NO IES DE BRIÓN TAMÉN BAILAMOS JERUSALEMA!!

Enviado por Dirección o Lun, 28/12/2020 - 18:59
Dende o departamento de Educación Física queremos compartir o traballo realizado polo alumnado de 1º 
ESO,2º ESO non bilingüe. 3º ESO non bilingüe e 4º ESO.
Cada vez estamos máis convencid@s, e agora máis polos momentos que nos toca vivir, que o importante é 
o proceso, o camiño percorrido, os momentos vividos, os espacios compartidos, desfrutar da contorna,
respirar aire fresco, fortalecer vínculos.
E se todo isto nos permite avanzar no noso proceso de aprendizaxe...Que máis se pode pedir?
Desexo que o disfrutedes.
Grazas pola vosa colaboración e atent@s ao resultado final que vivimos o pasado martes coa posta en
común en directo!
Que viva o movemento porque... que somos senón movemento?
O importante non é o destino, senon o camiño!!
Felices Festas!!

ORIGAMI NA BIBLIO: UN TRIMESTRE DE ACTIVIDADES

Enviado por Dirección o Mar, 22/12/2020 - 12:08

Enviámosvos o enlace ao video-resumo das actividades sobre origami que se realizaron ao longo deste trimestre, aí tamén podedes escoitar os relatos que realizaron os alumnos e alumnas e gravamos na radio. 

ENLACE AOS RELATOS DO ALUMNADO

Felicitar a todas e todos os que participaron, xa que se trataba de participar e aprender en común.

Agradecer enormemente a todo o profesorado que se implicou para participar ou facer que o seu alumnado participara no proxecto, cremos que xuntar destrezas e disciplinas distintas axúdanos a aprender mellor.

Por último, achegámosvos as recomendacións lectoras para estas vacacións, baixo o lema "Lecturas diversas para xente diversa", neste caso arredor de tres eixos: cómic, ciencia e mulleres de premio;  atoparedes estes libros e moitas outras novidades na biblioteca.

https://bibliobrion.blogspot.com/2020/12/recomendacions-lectoras-lecturas.html

Boas vacacións e boas lecturas!

Equipo de biblioteca

PARABÉNS AO ALUMNADO DE FRANCÉS PRESENTADO AO DELF

Enviado por Dirección o Lun, 14/12/2020 - 23:28
 O pasado mes de outubro celebráronse finalmente as probas de lingua francesa DELF ás que se presentaba alumnado do noso instituto e que foran adiadas desde maio por mor da pandemia.
 
Alegrámonos moito dos resultados xa que todo o alumnado que se presentou, superou esta proba e xa teñen o seu título oficial DELF.
Moitos parabéns!

XOSÉ VIZOSO. CARTEIS 1970-2016

Enviado por Xabier Lorenzo ... o Lun, 14/12/2020 - 12:08

Dende o pasado venres día 11 de decembro, o IES de Brión acolle parte da mostra "XOSÉ VIZOSO. CARTEIS 1970-2016".

Esta mostra, que xa puido verse en diversas ocasións en salas de toda Galicia, recala agora, de forma fragmentada, en tres centros de ensino da nosa contorna: O IES Rosalía, o CEIP de Pedrouzos e o IES de Brión.

O alumnado terá ocasión de apreciar a obra cartelística dun artista polifacético que, pese a centrar o seu traballo no deseño de pezas cerámicas en Sargadelos (onde entrou a traballar en 1968 da man de Isaac Díaz Pardo), abarcou outros campos como o deseño e ilustración de libros e o cartelismo.

Queremos agradecer, unha vez máis, a xenerosidade deste mindoniense ilustre afincado en Brión co noso centro e o seu alumnado.

 

MAKER FAIRE 2020

Enviado por luz o Lun, 07/12/2020 - 19:46

Desde o IES presentamos o proxecto Visor estereoscópico de gráficos vectoriais interactivos na xornada educativa da Maker Faire Galicia 2020  o pasado 20 de novembro.

O proxecto interdisciplinar, desenvolvido nas materias de Tecnoloxía Industrial I e Debuxo Técnico I,  consiste nun visor de figuras, modelos e lugares que nos permite obter unha experiencia inmersiva de realidade virtual empregando un dispositivo móbil e unhas lentes RV.

