Skip to Content

Lingua Galega

Programacións 2023/2024

Para ver ou descargar as programacións didácticas para o curso 2023/2024, premer en anexos.

Taller de escritura creativa 2ºESO

O alumnado de 2ºESO realizou unha actividade de escritura creativa na metade do 1º trimestre para a materia de Lingua galega e literatura. A proposta consistía en crear instrucións literarias para as rutinas da vida que escollesen: atar os zapatos, lavar a cara... O modelo do que partían era: «Instrucións para subir unha escaleira» de Julio Cortázar.

Despois, a titoría de 2ºESO A engadiu ilustracións relacionadas cos textos e, co título de Instrucións para espertar a imaxinación, presentou o traballo para todo o centro nun mural que se encontra no vestíbulo do IES de Soutomaior. Ademais, propuxeron un pequeno concurso para o alumnado de 1ºESO: Instrucións para perderlle o medo a... O texto gañador foi dun grupo de 1ºA: Instrucións para perderlle o medo... ás arañas.

Galería de fotos

Adaptación da Programación Didáctica (abril 2022)

Segundo a Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.

 Premer na imaxe

Departamento de Lingua Galega: composición, programación didáctica e libros de texto (Curso 2022-2023)

O Departamento de Lingua Galega está formado no presente curso por:

Fernando Blanco Rivera (Xefe de Dpto.): imparte LGL en 2ºBACH, 1º BACH e 4º ESO. Obradoiro de habilidades comunicativas en 1º BACH.

Alba Loureiro Vázquez: imparte LGL en 2º BACH. 1º BACH e 3º ESO.

Adriana R. Vázquez Gómez: imparte LGL en 1º ESO e 2º ESO.

Marría Dolores Ferro: imparte LGL en 1º ESO

Premendo na imaxe anterior ou na seguinte ligazón accédese á Programación Didáctica do Departamento de Lingua Galega para o presente curso, que así mesmo está depositada no centro escolar para a súa consulta.

Para acceder ao resumo dos criterios de avaliación e promoción das seguintes materias preme en:

ESO 1º BACH
2º BACH Obradoiro

Os libros de texto empregados neste curso son:

  • 1º, 2º, 3º e 4ºESO: contidos dixitais do Proxecto EDIXGAL.
  • Lingua galega e literatura 1º Bacharelato. Lingua e literatura, Xerais.
  • 2º de Bacharelato: non hai libro.

 

Seique: saímos ao encontro da memoria

Máis imaxes do acto aquí.

No día de onte, martes 6 de abril, saímos ao encontro da literatura con Susana Sánchez Arins, autora de seique, un libro que serviu de fío condutor dun coloquio moi ben guiado por Leticia, Aia e Anxo para os seus compañeiros e compañeiras de 2º de Bacharelato. E dicimos "saímos" porque literalmente saímos ao patio para gozar da tarde soleada e cumprir os protocolos de seguridade e hixiene aos que obriga a actual crise sanitaria.

Unha antiga fotografía familiar, a omnipresenza dunha sombra, a memoria das vítimas da represión, a súa dignidade e a loita contra o esquecemento da barbarie franquista, a violencia... seique... Unha historia que se constrúe a retallos, de forma maxistral, a medio camiño entre a narrativa breve, a poesía, a literatura de tradición oral, os arquivos históricos... seique... "se foi assim de mau com os irmãos e irmãs como seria com os de fora"... seique. 

As preguntas do alumnado foron desentrañando eses disquedisques e aínda abordaron outros temas como as motivacións literarias da autora, a súa práctica lingüística reintegracionista, o sistema cultural galego, outras propostas lectoras, os sistema educativo...  

Estámoslle moi agradecidos á autora pola súa dispoñibilidade para se achegar ao noso centro e manter este encontro co alumnado e, sobre todo, pola súa cercanía, que fixo que a conversa fluíse e espertase o interese de todos e de todas.  

Esta actividade enmárcase no Programa de Encontros Literarios que convoca a Dirección Xeral do Libro e Fomento da Lectura do Ministerio de  Cultura e Deporte. 

Encontro con Susana Sánchez Arins, autora de "seique"

O próximo 6 de abril o alumnado de 2º de Bacharelato terá un encontro con Susana Sánchez Arins, autora de seique, Premio V Gala do Libro 2020 na modalidade de Narrativa e Premio Libro del Año da Asociación de Librerías de Madrid de 2019 na categoría de Ficción.

Como se sinala na presentación editorial da obra, "seique não é um poemário, seique não é um romance, seique não é um ensaio, seique não é uma pesquisa histórica. porém, seique recolhe alguma cousa de cada um desses géneros. seique nasce duma estória de vida insignificante, anónima, para abordar uma reflexão sobre a [des]memória e as maneiras de construir a História".

Esta actividade desenvólvese no marco do Programa Encontros Literarios que convoca a Dirección Xeral do Libro e Fomento da Lectura do Ministerio de Cultura e Deporte.

Reseña en Lecturafilia.

Letras Galegas 2020

O alumnado de 2º ESO elaborou estes poemas ilustrados para festexar o Día das Letras Galegas 2020. Moitos parabéns por este fermoso traballo e moitas grazas por agasallarnos con estes fermosos textos!

Non son fadas, son as nosas heroínas do cotián

Non son fada

Máis imaxes dos murais aquí.

Rosalía de Castro deu voz en Follas novas a "aquelas escuras e valerosas heroínas que viven e morren levando a cabo feitos marabillosos por sempre ignorados, pero cheos de milagres de amor e de abismos de perdón". Na súa modestia, para Rosalía eran "historias dignas de ser contadas por mellores poetas" ca ela.

E dende a modestia, pero con moita fachenda e moito cariño, con motivo da xornada reinvindicativa do 8 de Marzo, as alumnas e os alumnos de 2º da ESO, e tamén algúns mozos e mozas de 3º da ESO, quixeron homenaxear as súas heroínas do cotián: Dolores, Valentina, Rosalía, Elisa, María Erundina, Josefa, Marta, Nicolasa Paulina, Ángela, Rosa, Pepita, Lorenza, Rosita, Maruja, Clotilde, Carme, María... Nelas, o noso alumnado valorou capacidades, valores, aptitudes, traballos e accións que as converten en exemplos de loita e superación dos que aprender e dos que estar orgullosos.

As súas heroínas do cotián asomaron aos corredores do Instituto a través dos murais que elas e máis eles (as súas netas, fillas, sobriñas, veciñas...) elaboraron nas semanas previas ao 8M pero que, por mor da cancelación das clases, non puideron ter a proxección que merecerían entre a comunidade educativa.

No regreso ás aulas, non o dubidedes, habemos voltar sobre as vidas das nosas heroínas do cotián!

Distribuir contido


by Dr. Radut