NOVAS DIRECCIÓN

SOLICITUDE DE AXUDAS PARA MATERIAL ESCOLAR CURSO 2024-25

Enviado por Dirección o Mér, 22/05/2024 - 09:54

ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24

(xúntase pdf do DOG coa convocatoria)

Prazo de solicitude: do 20/5/2023 a 21/6/2023, incluídos

Texto da convocatoria: ORDE do 10 de maio de 2023 (DOG do 19 de maio)

Procedemento administrativo: ED330B

Beneficiarios/as.-

-Axudas para material escolar: alumnado matriculado en ESO.

-Fondo solidario de libros: o noso centro está incluído no proxecto educación dixital (EDIXGAL) no curso 2023/24 polo que está excluído da participación no fondo solidario de libros de texto e das axudas para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde.

Documentación necesaria.-

-Impreso de solicitude ED330B (Anexos I e II): (xúntase impreso solicitude pdf e instrucións para cubrila)

-Copia de documento que acredite a unidade familiar (31 de decembro de 2022): Libro de familia, sentenza de divorcio/convenio regulador, ou no seu defecto certificado de convivencia expedido polo Concello correspondente.

A data do 31 de decembro de 2022 poderá seroutra, cando unha sentencia de separación ou divorcio sexa posterior a dita data atribúa a custodia a un dos dous proxenitores e nos casos de violencia de xénero, nos que se aplicará o disposto na lexislación específica.

-Se é o caso: Certificado do grao de discapacidade do alumno ou calquera membro da familia non expedido pola Administración autonómica. Documentación xustificativa de situación de violencia de xénero. Resolución de acollemento de alumnado en situación de tutela da Xunta de Galicia.

Forma de presentación de solicitudes.

Electrónica: utilice a aplicación FONDO LIBROS e presente solicitude na SEDE ELECTRÓNICA (inicie premendo no icono de botón na esquina superior dereita da pantalla da aplicación Fondo Libros)

NOTA: na presentación electrónica deberá presentar unha solicitude individual para cada un dos seus fillos

Presencial con asistencia da aplicación : cubra os datos na aplicación FONDO LIBROS imprima os Anexos I e II producidos e presenteos no centro educativo (inicie premendo no icono de botón na esquina superior dereita da pantalla)
Presencial manual: utilice os Anexo I e Anexo II da Orde da convocatoria e presenteos no centro educativo

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.

Alumnado con necesidade específicas de apoio educativo.

Ao alumnado con necesidades específicas de apoio educativo matriculado en 1º, 2º 3º e 4º da ESO que, a xuízo do centro docente, non poida usar os libros de texto ou o material dixital do curso no que estea matriculado e para o que non existan libros adecuados no fondo solidario en ningún curso, o centro expediralle un vale co que poderá adquirir os libros ou o material didáctico e complementario específico que o centro docente determine en cada caso, polos importes establecidos no artigo 2.2.d) da convocatoria. Esta situación deberá acreditarse cun informe do centro onde se xustifique a necesidade de adquirir o material indicado para o alumno e a imposibilidade de empregar os libros de texto do fondo solidario de calquera curso, que debe quedar arquivado xunto coa solicitude.

NOTA IMPORTANTE: Os vales de libros e/ou material deberán levar obrigatoriamente a sinatura e o selo orixinais do centro, incluso no caso de estar asinados electronicamente,

ORDE DO 10 DE MAIO DE 2023 : AXUDAS E FONDO LIBROS:	LIGAZÓN
IMPRESO SOLICITUDE ED 330B (ANEXO I E II):	LIGAZÓN
INSTRUCIÓNS PARA CUBRIR IMPRESO:	LIGAZÓN
MANUAL DO USUARIO PARA O CIDADÁN	LIGAZÓN

AVALIACION EXTRAORDINARIA 2º BAC CURSO 2023-24

Enviado por Dirección o Mar, 30/04/2024 - 09:35

PERÍODO DE AVALIACIÓN EXTRAORDINARIA:

