Lingua Castelá e Literatura

Este luns 25 de abril visitou o IES A Sangriña a escritora e profesora Sonia Mirón, autora da novela xuvenil Si tú quieres.

Durante algo máis dunha hora, a autora conversou co alumnado de 1º, 2º e 3º da ESO sobre a súa obra. Tras unha breve exposición na que explicou como foi a súa entrada no mundo da escrita, como lle influíu o seu pimeiro libro en propiedade cando era nena, a súa querenza pola lectura desde ben nova e como foi o proceso de composición de Si tú quieres, deixou a palabra aos rapaces e rapazas. Estes fixeron numerosas e interesantes preguntas sobre o argumento da novela, o traballo de creación, o traballo de escritora, e moitas outras cuestións e curiosidades. Para finalizar, todas aquelas persoas que quixeron pudieron levar os seus exemplares firmados e dedicados pola autora.

Agradecemos a Sonia Mirón a súa visita e desexámoslle o mellor para esa segunda novela que está a piques de saír do prelo.

A autora Joana Lomba, antiga alumna do noso centro, presentou o pasado venres a súa novela Reflejos ao alumnado de 1º de Bacharelato. Fixo unha interesante achega á súa obra, explicou como xurdiu a idea de crear a novela, como foi construíndo os personaxes, o espazo ou incluso o deseño da portada. Fixo partícipe ao alumnado de detalles curiosos que doutro xeito pasarían desapercibidos.