ALFIN

Está xa publicada no Portal Educativo a resolución do V CONCURSO DE TRABALLOS POR PROXECTOS, realizados durante o curso 2017/2018, coordinados desde a biblioteca escolar ou realizados co seu apoio. Seleccionáronse 19 traballos de entre os 102 presentados desde diferentes centros. Algunhas categorías ficaron desertas pero distribuíronse os premios  dispoñibles seleccionando máis centros de modalidades con moita participación e alto nivel de calidade. 

O impulso de moitas bibliotecas galegas, coordinando proxectos de carácter interdisciplinario para o tratamento de contidos curriculares específicos de materiais (ou transversais), están propiciando profundos cambios nas dinámicas de traballo dos centros e nos usos dos espazos educativos, na distribución dos horarios e dos grupos, no aproveitamento dos recursos físicos e tecnolóxicos; tamén nos recursos inmateriais (a cultura do medio), o que fai agromar unha cultura participativa, colaborativa, emancipadora do alumnado, complexa na súa concepción pero que proporciona unha formación integradora, con tarefas esixentes para o alumnado, o que enriquece a súa experiencia e carga a súa mochila de aprendizaxes moi diversos, máis aló do que podería facer unha formación pegada a prácticas vinculadas ao exclusivo uso do libro de texto. Parabenizamos ás comunidades educativas que botan a andar estas experiencias, e a o profesorado que as impulsa, deseña, guía, enriquece coa súa profesionalidade e a súa experiencia, e ademais as dá a coñecer para beneficio de todos. Existen tamén excelentes exemplos de prácticas de investigación nas modalildades de grupo/nivel ou ciclo/departament, así como traballos realizados na materia de libre configuración de secundaria  "Investigación e Tratamento da Información" ("Aprender a investigar", en Primaria), que poden servir de orientación para outros proxectos. Da mesma forma, os proxectos de investigación intercentros son unha práctica que cómpre estender e que pode dar lugar a experiencias educativas moi enriquecedoras. 

Co gallo do Día da Biblioteca, o pasado 24 de outubro, convocouse o certame "XOGANDO COA CDU" destinado aos equipos de bibliotecas dos centros educativos galegos, coa finalidade de estimular a creación de materiais para as actividades de formación de persoas usuarias da biblioteca escolar, tomando como base o cartel CDU ILUSTRADA, remitido ás bibliotecas galegas a comezos de setembro de 2018.

Unha vez revisados os traballos recibidos, escolléronse para o premio tres propostas especialmente interesantes tanto pola calidade do seu deseño como pola súa funcionalidade. Son as seguintes:

• Unha aplicación dixital interactiva. CEIP Condesa de Fenosa. O Barco de Valdeorras. Ourense.
• Un xogo analóxico de preguntas e respostas. CEIP O Graxal. Cambre. A Coruña.
• Unha actividade mixta analóxico-dixital para a formación de usuarios. CEP Brea-Segade. Taragoña-Rianxo. A Coruña.

Ademais das premiadas, salientamos polo seu interese, dúas propostas de formación de usuarios que utilizan os escornabots:

• Xogo “Atopa o libro”. CEIP Valle-Inclán. O Grove. Pontevedra
• “A cidade dos libros”. CPI San Sadurniño. A Coruña.

Os tres centros seleccionados recibirán un lote de libros, como o que se mostra na imaxe.

O pasado mes de setembro de 2018, todas as bibliotecas galegas recibiron o novo cartel CDU ILUSTRADA, creado para a ocasión polo ilustrador Óscar Villán.
Este documento ten como finalidade principal servir de apoio ao profesorado no seu labor de formación de usuarios, así como continuar coa adaptación da Clasificación Decimal Universal (CDU) para as bibliotecas escolares galegas iniciada en 2004.
Continuando con esta liña de traballo, dende a Asesoría de Bibliotecas Escolares poñemos a disposición dos centros as miniaturas correspondentes ao citado cartel, para que cada equipo as poida empregar do xeito que considere máis oportuno.
Os cadriños atópanse en diferentes tamaños, a toda cor e en formato imprimible A4. No caso de que algún dos centros precise outro formato ou definición poderase poñer en contacto coa Asesoría de Bibliotecas por correo electrónico explicando as súas necesidades.

