Skip to Content

Blogue de admin

'El jardín de Matisse' e 'Maus', primeiras lecturas compartidas nos clubs de lectura

O álbum ilustrado El jardín de Matisse inaugurou o clube de lectura Petiscos de Arte con nada máis e nada menos ca 29 rapaces e rapazas de 1º e 2º da ESO, que renderon homenaxe a Matisse nunha explosión de formas e cores que invadiu a Biblioteca. Na próxima sesión descubriremos a Yayoi Kusama. 

Pola súa banda, o alumnado de Bacharelato, acompañado polas profesoras de Historia, Bea e María e a coordinadora do clube, Cristina, achegáronse a unha obra mestra da BD, premiada cun Pulitzer en 1992: Maus, de Art Spiegelman.

Deste modo, comeza a súa andaina o clube Historias de Historia, cunha necesaria ollada ao pasado para entender e reflexionar sobre os perigos que nos asexan no presente.

A exposición "Rompe. Xoga en Igualdade" chega ao Multiúsos de Arcade

Este xoves ás 12h inaugurarase no Multiúsos de Arcade a exposición Rompe. Xoga en Igualdade, promovida pola Deputación de Pontevedra e acollida pola Concellería de Igualdade do Concello de Soutomaior.

Esta proposta de Isabel Blanco e Irene Silva reivindica a igualdade entre homes e mulleres e promove a concienciación social visualizando a posición de discriminación da muller, que é o xerme da violencia machista. Trátase dunha exposición de poesía visual na que o obxecto fala por si mesmo precisando apenas un texto explicativo. As bonecas elixidas para o proxecto interviñéronse para amosar situacións de desigualdade, violencia e discriminación e recalcar a importancia do xogo na educación e a formación de nenas e nenos así como na transmisión de valores. 

A mostra poderá ser visitada ata o 11 de decembro en horario de luns a venres, entre as 10h e as 14h, e martes e xoves pola tarde entre as 16h e as 20h.

Animádevos a participar nos clubs de lectura!

Os Clubs de Lectura do instituto xa están en marcha. Preguntade na Biblioteca e sumádevos. Que que é un club de lectura? Todo un mundo por descubrir! Botádelle unha ollada ao blog da biblioteca e xa veredes todo o que se fixo no curso pasado.

O noso centro

O centro conta cos seguintes espazos:

16 aulas de grupo

4 aulas de desdobres

Biblioteca

Ximnasio

3 laboratorios de Física, Química e Bioloxía

Aula de Música

Aula de Educación Plástica

Taller de Tecnoloxía

2 aulas de Informática

 Aula de Usos Múltiples

Pista polideportiva exterior

Cafetería

Sala de Profesorado

Sala de Atención a Nais e Pais

Secretaría

Conserxería

5 despachos de Dirección e Orientación

4 Despachos dos Departamentos Didácticos

Baños adaptados

Elevador

Xornada de portas abertas e información sobre seccións bilingües e viaxe de inmersión lingüística (Curso 2019-2020)

portas abertas

Este venres día 7 de xuño teremos unha xornada de portas abertas para as familias que solicitaron matrícula no instituto e queiran coñecer o centro (tríptico informativo). Esta actividade comezará ás 16:30 cunha acollida no recibidor de entrada e unha visita guiada polas instalacións. Rematará na sala polivalente, onde trataremos de responder a todas as dúbidas que se formulen.

Se queredes pasarvos a coñecernos, estaremos encantados de guiarvos na visita.

Así mesmo, achegamos varias follas informativas, que podedes descargar, con información de interese sobre:

1.- Seccións bilingües, que recolle a información dada na reunión do día 21 de maio.

2.- Autorización para participar nas seccións bilingües (se estades interesados/as en que as vosas fillas e fillos participen neste programa). Non implica anotarse xa definitivamente, mais sérvenos para coñecer o número de alumnos/as interesado/as nesta oferta.

3.- Sondeo sobre a participación nun Curso de inglés intensivo en Malta. Proposta do Departamento de Inglés para valorar o interese das familias.

Pregamos que nos devolvades cubertas as follas dos puntos 2 e 3 para poder facer unha mellor planificación do vindeiro curso. Podedes facer a entrega no instituto ou nos centros de primaria. Se algunha familia xa cubriu estas instancias non precisa repetilas.

David Alján, finalista no VII Certame de Relato Curto organizado pola FANPA

David Alján Lusquiños, alumno de 4º ESO, volveu dar mostra das súas dotes para a escrita literaria no VII Certame de Relato Curto convocado pola FANPA para todos os centros públicos da provincia. A participación nesta edición acadou unha cifra récord con 1300 textos nas diferentes categorías (Primaria, ESO, Bacharelato e FP e Adultos) e só 120 relatos pasaron á final.

Ademais deste recoñecemento e do diploma acreditativo, o relato "O panda" recóllese nun libro publicado pola editorial Kalandraka, fermosamente ilustrado por Ramón G. Trigo e amadriñado pola escritora Concha Blanco, que foi homenaxeada no acto de entrega de premios que tivo lugar no Auditorio do Pazo da Cultura de Pontevedra este venres 31 de maio. Ademais, o texto será publicado neste verán nas páxinas do Diario de Pontevedra, pero xa podedes lelo, e recomendamos vivamente a súa lectura, premendo aquí

Moitos parabéns, David, e grazas por compartir con todos e todas nós as túas creacións.

Distribuir contido


by Dr. Radut