Skip to Content

OBRIGAS DOS/AS USUARIOS/AS DO FONDO SOLIDARIO DE LIBROS DE TEXTO 2022-2023

Prezadas familias

Como ben sabedes este curso emprestáronse libros novos para 1º e 3º ESO que hai que usar correctamente e devolvelos ao rematar o curso no mellor estado posible. Para conseguir esto temos que:

- FORRAR OS LIBROS.

- NON SULIÑAR NOS LIBROS NIN CON BOLÍGRAFO NIN CON ROTULADOR. Se se fan anotacións con lapis hai que borralas antes da devolución dos libros.

- Os libros están rexistrados nunha aplicación informática; polo tanto, se se perde un libro, a familia do/a alumno/a TEN QUE MERCAR OUTRO IGUAL.

- É imprescindible traer o XUSTIFICANTE DE ENTREGA DE LIBROS o día da devolución dos libros de texto recibidos (en xuño 2023).

 

Grazas pola vosa colaboración

Atentemente,

A Dirección

A ECONOMÍA DA CONTORNA

Complementando os contidos da materia co coñecemento da actividade empresarial das empresas da contorna, o día 20 de setembro os alumnos e alumnas de Economía de 1º de Bacharelato, asistidos pola Coordinadora de Enoturismo de Terras Gauda, Begoña Santamaría, observaron os traballos de vendimia nos viñedos de uva caíño branco. Posteriormente tiveron a oportunidade de visitar as instalacións da bodega no Rosal, onde nos explicaron en detalle o proceso produtivo, as actividades de I+D+i e as prácticas de economía circular que empregan na bodega. Grazas a Terras Gauda por dedicarnos o seu tempo e recibirnos con tanta amabilidade.

REUNIÓNS DE TITORES/AS COAS FAMILIAS

O centro celebrará reunións de presentación titores/as-pais/nais na semana do 26 ao 30 de setembro co seguinte horario:

  • Para os grupos de 1º e 2º de ESO e FP Básica: mércores 28 de setembro ás 19:30 Salón de Actos.
  • Para 3º e 4º da ESO:  mércores 28 ás 20:10 no Salón de Actos
  • Para os grupos de 1º e 2º de Bacharelatoxoves 29 de setembro ás 19:30 no Salón de Actos
  • Para os grupos de Ciclos Medios de FPxoves 29 de setembro ás 20:10 no Salón de Actos.
As anteriores reunións comenzarán á hora e lugar indicado cunha presentación a cargo de DirecciónTras esta presentación cada titor/a  conducirá aos pais/nais do seu grupo á aula de referencia dos seus titorandos para completar este acto de presentación.

REPARTO DE LIBROS DO FONDO SOLIDARIO DE LIBROS DE TEXTO. 1º E 3º ESO.

Prezadas familias

A vindeira semana  procederase ao reparto de libros do FONDO SOLIDARIO DE LIBROS DE TEXTO dos cursos 1º e 3º ESO no seguinte horario:

MARTES

- 9:30-9:45.- 1º ESO A

- 9:45-10:00.- 1º ESO B

- 10:00-10:15.- 1º ESO C

 

XOVES

- 9:30-10:00.- 3º ESO A

-10:00-10:30.- 3º ESO B

 Só poderán recoller os libros de texto o pai, a nai ou o/a titor/titora legal do alumno ou da alumna beneficiaria do Fondo Solidario de Libros de Texto. No caso de que nese día non podan asistir á entrega dos libros poden autorizar a unha persoa maior de idade para que así o faga. (Na autorización deberán constar os nomes, apelidos e DNI da persoa autorizada e da que autoriza a recollida de libros).

A ANPA REPARTIRÁ OS LIBROS DE TEXTO NOS MESMOS DÍAS E NO HORARIO DE 9:30-13:30

Para calquera dúbida ou aclaración poden dirixirse á Vicedirección do centro.

Grazas pola vosa colaboración.

Atentamente,

 O Equipo Directivo.