Enlaces de descarga:

• Cadriños 2x2
• Cadriños 2x10
• Cadriños 4x4
• Cadriños 4x12

O CEIP de Outes elaborou uns rótulos da CDU para a súa biblioteca, partindo desas iconas, que pon á nosa disposición neste documento.

A instancias da UNESCO celébrase entre os días 24 e 31 de outubro a Global Media anda Information Literacy week 2018, unha semana internacional da alfabetización mediática e informacional, co fin de chamar a atención sobre a urxencia de formar ao alumnado nos recursos para o consumo e a produción de información a través dos medios de comunicación, con valores éticos e sentido crítico. 

As bibliotecas escolares teñen un papel fundamental á hora de apoiar a profesorado e alumnado neste cometido, ofrecendo materiais de apoio, recursos, tempos e espazos; pero tamén retos que guíen e estimulen a incorporación destes contidos nas diversas materias. Unha das estratexías de maior alcance é a creación do laboratorio de radio vinculado á biblioteca escolar, tal e como están facendo, entre outros, os centros integrados no programa RADIO NA BIBLIO, pero hai moitas outras posibilidades. A apertura do modelo de biblioteca cara un "centro creativo das aprendizaxes", con novos espazos e equipamentos, como por exemplo o recuncho de produción audiovisual, contribúe a mellorar as oportunidades para este achegamento e empoderamento do alumnado como produtor de pezas audiovisuais, como xerador de contidos audiovisuais. Son só dous exemplos aos que poden unirse outras iniciativas, analóxicas ou virtuais, como o traballo coa publicidade ou cos textos xornalísticos. 

Desde a Asesoría de bibliotecas escolares elaborouse un pequeno documento que pode descargarse neste espazo e que inclúe ligazóns a informacións diversas e recursos de apoio.  Recolle algunhas das recomendacións da UNESCO para a celebración desta "semana AMI" pero ben poden levarse a cabo ao longo do curso escolar. 

• DOCUMENTO DESCARGABLE: SEMANA DA ALFABETIZACIÓN MEDIÁTICA E INFORMACIONAL 2018
• PROPOSTA DA UNESCO- 2018
  
• OUTRAS INFORMACIÓNS DE INTERESE
• COMO IDENTIFICAR NOTICIAS FALSAS (IFLA-versión en galego)

Na liña de traballo de elaboración de materiais para o profesorado, en apoio do seu labor na dinamización das bibliotecas escolares, a Consellería de Cultura, Educación e Ordenación Universitaria vén de publicar un material que chegará aos centros na primeira quincena de setembro. Trátase dunha versión ILUSTRADA da adaptación da Clasificación Decimal Universal para bibliotecas escoalares que se realizara a comezos deste programa, no ano 2004. 

Óscar Villán, debuxante que xa elaborara outros materiais para a sinalización das bibliotecas escolares, foi o encargado da realización desta CDU ILUSTRADA, que agardamos poida servir de motivación nas actividades de formación de persoas usuarias das bibliotecas escolares. 

A Clasificación Decimal Universal (CDU) é un sistema estandarizado polo que se distribúen todos os documentos relacionados co coñecemento humano en 10 categorías que, á súa vez, se van subdividindo noutras 10 categorías (e así sucesivamente), na medida en que se precisa maior concreción. Para os centros de infantil e primaria non se recomenda pasar dos dous díxitos, aínda que algunhas categorías, das que pode haber moito material na biblioteca, podería chegar aos tres díxitos. + información AQUÍ

Xa a comezos de curso este cartel completarase con outro material divulgativo sobre esta CDU Ilustrada. 

