O alumnado de 4º de Ed. Primaria, durante a Hara de ler, realizou unha actividade de gamificación ou ludificación que tiña por obxecto avaliar as aprendizaxes adquiridas ao longo do mes de maio sobre a figura do autor homenaxeado nas Letras Galegas: Carlos Casares.
Nesta ocasión aproveitamos o potencial da ferramenta da web 2.0 de Kahoot, tamén dispoñible para dispositivos móbiles. O equipo de dinamización lingüística do centro elaborou un Kahoot con 20 items no que participou dito alumnado.
Como premio final, fixemos entrega de diplomas para recoñecer o seu esforzo e dedicación.
Ao remate de dita actividade realizamos unha sesión de avaliación e posta en común, sobre a mesma, e nunha escala de valoración de 0 a 10 (0=nada, 10=Moito), o alumnado, valorouna cunha media de 9,4 puntos, sendo a moda da enquisa o valor 10.
Visto o éxito volveremos a empregar esta metodoloxía noutras temáticas traballadas na aula.
Unha das tarefas que realizamos na Hora de Ler no mes de maio para conmemorar a homenaxe nas Letras Galegas a Carlos Casares foi a realización dunha pescuda ou caza do tesouro por medio do emprego de códigos QR para facilitarlle as pistas que tiñan que seguir. A actividade titulábase "De que libro falamos".
Como non dispoñiamos de dispositivos móbiles para todo o alumnado, tamén facilitamos as tarefas en formato web para que así todo o alumnado tivese acceso a esta actividade de gamificación do proceso educativo.
A experiencia resultou ser un éxito, xa que a maioría do alumnado chegou ata o final da mesma. Para premiar e recoñecer o seu esforzo e dedicación, ao reamate da mesma, fixemos entrega de diplomas a todos os participantes.
Unha vez rematada a pescuda, fixemos unha sesión de avaliación e posta en común onde o alumnado manifestou o seu grado de satisfacción coa mesma. Nunha escala de valoración de 0 a 10 (0=nada; 10=moito) a valoración media por parte do alumnado foi de 9,5; sendo a moda de 10.
Presentación sobre a vida e obra de Carlos Casares
Mapa conceptual sobre Carlos Casares
Imos realizar unha gincana sobre o autor homenaxeado nas Letras Galegas 2017. Para elo empregaremos códigos QR e tablets.
Para resolver todas as preguntas da gincana, teredes que ir resolvendo as cuestións que se propoñen. Nos códigos QR atoparedes a información e pistas necesarias para a súa resolución.
Unha vez resolta a pregunta iredes compretando o formulario que se achega ao final desta nova.
Cuestións:
Pista 1
Pista 2
FORMULARIO
ACTIVIDADES DE LECER PARA OS QUE REMATEN
O alumnado de apoio, na Hora de ler, durante a semana do Día do libro, completou o mural da Primavera con bolboretas que dan a coñecer cales son os seus libros favoritos...
Galería de imaxes
O alumnado de 4º Ed. Primaria traballou na Hora de Ler con códigos QR:
Pescudando con códigos QR.
Exemplos de QR:
Dispostas, xoguetonas, divertidas, cheas de paciencia e de sabedoría?
As avoas son unha continuación das mamás e dos papás, son un gran apoio en todo e para todo e adórannos sempre!!!
Avoa é un nome redondo, grande e fermoso, como a persoa que o leva. Avoa son xogos e risas e comidas ricas. Avoa é sentir calorciño e amor. E tardes contando historias interminables, lendo contos, cantando panxoliñas ou facendo biscoitos. Avoa é durmir xuntiños e facer manualidades e pintar debuxos expresionistas a papá e mamá.
Porque elas son capaces de sacar a forza dun león cando quererían botar unha cabezadiña, de darvos a comida cando aos demais acabóuselles a paciencia, de atopar o xoguete que máis vos gusta aínda que haxa que percorrer unha cidade enteira. Por amor a ese ser pequeniño, que a converte a ela tamén nun pouco nena, son capaces de todo.
