rapazas nas TIC, participando nunha multiconferencia web, organizada pola aula e-learning do CESGA, na que coñecimos a catro mulleres galegas excepcionais que traballan e investigan en ámbitos relacionados coas Novas Tecnoloxías: Amparo Alonso Betanzos, Isabel Expósito Pérez, María Fernández Hermida, Patricia Mañana Borrazás.

Desde o IES tamén participamos na 4ª edición de Wisibilízalas, convocatoria do Departamento ETIC da Universidade Pompeu Fabra que presenta os seguintes obxectivos:

  • Romper estereotipos de xénero asociados a carreiras STEM.
  • Potenciar referentes femininos actuais que servan de inspiración as máis xóvenes.
  • Promocionar o uso da tecnoloxía e o traballo en grupo mediante a creación de páxinas web.

STEAM MATES é a páxina creada por alumnado das materias de Debuxo Técnico e e TIC de 1º de Bacharelato, na que presentamos a un grupo de científicas e enxeñeiras galegas ou que traballan en Galicia: Elena Vázquez, Mar Capeáns, Ana María González, Joana Silva, Mabel Loza, María Pardo, María Rilo, Paula Ojea, Mónica Bugallo, Carmen Misa e Soledad Torres, ás que agradecemos a súa participación no proxecto.

Ambas actividades están enmarcadas no proxecto "STEAM en feminino" do Plan Proxecta "Rapazas emprendedoras nas TIC" no que participa o instituto.

CERTAME CULTURAL IES DE BRIÓN: AMPLIACIÓN DE PRAZO

Enviado por Dirección o Dom, 19/04/2020 - 20:47

Anímate a participar porque aínda estás a tempo!!!

Amplíase o prazo do certame cultural do IES de Brión ata o 3 de maio.

Escolle unha modalidade: poesía, relato curto, cartaz. Consulta máis abaixo a convocatoria. 

Esperamos os teus traballos!!!

PROPOSTAS PARA A SEMANA SANTA DENDE A CASA

Enviado por Dirección o Ven, 03/04/2020 - 19:33

Dende a casa tamén se poden facer moitas cousas esta Semana Santa, a parte dos retos que vos propuxemos hai días e dos que tedes información máis abaixo, de participar no certame cultural do que tamén tedes a convocatoria e das propostas que vos fixeron dende a Biblioteca, agora:

Dende o blog da Biblio lanzan: EU LEO NA CASA: QUE ESTADES A LER? Asómate e verás... Hai unha morea de posibilidades. https://bibliobrion.blogspot.com/

A USC (Universidade de Santiago de Compostela) dentro do programa A Ponte está organizando para os días 6, 7 e 8 de abril uns Encontros virtuais orientados ao alumnado e as familias. Nestas xornadas realizaranse presentacións das titulacións (titulos de grao da USC), obradoiros, retos e videoconferencias. Pódese acceder a partir do sábado 4 de abril a través do seguinte enderezo https://www.usc.gal/gl/encontros-virtuais

I CERTAME CULTURAL IES DE BRIÓN: APÚNTATE!

Enviado por Dirección o Mar, 24/03/2020 - 16:53

UN ANTÍDOTO CONTRA O COVID-19: ACEPTAS O RETO?

Enviado por Dirección o Ven, 20/03/2020 - 20:32

Despois destes primeiros días “tan distintos do que ven sendo habitual” dende o instituto queremos enviarvos unha mensaxe de tranquilidade e de ánimo!!

A día de hoxe cremos que todos e todas xa tedes material para traballar e non perder o ritmo, sendo conscientes de que as realidades familiares son moi distintas, algúns con moitos medios, outros con problemas de conexión...calma!! Seguimos aquí para axudarvos e en canto voltemos a normalidade retomaremos explicacións, dúbidas e algún que outro “enfado” (isto dito dende o cariño ;-)

Un dos temas máis importantes nestes momentos pode ser ter un tempo para reflexionar, para desenvolver o sentido de resiliencia, esa capacidade de superarse antes as adversidades, de empatía poñerse no lugar de outros. O que estamos vivindo é algo que pode deixarnos unha pegada importante, por iso queriamos convidarvos a que plasmedes como vai todo e imos propoñervos varios retos divertidos, para que teñades outras ocupacións, non só as académicas.