• Táboa simplificada da CDU para bibliotecas escolares
• CDU ILUSTRADA
• Miniaturas CDU Ilustrada
  

O Portal Educativo publica a Resolución da Dirección Xeral de Centros e Recursos Humanos, do 5 de abril de 2018, pola que se convoca o V CONCURSO DE TRABALLOS POR PROXECTOS, vinculados ou apoiados pola biblioteca escolar, para traballos realizados durante o curso 2017/2018. 

As modalidades nas que se pode participar son as seguintes: 

1.    Proxectos de carácter interdisciplinario, ou Proxectos Documentais Integrados , coordinados desde a biblioteca escolar, e que conten coa participación dun mínimo do 40% dos grupos-aula existentes no centro (e un 40% dos departamentos, no caso dos centros de ensinanza secundaria). 
2.    Proxectos de investigación dirixidos por profesorado dun grupo, nivel, ciclo ou departamento, nas seguintes sub-modalidades:
a.    Traballos de grupo/nivel
b.    Traballos de ciclo/departamento
c.   Proxectos realizados na materia de libre configuración de 1º/2º de ESO “Investigación e Tratamento da Información”, ou noutras materias equivalentes en ESO ou primaria.
Todos estes traballos teñen que realizarse co apoio e colaboración da biblioteca escolar e contando cos seus recursos e posibilidades.
A temática do proxecto escollida pode ser de calquera ámbito do coñecemento, pero se contemplará un apartado especial de traballos do ámbito científico.
3.    Proxectos de investigación intercentros, promovidos desde as bibliotecas de ata un máximo de tres centros de ensino co fin de desenvolver un proxecto común, de temática xeral ou científica.

O prazo de presentación das memorias correspondentes segundo o guión contemplado na convocatoria remata o 10 de xullo de 2018.

• TEXTO DA CONVOCATORIA 

O Portal Educativo publicou onte a Resolución do 4 de decembro de 2017 pola que se dan a coñecer os traballos seleccionados no IV Concurso de Traballos por Proxectos, convocado pola Dirección Xeral de Centros e Recursos Humanos para o pasado curso 2016/2017. A este concurso candidatáronse un total de 102 traballos e foron seleccionados un total de 21 proxectos.

O IV Concurso de Traballos por Proxectos, coordinados ou realizados co apoio da biblioteca escolar, é unha iniciativa integrada no Plan LÍA 2016/2020 de bibliotecas escolares. No desafío nº 11 deste Plan, denominado"Aprendizaxes por proxectos e outras metodoloxías activas" recollese o interese por "propiciar o emprego dos recursos e servizos da biblioteca escolar no desenvolvemento das prácticas cotiás, con apoio preferentes ás metodoloxías activas e colaborativas". Este certame é unha das iniciativas contempladas para traballar neste ámbito. Búscase estimular, mediante o recoñecemento de boas experiencias de traballos por proxectos, o deseño e desenvolvemento de proxectos de carácter interdisciplinario ou de proxectos de investigación, baixo a coordinación do equipo de biblioteca escolar ou co apoio desta, na liña da metodoloxía de aprendizaxe baseada en proxectos (ABP), realizados en centros públicos non universitarios.

• Texto da convocatoria
• Texto da resolución con detalle dos centros seleccionados.

No seguinte cadro pódese acceder ás memorias presentadas polos centros que finalmente foron galardoados neste certame:

O Portal Educativo publica a convocatoria da Dirección Xeral de Centros e RRHH, de 17 de outubro de 2017, pola que se elixirán 20 centros integrados que teñan interese en introducir a radio na súa biblioteca escolar. Poden participar centros que acollen alumnado de infantil, primaria, secundaria, bacharelato ou formación profesional e que estean integrados no Plan de mellora de bibliotecas escolares no presente curso 2017/2018. 

Es proxecto piloto "RADIO NA BIBLIO" pretende estimular o desenvolvemento do modelo de biblioteca cara a "centros creativos de aprendizaxes" e promover a creación de emisoras/laboratorios de radio nas bibliotecas escolares, co fin de favorecer e apoiar proxectos de educación das competencias informacionais e mediáticas do alumnado. Búscase, así mesmo, ampliar as linguaxes presentes na biblioteca, promover a expresión oral, a alfabetización múltiple e o traballo colaborativo de profesorado e alumnado. O laboratorio de radio na biblioteca escolar poderá estar asociado a un programa de voluntariado na biblioteca. 

