Durante este curso, o alumnado de francés de 4º ESO fixo parte dun proxecto europeo a través da plataforma Etwinning. O proxecto de intercambio virtual realizouse co Lycée Jean de Prades da localidade de Castelsarrasin, no sur de Francia.

Ao longo destes meses, o alumnado realizou videos de presentación, intercambiou información sobre o lugar onde viven, fixo playlists coas suas músicas favoritas, fixeron receitas e aprenderon a utilizar ferramentas dixitais para elaborar e intercambiar información e sobre todo, descubriron outras mozas e mozos con gustos e preocupacións similares aos seus.

Moi boa experiencia que contamos repetir o ano que vén! Divertímonos, aprendemos e facemos amizades novas!

Preme nos seguintes enlaces para consultar os libros de texto recomendados para o curso 2022-23.

     LIBROS DE TEXTO BAC 2022-23                              LIBROS DE TEXTO ESO 2022-23

NOTA: Aconséllase  ao alumnado que pasa a 2ºESO ou 4ºESO (os cursos onde aínda non se implanta a nova lei educativa) non mercar libros ata Setembro, por se o centro pode proporcionarlle algúns dos exemplares do fondo propio, que se repartirán de maneira equitativa. Para saber as necesidades de cada alumno/a prégase que cubran o seguinte formulario ca conta de correo @iesbrion.com que posúen, antes do 15 de xullo. Hai que pechar sesión en todas as contas de g-mail para poder acceder ao formulario, e se aínda así da error, entrar polo navegador Chrome.

ENLACE AO FORMULARIO

 A obra "As do peixe" do Teatro das Maniotas do noso centro despois de saborear o premio autonómico, poñen  rumbo a Madrid como finalistas da 19ª edición dos Premios Buero de Teatro Xove.

É a primeira vez que un grupo galego chega a esta final, así que as nosas protagonistas non deixan de dar alegrías a nosa comunidade educativa.

Moitos parabés polo gran traballo deste grupo e da súa profesora Loly Santos!!

•  NOVA NO CORREO GALEGO: ENLACE
•  NOVA NA VOZ DE GALICIA: ENLACE

ESO (CONVOCATORIA PARCIAL E FINAL):

• 6, 7, 8 DE XUÑO: XUNTA 3ª AVALIACIÓN
• 10 DE XUÑO: ENTREGA DE NOTAS 3ª AVALIACIÓN (PARCIAL)
• 6 – 22 DE XUÑO: EXAMES DE RECUPERACIÓN (As recuperacións das materias suspensas na avaliación parcial faranse no horario de clases, no período lectivo que abrangue dende o 6 ata o 22 de xuño. Neste período tamén se ampliará e afondará materia co alumnado aprobado na avaliación parcial.)
• 20 E 21 DE XUÑO: EXAMES DE MATERIAS PENDENTES:

*Os exames de pendentes serán nas aulas de 2º Bacharelato A e B

• 23 E 27 DE XUÑO: XUNTA DE AVALIACIÓN FINAL
• 28 DE XUÑO (9:00-10:00): ENTREGA NOTAS FINAIS E RECOLLIDA DE LIBROS, NAS AULAS DE REFERENCIA
• 29 E 30 DE XUÑO: RECLAMACIÓNS ANTE A DIRECCIÓN
• 5 DE XULLO: COMUNICACIÓN ACORDOS RECLAMACIÓNS
• 6 E 7 DE XULLO: RECLAMACIÓNS ANTE XEFATURA TERRITORIAL

1º BACHARELATO (CONVOCATORIA ORDINARIA E EXTRAORDINARIA):

• 6 DE XUÑO: XUNTA AVALIACIÓN ORDINARIA
• 7 DE XUÑO: ENTREGA DE NOTAS (ORDINARIA)
• 8 E 9 DE XUÑO: RECLAMACIÓNS ANTE DIRECCIÓN
• 14 DE XUÑO: COMUNICACIÓN ACORDOS RECLAMACIÓNS
• 15 E 16 DE XUÑO: RECLAMACIÓNS ANTE XEFATURA TERRITORIAL
• 20, 21, 22 DE XUÑO: EXAMES EXTRAORDINARIOS 1º BACHARELATO
  

