Hoxe os nenos e nenas de infantil axudaron aos de sexto a sementar nabizas.

O mércores 5 de setembro, ás 10:30 h. terá lugar no salón de actos a reunión informativa para as familias do alumnado de 3 anos que se incorpora ao centro. Falarase do período de adaptación e doutros temas de interese. Preferentemente acudir sen nenos/as.

Onte, ademais de rematar o curso escolar, era un día especial para o noso alumnado que remataba a etapa de Educación Infantil e a de Educación Primaria. Así que tivemos un pequeno acto de graduación para conmemoralo.

O alumnado de 6º de Infantil despedíase das mestras que os acompañaron durante estes 3 cursos nos seus inicios na vida escolar cantando unha versión do tradicional "Gaudeamus".

E o de 6º de Primaria, entre bágoas por abandonar o colexio que os viu medrar, entoaba unha versión de Mike Oldfield. Todos recibían o diploma que acreditaba o seu paso polo CEIP de Sigüeiro.

Moitos parabéns a todos/as!!! E moita sorte na nova etapa que comezades!!!

Finalizamos o mes de maio realizando a última saída deste curso 2017/2018. Achegámonos a Neda para disfrutar dunha xornada completa en contacto coa natureza e rodeados de animais. Non paramos nin un só minuto, agás para comer e así repoñer forzas e poder continuar cos diferentes talleres que levamos a cabo. Aquí vos deixamos as fotos desta excursión que fixemos en conxunto todo o alumnado de infantil.

Máis fotos no seguinte álbum:

Álbum: Curso 2017 - 2018 -> Granxa-escola "Belelle"

Seguimos coas actividades das Letras Galegas. Hoxe o alumnado de 5º de primaria representou no salón de actos as obras Brétema e A festa no faiado de Mª Victoria Moreno para os seus compañeiros/as. Máis fotos picando na foto.

E no patio 2, estiveron dous alfareiros de Buño levando a cabo un obradoiro co alumnado de 6º de Infantil e 4º e 6º de Primaria.

As fotos no seguinte álbum:

Álbum: Curso 2017 - 2018 -> Obradoiro "Alfareiro de Buño"

Se esta fin de semana se celebraba en Sigüeiro a Festa da Troita, no colexio non quixemos deixar pasar a ocasión sen celebrar a nosa particular Festa da Troita co alumnado de infantil. E xa imos pola VII edición!

O día antes, o persoal altamente cualificado de "Eu Cociño, Ti Cociñas" preparaban as troitas para a tosta de troita que degustaríamos o venres. Troitas, nada máis e nada menos que para 97 comensais! Unha vez limpas, puxéronlle o pemento e o xamón.

O venres fritíronse en aceite ben quente e preparouse o pan.

Despois tocou degustalas. Estaban boísimas!

Pero a cousa non acabou aí. Tamén houbo a xa tradicional carreira pedestre con entrega de medallas. Os gañadores de cada nivel foron Claudia (3 anos), Héctor (4 anos) e Xosé (5 anos). E por se fora pouco, a nota musical puxérona as profes Asun á gaita e Patri á pandeireta, montando unha auténtica foliada. 

Pasámolo tan ben que xa comezamos a contar os días que faltan para a seguinte Festa da Troita. Máis fotos no seguinte álbum:

Álbum: Curso 2017 - 2018 -> VII Festa da Troita

Grazas aos nosos compañeiros/as de 5º de primaria, os máis pequenos do cole poidemos plantar a nosa parcela do horto escolar con BRÉCOL. Aínda que non sexa a nosa verdura preferida, de seguro que cando medre será o brécol máis "rico" do mundo.

Grazas maiores por axudarnos a medrar aprendendo!

E hoxe, na véspera da Festa da Troita de Sigüeiro, todo preparado para que o alumnado de Infantil celebre a súa VII Peque Festa da Troita con degustación de troitas e moitas actividades.

Mirade como a celebrabamos en pasadas edicións...

Coa chegada da celebración do Día das Letras Galegas, o alumnado de infantil e 1º ciclo de primaria, tivemos unha visita moi especial no cole... Coñecedes a Uxía? A boneca protagonista da obra de Mª Victoria Moreno "A festa no faiado"? Pois con Uxía coñecemos o faiado da súa casa e todas aquelas "cousiñas" que nel estaban gardadas e que estaban relacionadas cun oficio moi tradicional: "AS COSTUREIRAS". 

Coas personaxes desta obra, gato, rato, Teodosia e Uxía, percorremos unha chea de xogos que nos acercaron aínda máis a este oficio. Cal foi a nosa sorpresa cando, para rematar a xincana de xogos, a mesma Mª Victoria Moreno, nos adicou un diploma personalizado na nosa biblioteca.

Moitas grazas a todos os que fixestes posible esta actividade, disfrutamos moitísimo con todos vós.

Todas as fotos no seguinte álbum

Álbum: Curso 2017 - 2018 -> Actividade interxeracional: costureiras

En plena época de semente e aproveitando o bo tempo destes últimos días, o alumnado de Educación Infantil puxo as botas e achegouse á horta para plantar unhas espinacas e uns repolos. Mirade que compenetración facendo os buratos, poñendo as plantas e regando, isto si que é traballo en equipo! Parabéns rapaces! Agora, a coidalas con moito mimo e agardar a que medren.