Para a selección dos centros terase en conta a actividade da biblioteca escolar no curso precedente, así como a prioridade dos centros localizados en concellos de ámbito rural, procurando unha distribución equilibrada polo territorio galego. Estes centros recibirán contías destinadas á posta en marcha do proxecto e das actuacións que supoña, incluída a realización dun obradoiro de formación para o alumnado que se considere. O prazo de presentación de solicitudes remata o 31 de outubro. 

• Publicación no portal educativo
  
• Texto da convocatoria
• URL de acceso para solicitudes
  

Imaxe que ilustra esta entrada está tomada do blogue do CEIP A Lama (A Lama, Pontevedra), un centro pioneiro na inclusión dun "Laboratorio de comunicación" para a formación do seu alumnado en competencia mediática e informacional.

A UNESCO propón a celebración da Semana Mundial da Alfabetización dos Medios de Comunicación e da Información (MIL) 2017, a #GlobalMILWeek como un medio para visibilizar as experiencias en materia de educación nas linguaxes dos diferentes medios de comunicación, nun contexto de alfabetizacións múltiples e coa intención de formar ao alumnado como consumidores pero, especialmente, como produtores de información a través dos diversos medios de comunicación: prensa, radio, televisión, vídeo, fotografía, audio, produtos transmedia, internet... 

MIL é a sigla que fai referencia á MEDIA and INFORMATION LITERACY,  que na versión en castelán (e en galego) se traduciu como AMI (Alfabetización Mediática e Informacional), moi presente nas bibliotecas escolares galegas, a través das propostas da consellería en materia de bibliotecas escolares, e incluída tamén como un dos obxectivos do Proxecto Lector de Centro.

Desde a UNESCO fan unha chamada á celebrar esta Semana Mundial  MIL 2017 e propoñen varias formas para facelo. VER IMAXE

Desde a Asesoría de bibliotecas escolares anímase a incluír algunha proposta que pode vincularse á celebración do Día da Biblioteca (24 de outubro) e que podería concretarse, entre outras, nas seguintes:

• Difusión das oportunidades da biblioteca escolar para apoiar a alfabetización mediática e informacional do alumnado do centro.
• Difusión a través do blogue da biblioteca dalgún produto audiovisual de carácter narrativo, poético, xornalístico ou publicitario elaborado por alumnado do centro en relación coa biblioteca, a lectura, o medio ou calquera tema de interese para o alumnado.
• Analizar novas que se producen ao longo da semana a través de diferentes medios e xerar un produto audiovisual ou unha entrada nun blogue, por exemplo, arredor dalgunha nova que interese ao alumnado. 

As actividades que se leven a cabo neste sentido poderían facer mención a esta #GlobalMILweek co fin de dar visibilidade a esta iniciativa.

• RECURSOS PARA ALFABETIZACIÓN MEDIÁTICA E INFORMACIONAL
  
• Alfabetización Mediática e Informacional (AMI). Currículo para profesores. UNESCO 2012
• Integración das competencias ALFIN/AMI no sistema educativo: referencias, contexto y propuestas. CCB-MECD, 2016
• O horizonte das alfabetizacións múltiples e a competencia mediática e informacional. José Manuel PérezTornero (vídeo intervención nas V Xornadas de biblitotecas escolares de Galicia)
• Alfabetización mediática e informacional desde a biblioteca escolar. Rosa Piquín (vídeo intervención nas VI Xornadas de bibliotecas escolares de Galicia)
• A Educación para os Medios nun mundo dixital: o papel das bibliotecas escolares. Sara Pereira (vídeo intervención nos Encontros PLAMBE 2016/2017)
  

A IFLA (International Federation of Library Associations and Institutions) publicou hai un tempo esta infografía na que se lembran algúns aspectos a ter en conta á hora de valorar a información e a fiabilidade das noticias: How To Spot Sake News

Traducida ao galego, lembrámola nestes comezos de curso como unha ferramenta para a imprescindible alfabetización en información, na que podemos ir introducindo ao alumnado desde ben pequenos, e aproveitando o interese polos temas que xorden no medio ou no transcurso das investigacións que realicen nas diferentes fases dos seus traballos.  (Agradecemos a Manuel Iglesias Fernández a tradución ao noso idioma).

