Skip to Content

blogue decris

Saída Parque Náutico Castrelo de Miño

Mar, 2023-06-06 18:12 — cris

Hoxe as nenas e nenos de 5º de Primaria experimentaron diversas actividades acuáticas no Parque Náutico de Castrelo de Miño.

Paseo en veleiro, kayak, paddle surf, pedaletas e moitos chapuzóns. Unha mañá moi divertida da que viñemos encantados e agotados!!!

Premede na imaxe para ver máis.

Campamento ANPA xuño 2023

Lun, 2023-06-05 11:54 — cris

A ANPA do CEIP Vistahermosa organizará un campamento a finais do mes de xuño para facilitar a conciliación familiar.

Será os días 22,23,26,27,28,29 e 30, con posibilidade de escoller horario:

- actividade (9:00-14:00)

- acollida temperá (a partir das 8:00)

- comedor (recollida ás 15:30)

Desenvolverase integramente nas instalacións do CEIP Vistahermosa, pero poderán inscribirse nenas e nenos matriculados noutros centros.

A inscricion poderase enviar por correo electrónico directamente a Ocitem ou entregala na conserxería do centro

Información e follas de inscrición no pdf adxunto.

 

 

Saída Casa do Patrón 3º

Lun, 2023-06-05 10:17 — cris

O venres as nenas e nenos de 3º desplazáronse ata A Casa do Patrón, onde realizaron diferentes obradoiros (cestería, reciclado de papel...) , visitaron o Museo Etnográfico e disfrutaron dun entorno natural.

Se queredes ver máis premede na seguinte imaxe.

Concilia verán 2023 Concello de Ourense

Ven, 2023-06-02 16:41 — cris

Xa están publicados os prazos e toda a información sobre as ACTIVIDADES CONCILIA VERÁN organizadas polo Concello de Ourense.

Neste centro impartiranse campamentos xestionados polo Concello durante os meses de xullo e agosto.

Premede na imaxe para acceder a toda a información.

Exposición hórreos

Mér, 2023-05-24 11:32 — cris

Nestes días as nenas e nenos están recibindo unha charla e vendo unha exposición sobre hórreos e tipos de cereais ubicada na biblioteca do cole.

Actividade dinamizada por Arturo, agradecerlle toda a súa implicación.

Premede na imaxe para ver máis.

 

 

MURO

Xov, 2023-05-18 13:53 — cris

Por aquí presentamos de maneira oficial o novo muro do noso colexio.

Estamos encantados con esta mellora. 

Agradecer ao Concello de Ourense, a Camilo (grafitero), á ANPA e a todo o persoal implicado.

Tocade na imaxe para ver aos diferentes grupos. Pouco a pouco iremos engadindo os que faltan.

"Garavanciño come saniño"

Ven, 2023-05-12 16:27 — cris

O xoves 4 e 11 de maio tocoulles ás rapazas e rapaces de 1º, 2º e 3º de Primaria recibir a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

Los Emonstruítos

Mar, 2023-05-09 18:32 — cris

Os pasados 5 e 8 de maio todo o alumnado de Infantil e Primaria recibiu a visita dos EMOSTRUITOS. Obradoiro da Fundación MAPFRE no que se traballa o recoñecemento das emocións.

Piragüismo Dragón

Xov, 2023-05-04 13:44 — cris

Onte as rapazas e rapaces de 6º puideron disfrutar da actividade de Piragüismo Dragón no entorno do Club Náutico de Castrelo de Miño. Xornada organizada polo servizo de deportes e integrada no programa XOGADE.

Unha nova experiencia na que nos familiarizamos e iniciamos nos deportes de auga á vez que traballamos en equipo e nos divertimos.

Pinchade na imaxe para ver máis fotos.

 

FOOTGOLF

Mér, 2023-04-26 11:37 — cris

Onte as nenas e nenos de 5º e 6º de Primaria foron a experimentar FOOTGOLF ao campo do Pit&Putt Ourense, ubicado no Fonsillón.

Trátase dunha modalidade deportiva que mestura o golf e o fútbol. As normas e o campo son de golf pero xógase cun balón de fútbol embocándoo en ocos grandes de 53cm de diámetro. O encargado da explicación foi Roberto López Nogueiras, xogador seleccionado con España para disputar o Mundial de Orlando 2023.

Unha actividade novidosa e entretida que deu a coñecer ao noso alumnado un novo deporte.

Grazas ao Concello de Ourense por darlle a oportunidade ao noso colexio

Distribuir contido


by Dr. Radut