Skip to Content

Fondo solidario de libros de texto e axudas para adquirir libros de texto e material escolar

Fondo libros Sangriña 2024

Convocadas as axudas para adquirir libros de texto e material escolar destinadas ao alumnado matriculado en Educación Primaria, Educación Secundaria Obrigatoria e Educación Especial en centros docentes sostidos con fondos públicos para o curso escolar 2024/25.

As solicitudes presentaranse preferiblemente por vía electrónica na sede electrónica da Xunta de Galicia (https://sede.xunta.gal), accedendo ao procedemento ED330B, que enlazará coa aplicación Fondolibros.

PRAZO: do 21 de maio ao 21 de xuño de 2024.

INFORMACIÓN DE INTERESE:

Obradoiros "Eu na rede"

Obradoiro EU NA REDE IES A Sangriña

A OMIX (Oficina Municipal de Información Xuvenil) organizou, no IES A Sangriña, o obradoiro "EU NA REDE". Esta actividade, dirixida ao alumnado de 1º de ESO, foi levada a cabo por Andrea Iglesias Fernández e pretende falar das redes desde un punto de vista positivo. O obxectivo é axudar á mocidade a evitar os problemas relacionados co uso das redes sociais.

Abriremos o luns día 20, día non lectivo de centro, para tramitar matrículas da ABAU

 a sangriña abau

A pesar de que o próximo luns 20 de maio é o día non lectivo que fóra escollido polo centro a principio de curso e aprobado pola Consellaría de Educación, Ciencia, Universidades e Formación Provisional; dadas as escasas datas que esta mesma consellería ofrece ao alumnado de 2º de Bacharelato para se matricular nos exames da ABAU, o IES A Sangriña abrirá excepcionalmente a súa secretaría para facilitar este trámite ao noso alumnado.

O horario de apertura será das 10:00 ás 13:00.

Para todas as actividades lectivas, o centro permanecerá pechado, tal como corresponde á natureza da xornada.

Festival das Letras Galegas 2024

web festival das letras 24

No IES A Sangriña imos celebrar o Día das Letras Galegas dunha maneira moi moi especial. Na mañá do día 16 de maio gozaremos dun grande festival de música no que estarán en concerto The Tetas’ Van e MJ Pérez. Esta actividade organízase en colaboración co Concello da Guarda e con financiamento da Deputación de Pontevedra.

The Tetas’ Van xuntouse por primeira vez no 2011 para participar nun concurso poñendo música a un poema de Ricardo Carvalho Calero, gañando o premio do público con Luisa Sorriso. Dende entón levan tocando por toda Galicia. Fan versións de clásicos do rock and roll, en inglés e en galego, reivindicando o papel da muller na escena galega.

MJ Pérez é unha das voces do panorama actual da música galega. Inicia o seu percorrido en 2014 e acumula máis de 150 concertos por toda Galicia e tamén Portugal. Suma xa catro álbums: un autoeditado e outros tres auto-producidos. Estivo presente en festivais e nos principáis circuítos musicais de Galicia.

Nas seguintes ligazóns podes escoitar un dos seus fantásticos temas:

Fotos da leitura continuada da República dos Sonhos e mais

A República dos Sonhos Sangriña

O Departamento de Português organizou uma viagem académica a Santiago de Compostela para participar na Leitura Continuada da obra A República dos Sonhos de Nélida Piñón que reuniu a numerosas numerosas personalidades da cultura e representantes políticos.

A homenagem, organizada pela AGAL (Associaçom Galega da Língua) com a colaboração da Secretaría Xeral de Política Linguística, decorreu no aniversário do nascimento (3 de maio) de uma das autoras em língua portuguesa que maior vínculo teve com a Galiza, não apenas afetivo, mas também académico e literário através da sua obra mais celebrada: A República dos Sonhos. Neste romance o vínculo entre a Galiza e o Brasil comparece através de um dos motivos mais frequentados da literatura de ambos os países: a emigração.

Esta actividade viu-se complementada com um ateliê de leitura, leccionado pola Professora Carme Saborido, encaminhado a facilitar a leitura na norma internacional da língua portuguesa aos estudantes que não frequentam as aulas desta disciplina.

Além disso, aproveitamos a viagem para fazer uma gincana em que os alunos e as alunas aplicaram, entre outras, as suas habilidades linguísticas e visitar duas exposições na Cidade da Cultura:

  • Galiverso dos Museus, que é uma iniciativa da Xunta de Galicia que utiliza tecnologias imersivas e de realidade virtual com o objetivo de mostrar de uma forma diferente o nosso património material e imaterial (artístico, arquitetónico, natural, etc.).
  • Tesouros reais. Obras mestras do Terra Sancta Museum, é uma exposição internacional que traz a Santiago de Compostela o extraordinário e pouco conhecido tesouro artístico do Museu Terra Santa de Jerusalém, constituído por doações de monarquias católicas europeias ao longo de 500 anos.