• Esta noticia es falsa? (castelán)
• How To Spot Sake News (inglés)
• Comment repérer des "fake news" (francés)
• Como identificar notícias falsas (portugués)
  
• COMO IDENTIFICAR NOTICIAS FALSAS (galego)
  

Desde o Plano Nacional de Lectura de Portugal e a Rede ELINET chéganos este vídeo que lembra os Dereitos de Alfabetización dos Cidadáns Europeos (en breve, versión en galego desta declaración):

Desde a Asesoría de Bibliotecas Escolares iremos dando difusión detallada dos traballos galardoados no III Concurso de Traballos por Proxectos recollidos na Resolución de 1 de decembro de 2016, da Dirección Xeral de Centros e Recursos Humanos, responsable desta iniciativa integrada no Plan LÍA (Lectura, Información, Aprendizaxe).

Este certame pretende "estimular, mediante o recoñecemento de boas experiencias de traballos por proxectos, o deseño e desenvolvemento de proxectos de carácter interdisciplinario ou de proxectos de investigación, baixo a coordinación do equipo de biblioteca escolar ou co apoio desta, na liña da metodoloxía de aprendizaxe baseada en proxectos (ou ABP), realizados en centros non universitarios durante o presente curso 2015/2016".  

Encádrase nas actuacións en materia de bibliotecas escolares coa intención de impulsar a existencia de bibliotecas que recollan, entre outros, “o deseño e desenvolvemento de programas para a adquisición da competencia informacional ou de uso, tratamento e produción de información nos diferentes soportes e formatos”, así como “as posibilidades que ofrece a biblioteca para a incorporación de metodoloxías innovadoras e consecuentes coas necesidades educativas actuais.”

Velaquí un cadro resume dos traballos seleccionados con acceso ás memorias de cada un dos proxectos:

O Portal Educativo publica hoxe a Resolución da Dirección Xeral de Centros e Recursos Humanos, de 1 de decembro de 2016, pola que se dá a coñecer a relación de traballos seleccionados no III Concurso de Traballos por Proxectos coordinados ou coa participación da biblioteca escolar, realizados durante o curso 2015/2016, segundo convocatoria de 11 de abril de 2016.

Reciben premio un total de 17 traballos en distintas modalidades e temáicas contempladas na convocatoria do concurso. Algunhas das modalidades foron declaradas desertas polo que foron ampliados os premios concedidos noutros dos apartados do concurso. 

Así, na modalidade de "Proxectos Documentais Integrados, coordinados desde a biblioteca escolar", na que houbo unha maior porcentaxe de participación, resultan premiados un total de 10 traballos, tres máis dos inicialmente previstos. 

En breve daranse a coñecer todos estes proxectos a través desta páxina. 

• Resolución do III Concurso de Traballos por Proxectos. 

Neste novembro, Mes da Ciencia en Galego nas Bibliotecas, chéganos unha nova desde o o IES Miguel Ángel gonzález Estévez, de Carril (Vilagarcía de Arousa), que amosa o resultado dun traballo colaborativo, coa participación de profesorado do Departamento de Ciencias, Bioloxía e Xeoloxía e a Biblioteca Escolar do centro durante o curso 2015/2016. Gústanos saber, ademais, que este traballo do alumnado de 1º de ESO (agora en 2º curso) segue a estela do lema "Biblioteca EScolar, base de exploracións" proposto ás bibliotecas escolares galegas no pasado ano escolar.

