Comezamos a recollida dos produtos da nosa horta: cebolas, allos, calabacín... Un grupo de alumnos/as de 5º e 6º de Primaria fixo entrega de todo o recollido ao persoal de cociña do noso colexio. Completamos o ciclo, dende a nosa horta ata a nosa mesa. Que rico e san imos xantar!

Álbum: Curso 2020 - 2021 -> Da horta á cociña

O luns, 30 de marzo publicarase a orde do 27 de marzo de 2020, pola que se anuncian axudas para as familias do alumnado beneficiario de bolsas de comedor (usuarios/as gratuítos e semigratuítos). As familias interesadas deberán presentar unha solicitude ata o 6 de abril. Toda a información no documento adxunto.

Non só o noso alumnado celebra o antroido, a ilusión e entusiasmo tamén chegou ás mamás colaboradoras do comedor. Que xantar tan divertido!

Achégase a hora de xantar, umm!

Preparamos as mesas con manteis, pratos, vasos, culleres, garfos, coitelos...

E de pronto, o comedor cheo de nenos e nenas famentos :) Xantaremos de maneira saudable un primeiro prato, un segundo e unha sobremesa. Todo elaborado na nosa cociña e con productos da comarca. BO PROVEITO!!!

Trala xuntanza do Consello Escolar celebrada o 3 de setembro de 2019 resultaron admitidos os alumnos/as que se atopaban en situación de reserva. Poden consultar o listado picando sobre a imaxe.

O alumnado admitido deberá cubrir o modelo de autodeclaración de prezos públicos recollido no Anexo II da Instrucción 2/2019 para determinar a contía que lle corresponde aboar polo servizo de comedor. Poderano recoller na administración do centro ou descargar desta web e entregalo no colexio nos primeiros días de setembro.

Así mesmo, o alumnado admitido deberá informar e xustificar no centro calquer problema de intolerancia ou alerxia que poda presentar.

    Consultar o listado completo no arquivo adxunto.

Publicadas as listaxes provisionais de alumnado admitido e en reserva no comedor para o vindeiro curso 2019/2020. Ábrese un prazo de 5 días para a presentación de alegacións. Clicar na imaxe para ampliar.

O alumnado que vai facer uso do comedor escolar no vindeiro curso 2019/2020, deberá cubrir o documento de autodeclaración cos datos da renda de 2018 e entregalo na Administración do Centro o antes que poidan, en todo caso, nunca despois do 11 de setembro. Tamén se poderá enviar por correo electrónico a ceip.sigueiro@edu.xunta.es. 

Non terá que cumprimentar este impreso o alumnado seguinte:

• O alumnado pertencente a unidades familiares que se atope en situación socioeconómica de exclusión social certificada polos Servizos Sociais.
• O alumnado que se atope en situación de acollemento.
• O alumnado cun grado de discapacidade declarado igual ou superior ao 33%
• O alumnado pertencente a unidades familiares vítimas de terrorismo ou violencia de xénero acreditado documentalmente.

Descargar autodeclaración

Estimadas familias, se vostedes están interesados no servizo de comedor para o vindeiro curso, deberannos entregar no despacho de administración, ata o 30 de xuño, o seguinte documento cuberto, así como a seguinte documentación acreditativa dalgunha das seguintes circunstancias de ser o caso:

-    Alumnado pertencente a unidades familiares que se atopen en situación socioeconómica de exclusión social ou que teña unha discapacidade igual ou superior ao 33%  (certificado de servizos sociais)

-    Alumnado membro de familias numerosas (título ou carné)

-  Alumnado fillo de pais e nais, titores legais ou acolledores familiares, traballadores ambos os dous con incompatibilidade dos seus horarios laborais co horario de saída do seu fillo/a ao mediodía:

• Informe de vida laboral, expedido polo organismo laboral competente, ou certificado da Unidade de persoal á que pertenza o empregado público
• Certificación da empresa, xustificativa da duración de xornada e o horario de traballo.
• Certificación xustificativa de alta no IAE, e unha declaración responsable, sobre a vixencia da actividade económica, e o horario que require a actividade, para o caso de traballadores por conta propia