A seguir, publicamos en pdf algumas fotografias desta viagem:

Álbum fotográfico da Spring Week

Spring Week A Sangriña 2024

Publicamos agora un álbum fotográfico con algúns dos mellores momentos da participación do noso alumnado de 2º de ESO na Spring Week, unha estancia lingüística organizada pola Xunta de Galicia para que estudantes de centros públicos e concertados practiquen inglés durante unha semana.

Na seguinte ligazón, podedes acceder ás fotografías:

Congreso de emprendemento dixital SED Talks 2024

Congreso de emprendemento dixital SED Talks 2024

O mundo empresarial está en continua evolución e nestes tempos o uso da tecnoloxía e a contorna dixital converteuse nun elemento clave para o bo funcionamento e crecemento de empresas e proxectos. Por iso, non podemos ignorar este aspecto na formación das nosas alumnas e alumnos.

No Congreso SED Talks 2024, celebrado o venres 3 de maio no Club Financeiro de Vigo, os alumnos de 1º de CS e CM de Administración (e algún de Informática) puideron coñecer experiencias de emprendedores dixitais de éxito, as súas estratexias e consellos.

Grazas a Benlly Hidalgo  por facilitar as entradas aos nosos alumnos, e a estes por facer que  nos sintamos orgullosos de acompañalos.

PROCEDEMENTO DE RECLAMACIÓN das cualificacións obtidas na avaliación final de 2º de Bacharelato curso 23-24

 

Consulta documento pdf informativo sobre a Orde do 26 de maio de 2023 e na Instrución 10/2023 da Dirección Xeral de Ordenación e Innovación Educativa pola que se establecen para o curso 2023/4 os prazos e o procedemento para as reclamacións das cualificacións finais obtidas do segundo de bacharelato ou da decisión de titulación nesta etapa premendo aquí.

MOI IMPORTANTE. Suspensión das clases en HORARIO MATINAL do día 6 de maio no IES A Sangriña

Debido a unha grave avaría no suministro eléctrico do IES A Sangriña e previa autorización solicitada á Xefatura Territorial da CECUFP de Pontevedra, SUSPÉNDENSE AS CLASES EN HORARIO MATINAL no IES A SANGRIÑA o día 6 de MAIO. O horario lectivo vespertino (tarde) NON sufrirá cambios. Aqueles exames programados para a mañá do día 6 de maio, e sobre todo os de 2º de Bacharelato, poderán excepcionalmente ser reprogramados para calquera das tardes desta semana lectiva do 6 ao 10 de maio.

Desculpade as molestias provocadas por esta circunstancia allea completamente á nosa vontade.

A Dirección.

Accede aquí á prematrícula online de ESO e Bacharelato

Prematrícula IES A SANGRIÑA

Accede desde esta publicación á nova canle do IES A Sangriña para as prematrículas e as matrículas da ESO e do Bacharelato. A continuación, facilitámosche as ligazóns de acceso aos formulario web de prematriculación. Podes realizar este proceso entre os días 3 e 13 de maio, ambos incluídos.

O proceso de prematriculación implica:

  1. Cubrir o formulario web cos datos de identificación tanto do/a alumno/a como do seu responsábel legal.
  2. Achegar todos os datos necesarios (marcados no formulario cun asterisco vermello).
  3. O envío dunha única prematrícula por estudante (que se identificará co DNI do/a alumno/a).
  4. O emprego dunha conta de e-mail válida e actualizada por parte do responsábel legal do alumno, pois será nese enderezo onde se recibirá o comprobante da prematrícula.
  5. O número de DNI do responsábel legal do/a alumno/a poderá repetirse, pois un mesmo responsábel legal pode ter ao seu cargo a varios/as estudantes.
  6. Cando o formuario nos avisa de que nos encontramos diante da última pantalla e podemos premer en "Confirmar e enviar" debemos ser concientes de que a nosa prematrícula se consignará no sistema, non podendo empregarse o DNI do alumno en novos formularios.
  7. Unha vez que o sistema nos indique que a prematrícula se realizou correctamente e a recibamos no noso e-mail, procederemos a imprimir o correo electrónico e a entregalo asinado. O alumnado procedente doutros centros farao na secretaría do IES A Sangriña (de luns a venres entre as 9:00 e as 14:00); os estudantes do noso instituto entregaranllo aos seus titores ou titoras. Só tras este trámite se considerará que o proceso de prematriculación foi concluído con éxito.

O luns 13 de maio será o derradeiro día habilitado para a entrega do comprobante da prematrícula asinado.

Accede desde as seguintes ligazóns ás prematrículas da ESO e do Bacharelato:

Distribuir contido


by Dr. Radut