DATAS DE PROBAS EXTRAORDINARIAS	Aprox. 10, 11,12 de xuño (elaborarase horario a partir do 15 de maio despois da avaliación ordinaria)
SESIÓNS DE AVALIACIÓN:	13 de xuño á tarde.
ENTREGA DOS BOLETÍNS DE CUALIFICACIÓNS AO ALUMNADO	14 de xuño a partir das 10.00 horas na Secretaría do centro e publicación das cualificacións en Abalar Móbil
REVISIÓN DE EXAMES	14 e 17 de xuño antes das 14:00h
*PREMATRICULA NA ABAU ()**	13 e 17 de xuño antes das 14:00h
RECLAMACIÓNS ÁS CUALIFICACIÓNS DE BACHARELATO:	17 e 18 de xuño antes das 14:00h
ENTREGA DAS RESOLUCIÓNS DOS DEPARTAMENTOS Á DIRECCIÓN	19 de xuño antes das 11:00h
ENTREGA DAS RESOLUCIÓNS DAS RECLAMACIÓNS AOS INTERESADOS/AS	19 de xuño antes das 12:00h
RECLAMACIÓNS NO CENTRO PARA ELEVAR A XEFATURA TERRITORIAL	20 e 21 de xuño antes das 14:00h
COMUNICACIÓN POR PARTE DO CENTRO A XEFATURA TERRITORIAL	21 de xuño antes das 14:00h
RESOLUCIÓN POR PARTE DE XEFATURA TERRITORIAL	24 de xuño data límite
PROBAS ABAU	2, 3 e 4 de xullo

(*) O alumnado que faga reclamacións as cualificacións de bacharelato e dita reclamación se resolva favorablemente por parte do departamento didáctico correspondente sen necesidade de elevala a Xefatura Territorial, terán de prazo para facer a prematricula no centro ata o día 20 de Xuño ás 12:00h.

PROCEDEMENTO E MODELOS DE FORMULARIOS PARA A RECLAMACIÓN DE CUALIFICACIÓNS	ENLACE
FORMULARIO DE RECLAMACIÓNS	ENLACE

SOLICITUDE DE BOLSAS PARA ALUMNADO CON NEAE CURSO 2024-25

Enviado por Dirección o Dom, 28/04/2024 - 17:54

Desde este luns 30 de abril e até o 13 de setembro estará aberto o prazo para a solicitude de bolsas destinadas ao alumnado con necesidades específicas de apoio educativo.

Máis información na seguinte ligazón:

https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

Anuncio da convocatoria

https://www.boe.es/boe/dias/2024/04/19/pdfs/BOE-B-2024-14197.pdf

AVALIACION ORDINARIA 2º BAC CURSO 2023-24

Enviado por Dirección o Ven, 26/04/2024 - 11:16

PERÍODO DE AVALIACIÓN ORDINARIA:

SESIÓNS DE AVALIACIÓN:	15 de maio á tarde.
ENTREGA DOS BOLETÍNS DE CUALIFICACIÓNS AO ALUMNADO	16 de maio a partir das 09.00 horas na Secretaría do centro e publicación das cualificacións en AbalarMóbil .
REVISIÓN DE EXAMES	16 e 20 de maio antes das 14:00h
*PREMATRICULA NA ABAU ()**	16 e 20 de maio antes das 14:00h
RECLAMACIÓNS ÁS CUALIFICACIÓNS DE BACHARELATO:	20 e 21 de maio antes das 14:00h
ENTREGA DAS RESOLUCIÓNS DOS DEPARTAMENTOS Á DIRECCIÓN	22 de maio antes das 11:00h
ENTREGA DAS RESOLUCIÓNS DAS RECLAMACIÓNS AOS INTERESADOS/AS	22 de maio antes das 12:00h
RECLAMACIÓNS NO CENTRO PARA ELEVAR A XEFATURA TERRITORIAL	23 e 24 de maio antes das 14:00h
COMUNCACIÓN POR PARTE DO CENTRO A XEFATURA TERRITORIAL	24 de maio antes das 14:00h
RESOLUCIÓN POR PARTE DE XEFATURA TERRITORIAL	27 de maio data límite
PROBAS ABAU	4, 5 e 6 de xuño

(*) O alumnado que faga reclamacións as cualificacións de bacharelato e dita reclamación se resolva favorablemente por parte do departamento didáctico correspondente sen necesidade de elevala a Xefatura Territorial, terán de prazo para facer a prematricula no centro ata o día 23 de Maio ás 12:00h.

PROCEDEMENTO E MODELOS DE FORMULARIOS PARA A RECLAMACIÓN DE CUALIFICACIÓNS	ENLACE
FORMULARIO DE RECLAMACIÓNS	ENLACE

ABAU ORDINARIA 2024

Enviado por Dirección o Ven, 26/04/2024 - 11:15

O proceso de matrícula nas probas ABAU na convocatoria ordinaria de 2024 para o alumnado de 2º de BAC que supere o curso na avaliación ordinaria de 2º de BAC realizarase entre os días 16 ao 20 de maio. E do 13 ao 17 de xuño para a convocatoria extraordinaria.