O espazo verde do IES Carril é unha "completa guía das 33 especies arbóreas e as 18 especies arbustivas que viven (ou viviron) dentro do recinto escolar  do centro desde os seus inicios alá polo ano 1986. Ademáis recolle moi sucintamente a historia deste conxunto botánico e contén un plano coa localización de cada elemento ou grupo descritos. A maiores dunha pormenorizada información de cadansúa especie (que abrangue os nomes correspondentes en galego, castelán, inglés e francés,  o nome científico, a etimoloxía da denominación, a toponimia xerada, a orixe e maila historia, e a descrición) ilustrada con fotografías fermosas e moi pertinentes, inclúese un pequeno estudio dos exemplares máis representativos en Galicia e máis a historia particular do exemplar do instituto."

• + INFORMACIÓN no blogue da biblioteca BIBLIOMALVEIRAS

• O ESPAZO VERDE DO IES CARRIL

O Portal Educativo publicou o 12 de abril a Convocatoria da Dirección Xeral de Centros e Recursos Humanos, de 11 de abril de 2016, do III Concurso de Traballos por Proxectos, coordinados ou coa participación da biblioteca escolar, correspondente a traballos realizados durante o curso 2015/2016. Poderán participar os centros non universitarios de titularidade da Consellería de Cultura, Educación e O.U.

Establécense varias modalidades: 

Desde a biblioteca do CEIP Canosa-Rus, de Coristanco (A Coruña) chéganos esta infografía que describe moi ben o proceso dun traballo de busca documental e que constitúe un material de interese para o profesorado que está a traballar as competencias no uso, tratamento e produción de información co seu alumnado, ben sexa a través das materias de libre configuración de primaria ou de 1º/2º Curso de ESO, ou en calquera outra materia na que se pretenda habituar ao alumndo á realización de pequenos traballos de investigación, con consulta de diversas fontes, contraste da información e elaboración de traballos propios. 

Nesta páxina hai xa recollidos moitos materiais elaborados polo profesorado nos últimos anos que pode resultar útil á hora de abordar os contidos de alfabetización informacional e mediática (baixo a etiqueta ALFIN ou Educación Documental), pero imos recoller algúns tamén nesta entrada [EN CONSTRUCIÓN]

1. MATERIAIS DE FORMACIÓN DE USUARIOS:

•  Como atopar un libro na biblioteca. CEIP Sofía Casanova (Culleredo, A Coruña)
• Formación de usuarios 2014/2015.  IES Monte das Moas (A Coruña)
• Como buscar información nos libros. CEIP Vales Villamarín (Betanzos, A Coruña)
• Presentación da biblioteca para 1º BAC. Ies Pedro Floriani (Redondela, Pontevedra)
  
• Vídeo sobre a CDU. IES A Xunqueira II (Pontevedra)
  
• Manual de uso dun lector electrónico. CEIP Condesa de Fenosa (O Barco, Ourense)
  
• Manual de uso dun lector electrónico. CEIP de Leirado (Salvaterra de Miño, Pontevedra)
• Como traballamos na biblioteca escolar do CEIP de Quintela  (Moaña, Pontevedra)
• Manual sobre a CDU. CEIP de Quintela  (Moaña, Pontevedra)
• Guía da biblioteca do CEIP Milladoiro (Malpica, A Coruña)
• Manual sobre a CDU. CEIP da Torre-Cela (Bueu, Pontevedra)
• Presentación da biblioteca. EEI Barrionovo (Arteixo, A Coruña)
• Actividades de formación de usuarios. CEIP de Pedrouzos (Brión, A Coruña)
• Servizos da biblioteca do  IES de Celanova (Celanova, Ourense)
• Formación de usuarios 2015-2016 do CEIP Frián-Teis (Vigo, Pontevedra)
• Vídeo para coñecer a etiquetaxe dos libros na biblioteca e os valores da CDU.CEIP Condesa de Fenosa (O Barco de Valdeorras, Ourense)
• Tes que saber (MEIGA, textos presentables, CDU, ...). IES de Celanova (Celanova, Ourense)
• Formación de usuarios. CEIP do Seixo (Marín, Pontevedra)

