Skip to Content

Escolares

DESFILE DE ENTROIDO

Xov, 03/03/2022 - 14:04 — admin

A tradición é a que manda no Entroido, por iso, no CEIP das Vendas durante toda a semana os nenos e nenas atenderon aos mandatos do Meco. O xoves ninguén faltou á festa máis agardada, que encheu de cores e ilusión tódolos recunchos do noso cole. Co cine coma eixo central e dirixidos por unha directora de cine nun curso de aluCINE, non faltou ningunha das personaxes. Nin os Minions, os súper heroes e súper heroínas, Harry Potter, as princesas de Disney, Pikachu e ata o mítico Elliott acompañado por  E.T., o extraterrestre. E para darlle ritmo a todo isto, a música presidiu o noso desfile de Entroido no colexio.

TALLER PILABOT

Lun, 14/02/2022 - 18:10 — admin

O pasado mércores 9 de febreiro o alumnado de 4º, 5º e 6º participou nun taller organizado polo Concurso Pilabot no que estamos inscritos. Neste taller os nosos alumnos e alumnas aprenderon o que é unha pila, as súas partes, a clasificación segundo a súa forma, o seu ciclo de vida e a  súa composición química así como tamén o seu proceso de reciclaxe. Para rematar fixeron un xogo por equipos coas tabletas empregando a plataforma de Kahoot! para ver quen adquirira máis coñecementos sobre as pilas.

No CEIP das Vendas da Barreira reciclamos con enerxía!!!

Premede no seguinte link para ver a galería de imaxes.

O 30 de xaneiro celébrase o Día Escolar da Non Violencia e da Paz

Xov, 10/02/2022 - 11:24 — admin

Para conmemorar o Día Escolar da Non Violencia e a Paz propúxose a realización dun mural-puzzle colaborativo entre  tódalas aulas do centro. Aínda que o día 30 cadrou a domingo iso non foi impedimento para celebralo no cole, pois aínda que haxa un día específico para a súa conmemoración, todos os días promovemos unha cultura da paz e da non violencia.  Ademais,  o alumnado de 4º, 5º e 6º de Primaria elaborou un mural de temática hippy con pombas de origami nas que escribiron os seus desexos de PAZ e AMOR porque non podemos esquecernos de que A PAZ COMEZA CON NÓS MESMOS.

 

CONCURSO PILABOT

Lun, 31/01/2022 - 20:55 — admin

 

O centro ven de adherirse á iniciativa PILABOT. Pilabot é un concurso en centros educativos  para fomentar a recollida selectiva de pilas e acumuladores portátiles entre o alumnado e as súas familias. O obxectivo é recoller a maior cantidade de pilas posible. Os docentes repartirán entre o alumnado unhas caixas para facilitar a recollida das pilas nos seus fogares. A recollida de pilas finalizará o día 31 de marzo de 2022.

O concurso componse de dúas categorías e entre elas distínguense un primeiro premio de 2500€ e un segundo premio de 1250€. O premio poderá ser empregado polo centro para a compra de material escolar ou deportivo ou para actividades educativas.

Categoría A: quilogramos recollidos totais.

Categoría B: quilogramos recollidos por alumno.  

VISITA SORPRESA DE PAPÁ NOEL

Lun, 10/01/2022 - 18:16 — admin

O pasado 21 de decembro os nenos e nenas do CEIP das Vendas da Barreira tiveron a sorte de recibir unha fermosísima mensaxe de Papá Noel.

Descoñecemos se Papá Noel entrou pola cheminea, por algunha xanela ou polo portón principal. O caso é que deixou unha morea de agasallos para o noso alumnado.

Aquí vos deixamos unha pequena escolma das súas reaccións ao atopar todo o que había ao pé da árbore do cole.

 

Festival de Nadal 2021

Mar, 21/12/2021 - 00:39 — admin

A continuación amósavosvos aos grandes artistas que temos no CEIP das Vendas da Barreira. Agardamos que vos guste moito. Tamén queremos agradecer a todo o profesorado do noso centro o traballo realizado co seu alumnado para levar a cabo estas actuacións tan especiais e que seguro que son do voso agrado. Sinalar o traballo levado a cabo polo teacher James para facer a montaxe de todos os vídeos, empregando moito do seu tempo libre para que hoxe todos podamos gozar destes momentos tan entrañables. Dentro vídeo!

Mensaxe oficial de Papá Noel

Lun, 20/12/2021 - 20:58 — admin

Dende Laponia Papá Noel quérevos transmitir esta fermosa mensaxe. Prestade moita atención e seguide as súas indicacións... pode que ao final haxa unha sorpresa para todos e todas vós. E xa sabedes: a seguir portándose ben e estudando moito!!!

I CONCURSO ESCOLAR DE PODCAST, REDACCIÓN E DEBUXO – “A RIBEIRA SACRA”

Mér, 01/12/2021 - 19:41 — admin

O alumnado de 4º, 5º 6 ven de participar no concurso de La Región en colaboración coa Xunta de Galicia cun podcast sobre a Ribeira Sacra.  O obxectivo do podcast é poñer en valor a Ribeira Sacra e a súa contorna así como fomentar a creación e expresión do alumnado. Para votar polos nosos alumnos/as cómpre crear unha conta en “Eloquenze”, entrar no podcast do CEIP das Vendas da Barreira e premer na icona do corazón “me gusta”.

Animámosvos a compartir o seguinte enlace entre familiares e amigos para que poidan votar por nós. As votacións estarán abertas ata o vindeiro 15 de decembro.  

https://www.eloquenze.com/stations/i-concurso-escolar-de-podcast-a-ribeira-sacra/posts/podcast-da-ribeira-sacra-4o-5o-e-6o-ceip-das-vendas-da-barreira-rios

Distribuir contido


by Dr. Radut