IES A SANGRIÑA

O IES A Sangriña recibe mensaxes procedentes doutros mundos

Mér, 01/05/2024 - 08:46 — IES A Sangriña

portugues sangriña

O alumnado de portugués do IES A Sangriña tivo a honra de recibir unha “misión especial” procedente do IES Poeta Díaz Castro de Guitiriz. Ambos os centros realizarán contactos entre eles con escolas doutras latitudes (Cabo Verde, Brasil, Timor Leste, Portugal...), co obxectivo de estabelecer un primeiro contacto. As caixas van cheas de mensaxes e obxectos en que os/as estudantes mostran aquilo que consideran máis representativo dos seus lugares de orixe, da maneira en que o fixo a NASA coa súa sonda Pioneer 10. De Guitiriz obtivemos un exemplar da revista da Asociación Xermolos, adhesivos e marcadores feitos polo propio alumnado cos logotipos do Clube da Capivara e unha camiseta oficial do Clube.

O galego continúa a levarnos lonxe!

O alumnado do IES A Sangriña chega á Spring Week

Lun, 29/04/2024 - 13:13 — IES A Sangriña

Spring Week IES A Sangriña

Unha delegación do alumnado de 2º de ESO do IES A Sangriña xa está na Spring Week, unha estancia lingüística organizada pola Xunta de Galicia para que estudantes de centros públicos e concertados practiquen inglés durante unha semana. A actividade realízase en réxime de internado en Mondaiz e os rapaces e rapazas verán estimulada a práctica oral da lingua inglesa en contextos educativos máis amplos que o secolar.

A Xunta indica que a metodoloxía desta actividade será "activa, lúdica e cooperativa e favorecerá unha aprendizaxe significativa por parte do alumnado". As actividades fomentarán a convivencia e xirarán arredor de temáticas de interese cultural, social, artístico e ambiental.

Premios Extraordinarios de Bacharelato

Lun, 29/04/2024 - 12:56 — IES A Sangriña

PREMIOS EXTRAORDINARIOS DE BACHARELATO

A Consellería de Cultura, Educación, Formación Profesional e Universidades vén de publicitar os Premios Extraordinarios de Bacharelato na súa convocatoria de 2023-2024.

Estes premios están dirixidos ao lumnado que finalice os estudos de bacharelato no curso 2023/24 nun centro docente da Comunidade Autónoma de Galicia cunha nota media no bacharelato igual ou superior a 8,75.

Podedes consultar un resumo da información da convocatoria na seguinte ligazón.
Podedes consultar a Orde completa da convocatoria na seguinte ligazón.
Podedes acceder á web para presentar a vosa candidaturae ligazón.

Visitamos VEPERSA e COPERVI

Lun, 29/04/2024 - 12:11 — IES A Sangriña

VISITA ÁS EMPRESAS VEPERSA E COPERVI EN VIGO

O pasado xoves día 25, alumnado de Administración (1ºCSADG01 e 2ºCMADG01) e automoción (1ºCMTMV02 E 2º CBTMV11), puideron visitar as empresas Vepersa e Copervi na cidade de Vigo, concesionarios Audi e Seat-Volkswagen, ambos pertencentes ao grupo Pérez Rumbao, empresa galega líder do sector da automoción en Galicia.

Da man do Director Xerente de Vepersa, D. José Fiel, tiveron a oportunidade de visitar as instalacións de esta empresa de referencia no sector da automoción. Ao longo da visita faláronlles do seu posicionamento dentro do tecido industrial, organización da actividade, funcionamento e claves de éxito, así como da demanda, os últimos avances no sector e da importancia de contar cun capital humano (os traballadores) moi profesionalizado e implicado co seu traballo.

Como actividade do programa EduTecEmprende da Xunta de Galicia, foi esta unha estupenda oportunidade de coñecer de primeira man unha das empresas punteiras da nosa autonomía,

Grazas ao persoal da empresa que acompañou o noso alumnado na visita con total entrega e amabilidade, e grazas tamén ao alumnado pola súa participación e interese.

Adestramos “tiro olímpico” en modalidade carabina e pistola

Lun, 29/04/2024 - 12:02 — IES A Sangriña

Tiro Olímpico IES A SANGRIÑA

A pasada semana o adestrador autonómico de "tiro olímpico" Enrique Otero impartiu no noso centro unhas sesións das modalidades de carabina e pistola. Nelas, os rapaces e rapazas puideron coñecer a importancia da concentración e do control postural para o desenvolvemento deste tipo de prácticas deportivas. Ademais, a actividade centrouse en que o alumnado puidese aproximarse ao mundo das armas desde un punto de vista distinto ao da caza ou aos estereotipos que se transmiten no cine.

Moitas grazas Enrique pola túa amábel colaboración.

Concurso de foto-disfraces do Día do Libro

Ven, 26/04/2024 - 11:09 — IES A Sangriña

$consurso disfraces dia libro sangriña$

O Equipo de Dinamización da Lingua Galega e a Bibliotrega do Miño convídanvos a participar no Concurso foto+disfraz+literario que conmemora do Día do Libro de 2024 (23 de abril).

Para participar só tes que enviarnos unha foto cun disfraz (individal ou en grupo) feito na casa e inspirado nunha obra literaria. Para que sexa máis recoñecible, podes engadir unha frase célebre en galego do libro (que non sexa o título).

O premio serán dous vales de 30 € para comprar no comercio local.

Envía a túa foto a: asangrinha.edlg@gmail.com antes do día 6 de maio.

Concurso de fotografía conmemora o "Dia mundial da língua portuguesa"

Xov, 25/04/2024 - 14:31 — IES A Sangriña

Concurso de fotografía Lingua Portuguesa A Sangriña

O Departamento de Portugués e o Equipo de Dinamización da Lingua Galega do IES A Sangriña convocan un ano máis o concurso de fotografía "A lusofonia vista desde a Guarda", co que se conmemora no centro o Dia mundial da língua portuguesa.

A continuación, publicamos as bases dun concurso que está aberto a todo o alumnado do centro, e non só para aquel que estuda portugués como 1ª ou 2ª lingua.

BASES DO CONCURSO:

1) Tira uma fotografia de portugal desde a nossa margem do minho ou utiliza uma já feita em alguma das tuas viagens ao país vizinho.

2) Cria um texto poético ou informativo em português (15-50 palavras) relacionado com a imagem e combina-os da maneira mais artística possível.

3) Envia o resultado a asangrinha.edlg@gmail.com (até 5 de maio).

4) Ganha um prémio.

Listaxes provisionais de alumnado seleccionado para AXUDASLE

Mér, 24/04/2024 - 14:33 — IES A Sangriña

axudasle ies a sangriña

Publicadas as listaxes provisionais de alumnado seleccionado e suplente e a listaxe de solicitudes que precisan remisión de documentación relacionada coas comprobacións segundo o establecido no artigo 8.1 (apartados c,d,e,f), segundo o establecido no artigo 16.3 da Orde do 29 de xaneiro de 2024 pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 12/02/24).

Ábrese un prazo de 10 días hábiles a partir de hoxe (fin de prazo 8 de maio), para que as persoas solicitantes que figuran na listaxe de solicitudes que precisan de remisión de documentación fagan entrega da documentación que se lle require, que poderá consultar a través do menú "3.Estado Solicitude" da páxina web do programa.

Deberase presentar a documentación que se require, acompañando a mesma coa instancia que se atopa pinchando aquí: Instancia para completar documentación

O estado das solicitudes irá variando periódicamente, segundo se comprobe a documentación achegada. As listaxes publicadas no día de hoxe non variarán, aínda que cambie o estado da súa solicitude (comprobando a través do menú "3.Estado solicitude").

Para máis información preme nesta ligazón.

Datas de prematrícula para o curso 2024-2025 (ESO - BAC)

Mar, 23/04/2024 - 11:28 — IES A Sangriña

Prematrícula IES A SANGRIÑA

Este ano, no IES A Sangriña inauguramos unha nova canle para as prematrículas e as matrículas do noso alumnado de ESO e Bacharelato. En lugar de encher un formulario en papel, as familias accederán a un formulario web a través da páxina oficial do noso centro. Este proceso realizarase entre os días 3 e 13 de maio, ambos incluídos.

Por que optamos por este novo formato?

Desta maneira a xestión e a entrega dos documentos é máis rápida e cómoda para as familias.

Minimízanse os posíbeis erros humanos no tratamento da información, pois esta pasa directamente das familias á nosa base de datos.

O proceso é máis ecolóxico e económico, pois redúcense tanto o emprego de papel como os gastos en impresión.

O feito de que os nosos formularios se estruturen paso a paso permitirá ás persoas usuarias seguir un manual de instrucións da maneira máis cómoda e sinxela.

Visitamos Innovart

Ven, 19/04/2024 - 13:07 — IES A Sangriña

Onte, unha delegación do IES A Sangriña integrada por alumnado de 4º de ESO e 1º de Bacharelato visitou Innovart; un evento que aglutina as ensinanzas artísticas, as ensinanzas de idiomas e as ensinanzas deportivas que se imparten en Galicia. Ademais de ver material expositivo puidemos realizar actividades interactivas de: arte dramática, artes plásticas e deseño, conservación e restauración de bens culturais, danza, ensinanzas deportivas, idiomas e música. Houbo tamén concertos, conferencias e espectáculos escénicos.

O noso alumnado en particular participou nos seguintes obradoiros:

Obradoiro de fotograía. Light Painting (EASD Antonio Faílde).
Obradoiro de Estampación (EASD Mestre Mateo).
Obradoiro de modelaxe sobre manequí (EASD Mestre Mateo).
Aprende a navegar (CIFP Fontecarmoa).
Obradoiro de Xoiaría con refugallo (EASD Mestre Mateo).

Foi unha tarde intensa, enriquecedora e chea de actividades. Por parte do profesorado acompañante non podemos máis que agradecer a implicación e a vontade de aprender, descubrir e facer cousas novas do alumnado ao que tivemos a sorte de acompañar a esta feira.

A continuación, publicamos en pdf algunhas fotografías desta viaxe: