Febreiro 2015

DÍA DA PAZ

O día 30  celebramos o Día da Paz, despois de traballar durante a última quincena de xaneiro sobre ela. 

Este ano centrámonos en personaxe moi representativos como son Mahatma Gandhi e os premios Nobel da Paz 2014: Malala Yousafzay e Kailash Satyarthi. A nós tocounos buscar información sobre Kailash Satyarthi.

O día 30 todos xuntos bailamos unha coñecida canción de Bollywwod, cantamos unha canción sobre a paz en inglés e logo divertímonos moito cuns xogos indios e paquistanís.

 

ENTROIDO

O entroido celebrámolo durante una semana, xa empezamos o luns cumprindo cos mandadiños que diariamente nos ían comunicando e que iamos acumulando día tras día.
O xoves pola tarde disfrazámonos libremente, como podedes ver, estabamos xeniais, o tempo estivo malo, pero nós aínda así o pasamos xenial.
O venres pola mañá todo o cole iamos de hindús, seguindo coa temática do día da Paz. Ese día tivemos unha merenda especial, pois todos xuntos degustamos sobremesas típicas do entroido (filloas, orellas, rosquillas…) que as nosas familias fixeron para nós.
Despois de tanta festiñas viñeron uns días de descanso.

A REPASAR AS TÁBOAS DE MULTIPLICAR!!!

 - Repasemos as TÁBOAS DE MULTIPLICAR. Pinha en cada un dos letreiriños, elixe a que máis che apeteza e a practicar!!!!!!!!!!!!!!

 

       

Powered by Drupal - Design by artinet