O alumnado de 1⁰ de ESO do IES A Sangriña desprazouse onte a Vigo da man do departamentos de Lingua Castelá e Literatura e Bioloxía para asistir a unha proxección cinematográfica e visitar o monte do Castro na cidade de Vigo.
O filme escollido foi "El peor equipo del mundo", baseado na historia do adestrador holandés Thomas Rongen, o artífice de levar a cabo unha tarefa practicamente imposible no deporte: tomou as rendas da selección de fútbol de Samoa Americana, e tentou converter un grupo desastroso nun equipo de vencedores naturais.
Mo monte do Castro, realizouse unha visita guiada á fortaleza, edificada sobre as ruínas dun castelo medieval derruído no século XV, que foi a principal construción defensiva da cidade. A visita incluíu o acceso ás galerías subterráneas empregadas durante a guerra contra os franceses, abertas ao público recentemente polo Concello de Vigo.
