blogue decris

Hoxe recuperamos despois de varios anos o "APADRIÑAMENTO LECTOR" no que as e os maiores do colexio lle leron uns contos as nenas e nenos máis pequenos. As lectoras e lectores ocupáronse de ir buscar aos seus pequenos, saír a un recuncho do patio e pasar un rato lendo, imaxinando e intercambiando contos.

Unha actividade ca que se trata de fomentar o gusto pola lectura, a responsabilidade, a integración e inclusión, o respecto, a cooperación, a socializacion, etc.

Onte, as alumnas e alumnos de 5º e 6º recibiron a visita de voluntarias de Cogami, Confederación Galega de Persoas con Discapacidade, que traballa pola inclusión das persoas con discapacidade en todos os ámbitos da sociedade.

Baixo o lema "Ponte no meu lugar" reivindican a normalización e a inclusión das persoas con discapacidade no ámbito escolar, o cumprimento efectivo da normativa de accesibilidade e que os dereitos das persoas sexan unha realidade.

Unha actividade moi interesante na que as nenas e nenos aprenderon e participaron de forma activa, experimentando os desprazamentos en cadeira de rodas, tapando os ollos, etc.

As alumnas e alumnos de 3º de Primaria recibiron a visita dos Axentes Medioambientais cos que charlaron sobre o coidado do noso planeta, a prevención e extinción de incendios, plantaron unha árbore e manipularon o seu coche.

Moitas grazas pola visita

Esperámosvos o próximo curso!!!

Esta mañá, para rematar a nosa semana da muller, o alumnado de Educación Infantil e 1º de Primaria disfrutou do contacontos "A pequena gran inventora".

Actividade ofertada polo Concello de Ourense e realizada pola agrupación Trémola Teatro