Podedes escoller entre os propostos:

RETO Nº1: Elaborar un diario, pode ser de moitos xeitos: escrito, gravando o día a día e contando a vosa experiencia, con un cómic, facendo unha presentación, diario compartido con algúns amigos/as...

RETO Nº2: Onde vivo: podedes facer un anuncio da vosa aldea, rúa, concello, con carteis, con música, utilizando o humor …

RETO Nº3: Facer un eslogan, un gif sobre o COVID-19 o humor axuda a reducir “os agobios”

RETO Nº4: Investigar sobre o COVID-19, e outras pandemias históricas, ou facer unha reflexión sobre o illamento, a soidade... ou algún tema do teu interese.

RETO Nº5: Facer fotos dalgún momento na casa, coa familia, coa mascota, vendo a tele, mirando a rúa ... , unha instantánea que pasado este tempo de confinamento, nos provoque un sorriso ou mesmo unha bágoa.

RETO Nº6: Escribir unha poesía ou compoñer unha canción expresando os teus sentimentos estes días e gravarte léndoa ou cantándoa.

RETO Nº 7:  Crear un vídeo curto entre 1-3 min dalgún tema de interese para eles que relacionen  co COVID-19.

A volta, dende nas titorías, coñeceremos as vosas propostas e poden optar a PREMIO!!!!

IMAXINACIÓN E HUMOR SEMPRE !!! ÁNIMO E PACIENCIA QUE XA QUEDA MENOS!

EU QUEDO NA CASA: PROPOSTAS DA BIBLIO PARA A CORENTENA

Enviado por Dirección o Xov, 19/03/2020 - 20:19

Dende o Equipo da Biblioteca do IES de Brión fannos unha serie de fantásticas propostas para levar mellor estes días. Non deixedes de consultar o seguinte ENLACE!!!

Ánimos!!

CONTACTO CO CENTRO DURANTE O PERÍODO DE SUSPENSIÓN DAS ACTIVIDADES

Enviado por Dirección o Lun, 16/03/2020 - 17:50

A atención ao público, durante o tempo que dure a suspensión das actividades por mor do coronavirus, farase por vía telefónica en horario de 10 a 13 h no teléfono do centro: 881 86 60 58.

Infórmase a alumnado e familias de que, para calquera consulta poden chamar nese horario a ese teléfono ou ben contactar por correo electrónico con: ies.brion@edu.xunta.gal. Procurarase contestar dentro das 24 h seguintes, sempre que sexa posible.Tamén poden poñerse en contacto coa nosa Orientadora, Esperanza, no correo: esperanza@iesbrion.com e con Pilar, Psicóloga do Concello que colabora con nós, no tlfno: 981 50 99 10

Pídese ao alumnado que estea atento/a á páxina web e a cada unha das canles de comunicación que o profesorado utiliza para comunicarse con eles/as .

Informamos ao alumnado e familias de que a partir do luns poderán consultar nesta páxina web as actividades propostas dende as diferentes materias para seguir traballando na casa durante os próximos 15 días. 

FELIZ 8 DE MARZO!!

Enviado por Dirección o Dom, 08/03/2020 - 14:55

Recuperando o traballo feito polo alumnado para o Día da Muller e a Nena na Ciencia, aproveitámolo nesta ocasión para conmemorar o Día 8 de Marzo, recordando mediante este vídeo a 14 grandes mulleres matemáticas.

Feliz dia a TODAS !!

 

FELIZ 8 DE MARZO!!

Enviado por Dirección o Ven, 06/03/2020 - 10:48

A MATERIA DE IGUALDADE DE XÉNERO DESÉXAVOS......

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.