A familia pode ser marabillosa na miña AVOA É TOTAL.
Na seguinte galería de imaxes observaredes como o alumnado de 4º e 5º de Ed. Infantil percibe ás súas avoas
Que debuxarías se o teu profe che pedise que debuxaras o mellor lugar do mundo?
A protagonista desta historia está preocupada pois non sabe que debuxar, sen embargo ve como todos os seus compañeiros si o saben. Así que non lle queda máis remedio que pensar e pensar nelo… E pensando, pensando, de repente teno moi claro: debuxará sen dúbida o mellor lugar do mundo para ela, pero cal será ese sitio?
Porque, quen dixo que as relacións familiares non son marabillosas?
Este libro axúdanos a recordar Canto nos quere a nosa familia! e Canto lles queremos nós!
Na galería de imaxes están recollidos os debuxos que realizou sobre esta lectura o alumnado de 6º de Ed. Infantil na "Hora de ler".
A finales do mes de marzo o alumnado de 6º curso de Ed. Primaria participou nunha nova sesión do Concurso de animación á lectura que realiza este consolidado club de lectura.
O libro traballado nesta ocasión foi "O fío vermello" da escritora viguesa An Alfaya. Coa lectura do mesmo o alumnado traballou os seguintes temas e valores: O amor fraternal, o proceso de duelo ante unha perda, a amizade e a curiosidade intelectual.
Resumo argumental
Carlo está moi unido ao seu irmán maior Nicola e, por iso, o bota moito en falta agora que este tivo que marchar. Segundo a familia, Nicola ausentárase porque quería ser bombeiro, pero a realidade é que Nicola se fixo soldado e desapareceu nun conflito no estranxeiro.
Melchor e Margarita, os pais, están a pasar unha época de grande tristeza e depresión con continuas viaxes para falar cos mandos do exército sobre o caso do seu fillo. Carlo, en sinal de protesta pola ausencia do irmán, decide pecharse na terraza da casa e non saír máis ata que Nicola regrese. A aparición de Elisabeta na casa do rapaz, unha compañeira de clase coa que nunca falara, comeza a mudar as cousas. A nena aparece cunha tartaruga e convértese na única ponte entre Carlo e o resto do mundo. Natividade, a avoa de Carlo, entende a oportunidade e, dado que os dous nenos pasan o tempo resolvendo xeroglíficos, encrucillados e observando o firmamento (afección que Carlo compartía co seu irmán Nicola), a avoa fálalles da existencia dun estraño libro de astronomía escrito polo seu pai, o bisavó de Carlo. O plan de Natividade para convencer o neno de que saia da terraza consiste en organizar a busca do libro por toda a casa, e resolver o feito de que Carlo poida facelo sen rachar a promesa de non saír que lle fixera ao seu irmán, sería atarlle un fío de la vermella unido a un nobelo que quedaría na propia terraza.
Natividade, Elisabeta e Carlos rexistran a casa, pero o libro non aparece. Finalmente será o pai de Carlos, Melchor, quen o atope, descubríndolle ao mozo todo un mundo novo. Carlo, que por medio de Natividade coñece xa a verdade do paradoiro do seu irmán, deposita todas as súas esperanzas nunha sorte de intuición: a crenza de que no libro do bisavó hai unha pista que lle axudará a que Nicola regrese.
Finalmente, a pista aparece. No libro menciónase a noite das Perseidas, ou as bágoas de San Lourenzo, e un xeito misterioso e non probado de emitir mensaxes a través do reflexo da luz nas estrelas fugaces. A noite das Perseidas, Elisabeta e Carlos levan a cabo o que di o libro cunha mensaxe destinada a Nicola. Poucos días despois, unha chamada dos mandos do exército anuncia a Margarida e Melchor que Nicola fora encontrado. Pouco tempo máis tarde, Nicola regresa á casa, e Carlos, por fin, volve a ver o seu irmán.
O equipo gañador do concurso foi o formado por Iván, Uxía e Yazkra.
O pasado 24 de febreiro conmemoramos o aniversario de Rosalía coa realización de diversas actividades: