Hoxe, día 17 de marzo, o noso alumnado clasificado na 2ª fase de Atletismo Campo a Través, dentro do Programa Xogade, participou na Fase Provincial do Campionato nas instalacións do Club de Campo de Ferrol, obtendo moi bos resultados. Acadamos un 3º posto da provincia por equipos e obtivemos un 4º posto individual de Claudia Dono. PARABÉNS para o alumnado e o profesorado organizador! 

Hoxe XORNADA DE XOGOS TRADICIONAIS!!! Que ben o pasamos. Grazas á Asociacion Sociocultural Enredos.

Hoxe, venres, temos con nós a Oscar, o Garda Civil que se achega ao centro para falarlle ao alumnado de 5º e 6º, nesta ocasión, sobre o ACOSO ESCOLAR/ BULLYING. Sempre resultan moi interesantes estas charlas e xurden problemáticas actuais e cercanas.

Hoxe foi un DIA GRANDE NO COLE. Participamos nunha carreira solidaria para recaudar fondos para unha moi boa causa: A Investigación na LEUCEMIA INFANTIL. Pasámolo xenial correndo polos nosos patios e o importante... AS NOSAS APORTACIÓNS SUMAN MÁIS DE 1.500 €! Grazas pola colaboración.

Hoxe volvemos de novo ao Fogar Residencial de Portoavieira, para compartir cos residentes o Día de

Rosalía, foi un verdadeiro pracer recitar e cantar para eles, pero moito máis escoitar nas súas voces

os poemas de Rosalía que con tanto agarimos escribiu o noso alumnado.

      Quedamos con ganas de volver porque sempre nos tratan xenial! 

     Agradecer a Autos Grabanxa a súa colaboración desinteresada.

Hoxe no taller de Emociona-T traballamos as emocións co xogo do COMECOCOS. Primeiro observamos e reflexionamos sobre as diferentes emocións que relacionamos con distintas CARAS e con MENSAXES que nos trasmiten. Elaboramos o noso comecocos e a XOGAR!

E chegou o DÍA GRANDE DO NOSO ANTROIDO. Emoción, nervios, risas... Que ben o pasamos! A temática, "Un cambio polo clima", inspirou os nosos disfraces: abellas, mar, horta, cabalos e paxaros. Canta imaxinación e canto colorido. PARABÉNS ÁS FAMILIAS POLO SEU TRABALLO E AGRADECEMENTO POLA COLABORACIÓN NA APORTACIÓN DE PRODUCTOS TÍPICOS DESTA DATA.

Comezamos a mañá co desfile para as familias no colexio.

De seguido saímos polas rúas de Sigüeiro e a atoparnos cos outros colexios do concello que sempre é un pracer, o CEIP do Camiño Inglés e o CRA de Oroso.

Despois veu o desfile dos tres centros na alameda de Gois e para rematar... festa no colexio!

Este é o vídeo do Tendal do Día da Paz, nel todos os grupos colaboramos escribindo as nosas palabras para a Paz, palabras que non só debían estar presentes un día ao ano se non todos os días.   

Hoxe, 30 de xaneiro, celebramos o Día Escolar da Non Violencia e da Paz e comezamos a mañá coa actuación do grupo de teatro de 2ºA, que representou A pelexa das cores. Despois o alumnado de 3ºA interpretou a canción Que canten los niños  e para rematar Alicia fíxonos gozar con Imagine de John Lennon. 

O sábado 21 de xaneiro o noso alumnado clasificado na 1ª fase de Atletismo Campo a Través, dentro do programa Xogade,  participou na seguinte fase zonal en Santiago de Compostela con moi bos resultados. PARABÉNS para o alumnado e o profesorado organizador!