29 de novembro de 2019
Esta mañá gozamos dunha soleada e exitosa xornada de campo a través en Carballo, que non só nos deixou a clasificación para a seguinte fase de benxamíns do noso compañeiro Mateo, senón que tamén nos permitiu comprender a importancia de valores como a participación, o esforzo e o compañeirismo.
25 de novembro de 2019
Esta mañá manifestamos o noso rexeitamento á violencia machista no Día Internacional contra a Violencia de Xénero. O grupo de 3º, xunto co resto do alumnado do centro, cantamos "Que non mo neguen" (As Tanxugueiras), visualizamos e reflexionamos sobre o conto "Artur e Clementina" (maltrato psicolóxico) e recibimos agasallos do concello baixo o lema "Carballo en negro".
NORABOA NOA
O sábado 23 de novembro, a alumna de 4º, NOA, recolliu o premio da asociación Aloumiños. O seu debuxo aparece no calendario do próximo ano. Parabéns a toda a clase por participar!!!!
20 de novembro de 2019
As Nacións Unidas celebra o Día Universal do Neno o 20 de novembro, data na que a Asamblea Xeral da ONU aprobou a Declaración dos Dereitos do Neno en 1959. Trinta anos despois logrouse acordar o texto final da Convención sobre os Dereitos do Neno e o seu cumprimento pasou a ser obrigatorio para todos os países que o asinaron. Este ano celebramos, polo tanto, o 30 aniversario da referida convención.
MAGOSTO E PEÓN EN 4º EP
Este curso celebramos o magosto gracias á aportación das familias que trouxeron castañas para poder disfrutar dunha gran festa.
Tamén celebramos o peón, e felicitamos ao flamante campión do cole:
NORABOA AARÓN
Xunta de Galicia - Consellería de Educación, 2013 | ||
Versión para impresora