Prazo especial de matricula na convocatoria ordinaria: poderá matricularse no prazo especial de matricula da convocatoria ordinaria (respectivamente extraordinaria) o alumnado que obteña resolución favorable da súa reclamación ás cualificacións do Bacharelato ante a Xefatura Territorial correspondente. Poderá matricularse a través da aplicación NERTA, das 9:00h ás 14:00h do día seguinte a comunicación da resolución.

PROCESO DE MATRICULACIÓN:

Día 16 de maio, xoves: na secretaria do centro recollida de impresos e documentación ou descarga.Cumprimentación de impresos e abono taxas.
Días 16 e 20 de maio, xoves e luns: entrega de documentación na administración:

Xustificación abono de taxas (se non se pagou telematicamente en NERTA) ou documentación que acredite a exención deste pagamento.
Fotocopia do DNI
Impreso oficial de matricula ABAU debidamente cumprimentado.
Resgardo acreditativo de ter efectuado o pago para a solicitude do Título de Bacharelato.

Día 21 de Maio: Publicación provisional do alumnado matriculado a través da aplicación informática Nerta. Comprobación de datos e reclamaciónde posibles erros na matricula no centro ata as 14:00h deste mesmo día.
Día 23 maio: publicación en NERTA do alumnado matriculado.
Días 4, 5 e 6 de xuño exames ABAU da convocatoria ordinaria.
Día 13 de xuño: Xeración e Publicación on-line das actas de cualificacións provisionais da proba de ABAU (a partir das 20:00 horas).
Día 14 de xuño: o alumnado recibirá por correo a súa Tarxeta de Cualificación Provisional da ABAU. Para recibir a Tarxeta é necesario ter rexistrado un correo electónico en NERTA.
Días 14-18 de xuño: Solicitudes de “Revisión” ás cualificacións da proba ABAU (ata as 14:00 horas). Tres días contados a partir da data de publicación das cualificacións.
Día 20 de xuño: Publicación on-line das cualificacións definitivas despois da resolución das solicitudes de revisión a partir das 20:00h . Contra a resolución adoptada pola CIUG, poderá interpoñerse recurso potestativo de reposición no prazo dun mes contado desde o día seguinte ao da publiciación ante a propia CIUG.
Día 21 de xuño: o alumnado recibirá por correo a súa Tarxeta de Cualificación Provisional da ABAU no caso de que se solicitara a revisión de cualificacións.
Días 21 e 25 de xuño: solicitude para ver os exames con revisión ata as 14:00h
Día 27 de Xuño ás 10:00h: data para ver os exames solicitados.

INSTRUCIÓNS E DATAS IMPORTANTES:

IMPRESOS:

Impreso para o pago das taxas ABAU se non se fai online.
Instrucións para o pago de taxas ABAU
Impreso de prematrícula na ABAU: solicitar en administración do centro ou descargar AQUÍ .
Impreso para o pago do título de bacharelato: solicitar en administración co resto da documentación ou ben descargar modelo AQUI. Para descargar o modelo premer en "INICIAR TASA", premer no candado aberto e despois en "DESCARGAR MODELO".

NOTA: Toda esta documentación tamén podedes recollela en administración.

VIDEO:

PROCESO ADMISIÓN 2024_25.

Enviado por Dirección o Ven, 05/04/2024 - 22:57

Todo alumnado que presentou solicitude de admisión neste centro para 1° ESO, 2° ESO, 1° BAC e 2° BAC foi admitido para o vindeiro curso escolar 2024-25.

Para o alumnado que fixo solicitude para 3° e e 4° ESO procederase a baremar.

As listas provisionais serán publicadas a partir do 25 de Abril na aplicación admisión alumnado e no taboleiro do centro en administración.

Para presentar as oportunas alegacións ábrese un prazo de 5 días hábiles a partir do día de dita publicación e as listas definitivas serán publicadas o 15 de Maio.

BECAS EUROLINGUA VERÁN 2024

Enviado por Dirección o Mér, 03/04/2024 - 11:14

Eurolingua Venairlanda® lanza a súa 11ª convocatoria de Bolsas Eurolingua para a realización de Cursos de Inglés en Irlanda de dúas semanas de duración durante o verán nun programa de inmersión todo incluído.