• 23 DE XUÑO: XUNTA AVALIACIÓN EXTRAORDINARIA
• 28 DE XUÑO: ENTREGA DE NOTAS (EXTRAORDINARIA)
• 29 E 30 DE XUÑO: RECLAMACIÓNS ANTE A DIRECCIÓN
• 5 DE XULLO: COMUNICACIÓN ACORDOS RECLAMACIÓNS
• 6 E 7 DE XULLO: RECLAMACIÓNS ANTE XEFATURA TERRITORIAL

2º BACHARELATO: (CONVOCATORIA EXTRAORDINARIA)

• 13-17 DE XUÑO: EXAMES EXTRAORDINARIOS 2º BACH e PENDENTES 1º BACH

• 20 DE XUÑO: AVALIACIÓN EXTRAORDINARIA
• 21 DE XUÑO: ENTREGA DE NOTAS
• 27 E 28 DE XUÑO: RECLAMACIÓNS ANTE A DIRECCIÓN DO CENTRO
• 1 DE XULLO: RECLAMACIÓNS ANTE XEFATURA TERRITORIAL
• 12-13-14 DE XULLO: PROBA EXTRAORDINARIA DE ABAU

Este curso académico o IES de Brión participa no proxecto "En bici á escola": "Bicikleteando".

Nel, levamos a cabo varias actividades relacionadas co mundo da bicicleta e a mobilidade sostible.

Os días 19 e 20 de maio, os alumn@s de 1º ESO (un total de 86 alumnos) disfrutaron dunha xornada na que a bicicleta foi a nosa protagonista.

O pasado xoves 28 e venres 29 de abril, o alumnado de 3º de ESO desfrutamos dunha estancia de dous días moi intensos en Alvarella, na contorna de Pontedeume, organizada por Educación Física.

O xoves, despois da chegada a Alvarella, puxemos rumbo cara ás Fragas do Eume para realizar unha andaina.

No roteiro, reflexionamos sobre a importancia da natureza e o coidado que hai que ter sobre ela, da man de monitores de Alvarella.

Durante o percorrido, visitamos o Mosteiro de Caaveiro e logo xantamos no antigo recinto dos muíños, perto do río, que estaba invadido pola vexetación.

De volta a Alvarella, e despois de acomodarnos nas nosas habitacións, fixemos dúas actividades: tiro con arco e orientación no bosque, para aprender a manexar o compás.

Pola noite, tivemos unha velada nocturna, onde fixemos o xogo "atrapa a bandeira". Tanto gostamos del, que o repetimos varias veces...non tiñamos sono nin cansanzo!

Ao día seguinte, fixemos por grupos unha actividade de orientación con mapa e compás polos arredores do aloxamento. TIñamos que ir atopando distintos lugares marcados no mapa e realizar as probas indicadas en cada sitio. Gañaba o equipo que máis lugares e probas realizara. Esta actividade levóunos toda a mañá.

Despois de xantar, despedímonos de Alvarella e puxemos rumbo a Pontedeume. Alí, dividímonos en dous grupos e fixemos canoa na ría de Ares, guiados polo clube Firrete, e o xogo das descubertas en Pontedeume, para coñecer máis aspectos da cultura e historia desta bonita vila.

Coa chegada ao instituto, xa case á noitiña, rematamos a excursión, con moito cansanzo pero tamén con moita pena e que esta viaxe acabara.

Xa estamos preparadas e preparados para a seguinte!

Flavia Maceiras e Silvia Rabuñal, 3º ESO B

Para ver o arquivo de fotografías, preme aquí.

O xurado dos Premios Buero da Fundación Coca-Cola acaba de conceder o Premio Autonómico ao grupo de teatro do IES de Brión “Teatro das Maniotas” pola súa representación da obra “As do peixe”, texto de Cándido Pazó e dirección de María Dolores Santos e Ariadna Álvarez.

Na seguinte fase, o grupo compite co resto de gañadores/as autonómicas en Madrid.

OS NOSOS PARABÉNS A ESTE GRAN GRUPO!!

No seguinte arquivo podedes acceder  aos criterios CRITERIOS DE PROMOCIÓN E TITULACIÓN da Educación Secundaria Obrigatoria e Bacharelato.

ARQUIVO