2. RECURSOS PARA O TRABALLO COA INFORMACIÓN

• Tratamento da información e competencia dixital. Documentos para portfolio do alumnado. Olga Rodríguez (CEIP Milladoiro. Malpica de Bergantiños, A Coruña)
  
• Guía de investigación na rede.CEIP Víctor Sáenz (Mazaricos, A Coruña)
• Procura en Internet. CEIP Canosa- Rus (Coristanco, A Coruña)
• Recursos para a investigación. CEIP Frián-Teis (Vigo, Pontevedra)
• Educación documental. IES Xoán Montes (Lugo)
• Aprendendo a investigar. CPI Manuel Suárez Marquier (O Rosal, Pontevedra)
• Guía ALFIN. IES Sofía Casanova (Ferrol, A Coruña)
• Seguridade na rede. Mª Luz Paramio Gutiérrez.
• Webs fiables. Mª Luz Paramio Gutiérrez.
• Aprender a buscar na rede con eficiencia. Olga Rodríguez e Charo Sánchez Gabriel
• Como presentar un traballo escrito. IES Illa de Arousa (A Illa de Arousa, Pontevedra)
• Como facer un traballo monográfico. CEIP de Leirado (Salvaterra de Miño, Pontevedra)
• Guía para aprender a buscar en Internet. CEIP Reibón (Moaña, Pontevedra)
• Tic para Investigación e Tratamento da Información. IES Monte Carrasco (Cangas do Morrazo, Pontevedra)

3. RECURSOS PARA O TRABALLO POR PROXECTOS

• Biblioteca escolar e traballo por proxectos (infografía) 

4. OUTROS RECURSOS PARA ALFABETIZACIÓN INFORMACIONAL E MEDIÁTICA

• Aprender a investigar. ES de libro. CEDRO
• Con brillo de cometa. Educación dixital e astronomía. IES Porto do Son (Porto do Son, A Coruña) 
• Manual para la formación en competencias informáticas e informacionales (CI2)

O calendario civil ofrece oportunidades para que as bibliotecas escolares exerzan o seu papel de apoio ao desenvolvemento do currículo e ás actividades formativas de carácter "transversal" como é a educación en valores. Todos os días son días de traballo pola igualdade pero nestas datas de marzo volve ser urxente lembrar a presenza das mulleres na sociedade e preparar as alumnas (e os alumnos) para exercer os seus dereitos nunha sociedade máis xusta. 

Comezan a chegar novas das actividades nas bibliotecas escolares galegas  arredor desta data:

• CEIP Alexandre Bóveda (Vigo, Pontevedra): Derrubando valos - 8 de marzo
• CEIP de Andrade (Pontedeume, A Coruña): Muller e poesía
• CEIP Antonio Pedrosa Latas (Celeiro-Viveiro, Lugo): Día Internacional da Muller. Álbum de mulleres. As mulleres da miña vida.
  
• CEIP A Ponte (Lugo): Día da Muller
  
• CEIP P. A Pontenova (A Pontenova, Lugo): Día Internacional da muller (reportaxe fotográfico das mulleres da Pontenova nos seus postos de traballo)
• CEIP Conmeniño (O Grove, Pontevedra): Día Internacional da Muller. Descubrindo mulleres artistas
  
• CEIP Couceiro Freijomil (Pontedeume, A Coruña): Día Internacional da Muller Traballadora 2016
  