Constan dun lote global de 20 bolsas dirixidas a estudantes universitarios, de secundaria, bacharelato ou formación profesional cunha dotación orzamentaria achegada por Eurolingua Venairlanda na súa totalidade.

O programa está financiado ao 100% e inclúe:

Recollida no aeroporto e traslado ao aloxamento en función da idade e destino.
A data do curso será no verán, nos meses de xullo ou agosto .
Aloxamento en familia ou residencia/apartamentos en función da idade e destino.
Proba de nivel.
Programa de 20 clases de inglés semanais.
Material didáctico.
Programa de actividades culturais, visitas e excursións.
Certificado de aproveitamento do curso expedido polo colexio.
Supervisión por Monitores de Eurolingua en destino.
Teléfonos de emerxencia 24 horas.
Non incluído, pero xestionable gratuitamente, o billete de avión.

PRAZO DE SOLICITUDE DA BOLSA: Ata as 23.59 horas do 21 de abril de 2024.

Para comprobar requisitos pica aquí.
Se non cumpres requisitos pica aquí.

SOLICITUDE DE BOLSAS DE ESTUDO 2024-2025

Enviado por Dirección o Mér, 20/03/2024 - 14:22

ABERTO O PRAZO PARA SOLICITUDE DE

BOLSAS DE ESTUDO MEC DO CURSO 2024-2025

Poderá ser beneficiario o alumnado que no ano 2024-2025 curse:

Bacharelato
Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados
Formación Profesional de grao medio e de grao superior
Ensinos artísticos: profesionais e superiores
Ensinos de idiomas en Escolas Oficiais, incluída a modalidade a distancia
Ensinos deportivos
Estudos relixiosos superiores
Formación Profesional de Grao Básico
Ensino universitario: Grados, Máster...

PRAZO: 19 DE MARZO AO 10 DE MAIO DE 2024

Para máis información premede na ligazón: https://www.becaseducacion.gob.es/portada.html

ENLACE CONVOCATORIA XERAL

SOLICITUDE DE ADMISIÓN PARA CURSO 2024/25

Enviado por Dirección o Mar, 27/02/2024 - 15:19

ADMISIÓN DO ALUMNADO CURSO 2024/25

DENDE O 1 AO 20 DE MARZO

Proceso de admisión.Resumo e información xeral.

Aplicación informática ADMISIONDEALUMNADO (para cubrir as solicitudes co manual de axuda).

Solicitude de admisión en papel.

Anexo II(Galego) Anexo II(Castelán)

Admitidos/as do centro adscrito CEIP PEDROUZOS.

Prazas vacantes por cursos no IES DE BRIÓN.

NOTA: Esta solicitude é para aquel alumnado do IES DE Brión que pretenda cambiar de centro educativo e para aquel que queira solicitar praza no noso centro.

O alumnado actualmente matriculado no IES de Brión que queira continuar os estudos neste centro non ten que facer reserva de praza, posto que esta faise de xeito automático.

CONVOCATORIA DE PROBAS DE ACCESO AOS CICLOS FORMATIVOS DE GRAO MEDIO E SUPERIOR

Enviado por Dirección o Lun, 29/01/2024 - 17:47

ENLACE:Convocatoria de probas de acceso aos ciclos formativos de grao medio e de grao superior de formación profesional para o ano 2024

Públícase o calendario para a solitude e realización das probas de acceso a ciclos formativos de Grao Medio e Grao Superior para o alumnado que non conte coa titulación esixida (ESO/BAC ou equivalentes respectivamente) e ademais conte cos seguintes requisitos:

CICLOS FORMATIVOS DE GRAO MEDIO

Poderán participar na proba de acceso aos ciclos formativos de grao medio as persoas que non cumpran os requisitos académicos exixidos para acceder a eles e teñan dezaseteanos ou os fagan no ano natural de realización da proba. +info

CICLOS FORMATIVOS GRAO SUPERIOR

Poderán participar na proba de acceso aos ciclos formativos de grao superior as persoas que non cumpran os requisitos académicos exixidos para acceder a eles e teñan dezanove anos ou os fagan no ano de realización da proba +info

NOTA: A solicitude a CICLOS FORMATIVOS DE GRAO MEDIO E GRAO SUPERIOR realízase no mes de xuño unha vez obtida a titulación correspondente, estas probas son para as personas que non conten coa titulación requerida para dito acceso.

Nieves Argibay
Orientadora

IES DE BRION

Centro

Secretaría

Iniciar sesión