 

REPARTO DE LIBROS DO FONDO SOLIDARIO DE LIBROS DE TEXTO. 2º E 4º ESO.

Prezadas familias

O vindeiro xoves día 15 de setembro procederase ao reparto de libros do FONDO SOLIDARIO DE LIBROS DE TEXTO dos cursos 2º e 4º ESO no seguinte horario:

- 9:30-10:00.- 2º ESO A

- 10:30-11:00.- 2º ESO B

- 11:00-11:30.- 2º ESO C

- 11:30-12:00.- 4º ESO A

-12:30-13:00.- 4º ESO B

- 13:00-13:30.- 4º ESO C

A ANPA repartirá os libros de texto o mesmo día e no mesmo o horario que o fai o centro.

Só poderán recoller os libros de texto o pai, a nai ou o/a titor/titora legal do alumno ou da alumna beneficiaria do Fondo Solidario de Libros de Texto. No caso de que nese día non podan asistir á entrega dos libros poden autorizar a unha persoa maior de idade para que así o faga. (Na autorización deberán constar os nomes, apelidos e DNI da persoa autorizada e da que autoriza a recollida de libros).

Nestes días xa estamos recibindo os libros de texto de 1º e 3º ESO. En canto os teñamos todos (ou a maioría) faremos o reparto ás familias.

Para calquera dúbida ou aclaración poden dirixirse á Vicedirección do centro.

Grazas pola vosa colaboración.

Atentamente,

O Equipo Directivo.

CALENDARIO DE PRESENTACIÓNS CURSO 22- 23 IES A SANGRIÑA

  Para aclarar os erros de interpretación da info exposta noTABOLEIRO DE ENTRADA do centro respecto ao CALENDARIO E HORARIO DAS PRESENTACIÓNS CURSO 22-23 ( o cal achégase coa presente) do IES A SANGRIÑA, cómpre facer as seguintes puntualizacións:

 

1. O día 8 celebraranse as presentacións dos grupos de ESO, FP Básica e FP Dúal. As presentacións comenzarán nas horas que se sinalan no documento  anexo á presente (Calendario e Horario das presentacións curso 22-23). Despois de cada presentación, os grupos seguirán co seu horario normal lectivo (ata as 14:00 hrs) e, por suposto, o día 9 será lectivo para este alumnado (repetimos: ESO, FP Básica e FP Dual)

2. O día 9 comenzarán os grupos de Bacharelato e de Ciclos Medio e Superior de FP. Despois de cada presentación  os grupos seguirán co seu horario lectivo normal.

3. O  transporte escolar realizará o servizo do día 8 para que alumnado estea ás 09:00 hrs da mañá no centro. Pregamos que, por ser o primeiro día e para evitar aglomeracións, o alumnado de 3º e 4º acuda polos seus propios medios, se é posible, ao centro á hora correspondente á súa presentación que é a das 10:00 da mañá.  O día 9 o horario do servizo será o normal.

 

A Dirección

 

 

 

BENVIDOS/AS A UN NOVO CURSO ESCOLAR 2022-2023!

Estimadas familias

Iniciamos un novo curso escolar. Manterémosvos informados a través da páxina web do centro http://www.edu.xunta.gal/centros/iesasangrina/. Para calquera dúbida podedes contactar con nós no teléfono 886110060.

Un saúdo,

A Dirección

CONVOCATORIA DE CLAUSTRO INICIO CURSO 22-23 IES A SANGRIÑA

  Achégase convocatoria Claustro de profesorado IES A Sangriña para o día 7 de setembro.

FONDO SOLIDARIO DE LIBROS DE TEXTO

Prezadas familias:

Xa están publicadas as listaxes definitivas de admitidos e excluídos do Fondo Solidario de Libros de Texto no taboleiro que está na entrada do centro.

O reparto dos libros de texto farase ao inicio de curso (día e hora sen determinar), en canto empecen as clases.

Moitas grazas.

Atentamente,
A Dirección

Distribuir contido


by Dr. Radut