Preme nas imaxes para acceder á páxina web do proxecto e ao vídeo:

visor_web



OBRADOIRO DE BAILE TRADICIONAL GALEGO PARA 2º ESO

Enviado por carmengf o Mér, 25/11/2020 - 20:35

O alumnado de 2º de ESO participou nun Obradoiro de Baile Tradicional Galego nas súas horas de Educación Física os días 23 e 25 de novembro.

Miguel Barbazán, ex-alumno do instituto e membro da Asociación Cultural Cantigas e Agarimos foi o mestre deste Obradoiro.

O alumnado aprendeu, dun xeito práctico, dous dos bailes "soltos" máis característicos galegos, muiñeira e maneo.

Fixemos exercicio, pasámolo ben e aprendimos algo novo da nosa cultura!

Parabéns aos participantes e a poñer o aprendido en práctica nas foliadas, en canto a Covid nos deixe.

Podedes ver a galería completa de imaxes nestes enlaces:

25 N NO IES DE BRION

Enviado por Dirección o Dom, 22/11/2020 - 22:04

O IES de Brión  Súmase a iniciativa BRIÓN EN NEGRO CONTRA A VIOLENCIA MACHISTA .O dia 25N convidamos a toda a comunidade educativa a vir vestida de negro, co obxectivo de amosar publicamente a nosa repulsa contra a violencia machista.

Co lema   “Se é amor, non doe"    dende a Biblioteca fíxose  unha selección de lecturas que están  á nosa disposición.Escolleuse  tamén  unha serie de curtas en varias linguas, pois a violencia contra as muleres está presente en todas as sociedades e culturas..  O mércores visionaránse  na biblioteca. 

Tamén sumouse co cancelo #BibliotecasSTOPViolencia para visibilizar as iniciativas deste día.

O cartaz e selección de curtas

https://bibliobrion.blogspot.com/2020/11/25-novembro-dia-internacional-contra.html

Como estabamos a traballar co Origami,  engadimos  a esta iniciativa

Navega en igualdade, fai o teu barquiño:  https://bibliobrion.blogspot.com/2020/11/navega-en-igualdade-fai-tua-barquina-de.html

 Dende o Equipo de Normalización lingüística  convocouse   un concurso de HAIKUS (1º, 2º e 3º ESO)  e MICRORRELATOS (4º ESO e BACH) co lema 25 novembro VIOLENCIA = 0

VER CARTAZ

Dende o Departamento de Orientación, traballarase   co alumnado de 3º e 4º de ESO nas  horas de titoría  os distintos tipos de violencia de xénero e os  mitos do amor romántico.

 NON TES DISCULPA PARA NON SUMARTE 

 PARTICIPA NALGUNHA DAS ACTIVIDADES PROGRAMADAS

 

AXUDAS PARA A COMPRA DE MÁSCARAS

Enviado por Dirección o Sáb, 14/11/2020 - 19:27

A consellería de Educación ven de publicar a ORDE do 6 de Novembro de 2020, na que se dan a coñecer os criterios e o procedemento de distribución de máscaras entre o alumnado da ESO (non bacharelato)  matriculado en centros públicos. http://www.edu.xunta.gal/portal/sites/web/files/anunciog0598-061120-0002_gl.pdf

O alumado que xa resultou beneficiado das axudas de material escolar, será beneficiado directamente, non terá que presentar unha nova solicitude.

O resto do alumnado, que non foi beneficiado por diferentes causas poderá presentar unha solicitude para dita axuda (ANEXO I de esta orde), dispoñible na sede electrónica da xunta (https://sede.xunta.gal) e na administración do centro. A solicitude deberá presentarse no centro de ensino onde o alumnado está matriculado, nun prazo máximo de 10 días, contados a partir do día seguinte á publicación de esta orde.

COMEZAMOS CO CLUB DE LECTURA!

Enviado por Dirección o Mar, 27/10/2020 - 09:40

 Comezamos coas actividades do noso club de lectura. Se queres compartir lecturas con nós, xa sabes, anótate nesta ligazón antes do 28 de outubro. Este ano teremos grupos reducidos, así que non te demores, as prazas son limitadas!

INFORMACIÓN MATRÍCULA ESCOLA OFICIAL DE IDIOMAS DE NEGREIRA

Enviado por Dirección o Lun, 19/10/2020 - 19:14

Consultar documento adxunto

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.