Skip to Content

Programas Internacionais e Intercambios

Fotografías do intercambio co Liceo Francesco Angeloni

A Sangriña Italia

Compartimos con vós algunhas fotografías do intercambio co Liceo Francesco Angeloni, de Terni (Italia). Durante esta viaxe visitamos cidades como Roma, Terni, Spoleto ou Narni. A obrigada fotografía do monumental Coliseo de Roma acompáñase na nosa montaxe doutras imaxes que retratan posados en grupo e xogos para ocupar o tempo libre.

Moitas grazas aos nosos 22 alumnos e alumnas de 1° de Bacharelato polo seu espectacular comportamento. Agardamos que, ademais do ben que o pasaron e de participar en actividades académicas no centro de destino, esta viaxe teña contribuído ao seu crecemento persoal.

As nosas estudantes xa están en Francia

EduMob A Sangriña Francia

As alumnas do IES A Sangriña que participan no programa EduMob xa chegaron a Francia. EduMob é un programa de intercambio individual de alumnado en réxime de reciprocidade con alumnado matriculado en centros pertencentes á Région Académique de Grand Est (Francia) para o curso 2023/2024.

Desexámosvos unha fantástica estadía, que perfeccionedes o voso francés e que gocedes dunha experiencia que estamos seguros de que vos axudará a crecer aínda máis como persoas!

A expedición da Sangriña xa está en Italia

Intercambio Sangriña Italia

Desde o pasado domingo, e até o 21 de xaneiro, 22 alumnos e alumnas de 1° de Bacharelato do IES A Sangriña están a realizar un intercambio co Liceo Francesco Angeloni, en Terni (Italia). Nel participarán en varias das clases do centro, coñecerán Terni e visitarán Roma. Nos próximos días tamén visitarán Perugia e Spoleto, ademais de realizar outras actividades académicas e culturais co alumnado italiano.

INTERCAMBIO A GUARDA - AARHUS (DINAMARCA).

Desde o pasado sábado 2 de setembro, 19 estudantes galegos e daneses participan no intercambio do IES A Sangriña da Guarda e o centro Aarhus Gymnasium Tilst, de Aarhus. Cun completo programa de actividades, foron convidados a coñecer e compartir a súa cultura e ensinanza, amosando unha hospitalidade e atención inmellorables.
Agradecemos desde aquí a todas as persoas que fan posibles estas experiencias tan sumamente enriquecedoras como inesquecibles para a rapazada.

Distribuir contido


by Dr. Radut