• CEIP Coutada-Beade (Vigo, Pontevedra): A creatividade feminina cambiou o mundo
• CEIP Frián-Teis (Vigo, Pontevedra): Mulleres entre liñas (investigación en distintas fontes e produción dixital)
• CEIP de Leirado (Salvaterra de Miño, Pontevedra): As mulleres e os traballos (Familias lectoras)
• CEIP Pena de Francia (Mos, Pontevedra): As avoas do noso alumnado -- As historias das avoas aumentan -- Wangari e a defensa da natureza
• CEIP da Pobra de Brollón (Pobra de Brollón, Lugo): María Castaña
• CEIP de Porto Cabeiro (Redondela, Pontevedra): Día da Muller Traballadora, 2016
• CEIP Torre Cela (Bueu, Pontevedra): As mulleres donas do río 
• CPI P. Cabo da Area (Laxe, A Coruña): Semana da prensa e Día da Muller
• CPI da Cañiza (A Cañiza, Pontevedra): Día da Muller Traballadora
• CPI de San Sadurniño (San Sadurniño, A Coruña): Mulleres, matermáticas e literatura. Sofía Kovalévskaia
• CRA de Culleredo (Culleredo, A Coruña): Conticra Día da Muller
  
• EEI Barrionovo (Arteixo, A Coruña): A lectura rompe muros (guía de lectura) --As mulleres de Barrionovo temos moito conto -- As mulleres no Olimpismo
• EEI de Vilarrodís (Arteixo, A Coruña): Os valores das mulleres
• IES Afonso Gómez de Sarria (Sarria, Lugo): Soños e medos de mulleres (exposición)
• IES Concepción Arenal (Ferrol, A Coruña): Día Internacional da muller
• IES Félix Muriel (Rianxo, A Coruña): Día da Muller Traballadora.-- A muller do mar 1 --- A muller do mar 2
• IES Lucus Augusti (Lugo): As "sensombreiro" (recursos e propostas arredor de creadoras e pensadoras da "xeración do 27")
• IES Monte das Moas (A Coruña): Día da Muller (exposición, guía de lectura)
  
• IES Pazo da Mercé (As Neves, Pontevedra): As mulleres na historia das bibliotecas
• IES de Porto do Son (Porto do Son, A Coruña): A muller na ciencia: ficción?
• IES Ramón María Aller Ulloa (Lalín, Pontevedra): Contra os estereotipos de xénero na Banda Deseñanda / Cómic
• IES San Paio (Tui, Pontevedra): Escolma poética de Manuel María "Versos Femininos"-- Cine en feminino-1 -- Cine en feminino-2 -- 80 anos despois, memoria gráfica das mulleres na Guerra Civil
• IES Santiago Basanta Silva (Vilalba, Lugo): Día Internacional da Muller. Suxestións.
  
• IES Universidade Laboral (Culleredo, A Coruña): Recordando o Día da Muller Traballadora --A muller no traballo: moito por percorrer no ncamiño da igualdade
  
• IES Xoán Montes (Lugo): Bocas seladas
  

Docunautas é o título do proxecto levado a cabo polo alumnado de 1º de ESO do IES Xoán Montes, de Lugo, durante o curso 2014/2015 e que mereceu un dos premios do II Concurso de Traballos por Proxectos, convocado pola Consellería de Cultura, Educación e O.U., na modalidade de "proxectos realizados na materia de 1º de ESO Proxecto Interdisciplinar".

Este proxecto anual, centrado nas expedicións históricas e as persoas que as levaron a cabo tiña tamén como obxectivo axudar o alumnado a desenvolver competencia informacional. A memoria e toda a documentación contida no site específico do Proxecto permiten coñecer en profundidade todo o proceso, as finalidades do mesmo, os contidos traballados e os recursos empregados. 

• MEMORIA DO PROXECTO: DOCUNAUTAS
• DOCUNAUTAS (espazo web)
• Asestantigas: Exploracións e exploradores (Selección de recursos en Pinterest)
  
• Portanona (Blogue da biblioteca do IEX Xoán Montes)

Velaquí a relación dos centros que resultaron recoñecidos no II Concurso de Traballos por Proxectos, convocado pola Dirección Xeral de Centros e RRHH, no contexto do Plan LÍA de bibliotecas escolares  (Lectura, Información, Aprendizaxe) para experiencias levadas a cabo durante o curso 2014/2015. Os centros teñen enlaces directos aos seus traballos. De todos modos iranse difundindo un a un os diferentes proxectos galardoados neste mesmo apartado.