O noso comedor
LISTADO DE ALUMNADO EN RESERVA QUE FINALMENTE RESULTOU ADMITIDO NO COMEDOR 2018/2019
Trala xuntanza do Consello Escolar celebrada hoxe 5 de setembro de 2018, resultaron admitidos no comedor escolar do centro 15 novos alumnos/as que se atopaban en situación de reserva. Poden consultar o listado no arquivo adxunto.
O alumnado admitido deberá cubrir o modelo de autodeclaración de prezos públicos recollido no Anexo II da Instrucción 1/2018 para determinar a contía que lles corresponde aboar polo servizo de comedor. Poderano recoller no colexio ou descargar da web e entregalo no Centro educativo ao longo desta semana ou ben na primeira semana de setembro.
Así mesmo, o alumnado admitido deberá informar e xustificar no Centro calquer problema de intolerancia ou alerxia que poida presentar.
LISTAXE DEFINITIVA DE ADMITIDOS NO COMEDOR CURSO 2018/19
Publicada a listaxe definitiva de alumnado admitido no comedor escolar para o curso 2018/19.
Aviso alumnado comedor
O alumnado que vai facer uso do comedor escolar no vindeiro curso 2018/2019, deberá cubrir o documento de autodeclaración cos datos da renda de 2017 e entregalo no colexio entre o 9 e o 13 de xullo ou entre o 3 e o 7 de setembro. Tamén se poderá enviar por correo electrónico a ceip.sigueiro@edu.xunta.es.
Non terá que cumplimentar este impreso o alumnado seguinte:
- O que accede ao comedor a través de Servizos Sociais
- O que estea en situación de acollemento
- O que teña un grado de discapacidade igual ou superior ao 33%
- O que sexa vítima de violencia de xénero
LISTADO PROVISIONAL ALUMNADO ADMITIDO E EN RESERVA NO COMEDOR CURSO 2018/2019
Publicadas as listaxes provisionais de alumnado admitido e en reserva no comedor para o vindeiro curso 2018/2019. A partir de hoxe, ábrese un prazo de 5 días para a presentación de alegacións. Clicar na imaxe para ampliar.
SERVIZO DE COMEDOR CURSO 2018/2019 (PARA ALUMNADO NON TRANSPORTADO)
As familias de alumnado non transportado interesadas no servizo de comedor para o vindeiro curso, deberannos entregar no despacho da administrativa, ata o 15 de xuño, o documento adxunto cuberto e a documentación acreditativa.
Despedindo á nosa cociñeira Vanesa
Este venres despedíamos con moita mágoa a Vanesa, a cociñeira que tan ben nos dou de comer nos últimos meses. O seu paso polo CEIP de Sigüeiro deixou unha pegada imborrable no alumnado, profesorado e nais/pais. E así llo quixemos demostrar no seu último día.
Desexámoslle moita sorte na súa andaina profesional e tamén persoal, e recordámoslle que aquí sempre terá un oquiño.
GRAZAS POR TODO!
Nadal no Comedor
A festa continuou no comedor tamén. Ademais do menú especial para o último día de comedor do 2017 composto de langostinos, churrasco e lambetadas de Nadal de sobremesa; a música non deixou de soar e a festa era tanta que ata se creou unha conga arredor das mesas.
Disfrutade deste merecido descanso e vémonos en xaneiro! Boas Festas!
O noso comedor renova a súa imaxe
Como xa vos adiantabamos hai uns días, comezamos un novo curso escolar cheo de novidades. Unha delas é a ampliación e mellora do comedor escolar. Tirouse un tabique e engadiuse un novo espazo o que permitirá dar cabida a máis alumnado. Tamén se renovou o mobiliario coa adquisición de novas mesas e cadeiras, así como dun lavavaixelas para a cociña. Aproveitouse tamén para redecorar e facer do comedor do cole un local máis acolledor. Agardamos que vos guste!
LISTADO DE ALUMNADO EN RESERVA QUE FINALMENTE RESULTOU ADMITIDO NO COMEDOR 2017/2018
Trala xuntanza do Consello Escolar celebrada hoxe 5 de setembro de 2017, resultaron admitidos no comedor escolar do centro 15 novos alumnos/as que se atopaban en situación de reserva. Poden consultar o listado no arquivo adxunto.
IMPORTANTE: Este alumnado, e aqueloutro usuario do comedor que aínda non o fixera, deberá cumprimentar o documento de autodeclaración cos datos da renda de 2016 (que se atopa no documento adxunto da esquina inferior dereita) e entregalo no centro ou remitilo por correo electrónico ao enderezo ceip.sigueiro@edu.xunta.es entre o 6 e o 8 de setembro. Non terá que cubrir este impreso o alumnado seguinte:
- O que accede ao comedor a través de Servizos Sociais.
- O que estea en situación de acollemento.
- O que teña un grao de discapacidade igual ou superior ao 33%.
- O que sexa vítima de violencia de xénero.
