Skip to Content

Lingua Galega

Departamento de Lingua Galega: composición, programación didáctica e libros de texto (Curso 2020-2021)

O Departamento de Lingua Galega está formado no presente curso por:

Fernando Blanco Rivera (Xefe de Dpto.): imparte LGLen 2º ESO A, B e C; LGL en1º BACH A, B e C; e Reforzo de Lingua en 2º ESO A.

Román Cerqueiro Landín (Vicedirección): imparte LGL en 1º ESO A; LGL en2º BACH.  A e B; e Obradoiro de Habilidades Comunicativas en 1º Bacharelato.

Manuel J. Fariña Martínez: imparte LGL en1º ESO B, C e D; e LGL en4º ESO A, B e C.

María Dolores Ferro Diz: imparte LGL en2º ESO D; LGL en3º ESO A, B e C; LGL en4º ESO D; e Reforzo de Lingua en 2º ESO B.

Premendo na imaxe ou na seguinte ligazón accédese á Programación Didáctica do Departamento de Lingua Galega para o presente curso, que así mesmo está depositada no centro escolar para a súa consulta. Para acceder a un resumo dos criterios de avaliación e promoción, preme aquí.

Os libros de texto empregados neste curso son:

  • 1º e 2º ESO: libro dixital do Proxecto EDIXGAL.
  • Lingua e Literatura 3º ESO. VV.AA. Edicións Xerais de Galicia. Edición 2015. ISBN: 978-84-9914-886-1.
  • Lingua e Literatura 4º ESO. VV.AA. Edicións Xerais de Galicia. Edición 2016. ISBN: 978-84-9121-024-5.
  • Lingua galega e literatura 1º Bacharelato. Isabel González Avión e Emilio Ínsua López. Baía Edicións. Edición 2015. ISBN: 978-84-9995-169-0.
  • 2º de Bacharelato: non hai libro.

 

 

 

 

Letras Galegas 2020

O alumnado de 2º ESO elaborou estes poemas ilustrados para festexar o Día das Letras Galegas 2020. Moitos parabéns por este fermoso traballo e moitas grazas por agasallarnos con estes fermosos textos!

Non son fadas, son as nosas heroínas do cotián

Non son fada

Máis imaxes dos murais aquí.

Rosalía de Castro deu voz en Follas novas a "aquelas escuras e valerosas heroínas que viven e morren levando a cabo feitos marabillosos por sempre ignorados, pero cheos de milagres de amor e de abismos de perdón". Na súa modestia, para Rosalía eran "historias dignas de ser contadas por mellores poetas" ca ela.

E dende a modestia, pero con moita fachenda e moito cariño, con motivo da xornada reinvindicativa do 8 de Marzo, as alumnas e os alumnos de 2º da ESO, e tamén algúns mozos e mozas de 3º da ESO, quixeron homenaxear as súas heroínas do cotián: Dolores, Valentina, Rosalía, Elisa, María Erundina, Josefa, Marta, Nicolasa Paulina, Ángela, Rosa, Pepita, Lorenza, Rosita, Maruja, Clotilde, Carme, María... Nelas, o noso alumnado valorou capacidades, valores, aptitudes, traballos e accións que as converten en exemplos de loita e superación dos que aprender e dos que estar orgullosos.

As súas heroínas do cotián asomaron aos corredores do Instituto a través dos murais que elas e máis eles (as súas netas, fillas, sobriñas, veciñas...) elaboraron nas semanas previas ao 8M pero que, por mor da cancelación das clases, non puideron ter a proxección que merecerían entre a comunidade educativa.

No regreso ás aulas, non o dubidedes, habemos voltar sobre as vidas das nosas heroínas do cotián!

Distribuir contido


by Dr. Radut