Skip to Content

Física e química

Visitamos os museos científicos da Coruña

ies a Sangriña coruña

O alumnado de 3⁰ de ESO do IES A Sangriña visitou, hoxe luns día 26 de febreiro o museo Domus e o Aquarium Finisterrae da Coruña. A actividade foi organizada e acompañada polo profesorado dos departamentos de Bioloxía e Xeoloxía e Física e Química.

Domus foi o primeiro museo interactivo do mundo dedicado integramente ao ser humano, e é o segundo dos tres Museos Científicos da Coruña. O edificio, obra do arquitecto xaponés Arata Isozaki, conta con máis de 150 módulos interactivos para divertirse e reflexionar sobre as características da especie humana.

O Aquarium Finisterrae é un centro científico público dedicado á educación ambiental e á divulgación científica de temas mariños. O terceiro dos Museos Científicos Coruñeses ten como obxectivo promover o coñecemento do océano e educar actitudes amorosas cara o mar e a vida mariña. Foi creado polo Concello da Coruña o 5 de xuño de 1999. O Aquarium Finisterrae conta con catro salas de exposición, cada unha con personalidade propia, e unha colección biolóxica formada por máis de trescentas especies diferentes.

Conferencia sobre química, alimentos e cociña

ricardo riguera

Onte celebrouse no IES A Sangriña unha conferencia do profesor Ricardo Riguera organizada polos departamentos de Física e Química e Orientación. O profesor da USC e investigador do CiQUS (Centro singular de Investigación en Química Biolóxica e Materiais Moleculares) ofreceunos unha interesante disertación sobre a relación entre a Química e a conservación dos alimentos e o seu emprego no mundo da culinaria.

O profesor Ricardo Riguera é autor de máis de 250 publicacións e patentes, inicialmente centradas en produtos naturais bioactivos, química medicinal e desenvolvemento de métodos de RMN para asignación de configuración absoluta. En 2013, a Real Sociedade Española de Química outorgoulle a Medalla Félix Serratosa, polo seu traballo en Química Orgánica, e en 2018 o Premio GERMN pola súa investigación no campo da RMN.

CHARLAS DE DIVULGACIÓN DA UVIGO E A USC

Coa charla do pasado venres 16 de abril dáse por rematada a programación de charlas de divulgación científica e humanística no curso actual, organizadas desde o departamento de Orientación e departamentos didácticos de Bioloxía e Xeoloxía, Física e Química, Latín, e Grego, en colaboración coas Universidades de Vigo e Santiago.
Todas elas tiveron unha grande acollida e satisfacción por parte do alumnado ao que ía dirixido dos cursos finais de etapa, polo que agardamos continuar a colaborar para o vindeiro curso coas tres universidades de Galicia, ampliando á Universidade da Coruña.

Desde aquí queremos agradecer ao profesorado universitario que se trasladase ata o noso IES para procurar que os relatorios se desenvolvesen de xeito presencial.

O alumnado participante no programa STEMBach do IES A Sangriña defende os seus traballos de investigación ante un tribunal.

Os pasados días 7 e o 8 de maio, tivo lugar a defensa pública diante dun tribunal, dos traballos de investigación realizados polos alumnos e alumnas do IES A SANGRIÑA participantes no programa STEMBach, iniciado en 2018 co obxectivo de avaliar a calidade ambiental do entorno costeiro da Guarda. Durante os dous anos de desenvolvemento do programa, o alumnado deseñou e redactou os seus propios proxectos, desenvolveu unha importante fase experimental e redactou as súas memorias compatibilizando este traballo cos estudos de bacharelato.

Os traballos valorados o día 7 de maio, ante o tribunal formado por Edita López e Iria Rodríguez, profesoras do Departamento de Física e Química do IES A Sangriña, e presidido por Emilio Fernández Suárez, Catedrático de Ecoloxía da Universidade de Vigo, foron presentados por:

Distribuir contido


by Dr. Radut