Hoxe tivemos no cole a Dani, mecánico e biomecánico, e a Jose, preparador físico do Club Ciclista Padronés. Visualizamos nun video as novas instalacións das que dispoñen e explicáronnos os valores que transmite este deporte: constancia, orde, disciplina,... vimos e probamos a indumentaria, aprendemos a desmontar e montar un roda, recibimos nocións de seguridade vial e puidemos ver as bicis, o coche e a furgo que utilizan nas competicións. En breve poderemos gozar doutra sesión na que poñeremos en práctica o aprendido hoxe. Estaremos atentos! Lembrade traer o casco!