Actividades realizadas

CONCURSO ENTROIDO VIRTUAL 2021

Como xa sabedes, este ano o concurso de Entroido ímolo facer de xeito virtual.

As instruccións as tedes en Google drive, onde podedes acceder a través da vosa conta de correo do centro , a que termina en "@iespoetaanon.com".

 

Xa en google drive, tedes que facer click en "Compartido conmigo". Aparecerá un cartafol co nome "Concurso entroido virtual". Nese cartafol tedes as instrucións para a participación no concurso.  ANIMÁDEVOS A PARTICIPAR!!! Guiño

 

LIMPEZA DE PRAIAS

Non quixemos deixar de participar na 2ª limpeza de praias simultánea que organizou o Concello de Outes como resposta á convocatoria feita pola asociación ecoloxista ADEGA. Para adaptarnos ao contexto COVID decidiuse a participación dun único curso, 2º ESO, presupoñendo a súa maior implicación co ambiente e a natureza polo feito de participar no Proxecto Climántica.

ENTROÍDO 2020

Un ano máis o alumnado do IES POETA AÑÓN celebrou a chegada do Entroído cun concurso de disfraces, eses foron os premiados. Atoparás máis fotos na galería.

PATIOS INCLUSIVOS

Durante os días 11, 12 e 13 de febreiro o alumnado de 1º e 2º participará nun obradoiro impartido por Miudiño SCG no que trataremos a exclusión, a promoción da igualdade e a prevención da violencia de xénero.

VISITA A SOGAMA- 4º ESO

O mércores 5 de febreiro dentro da programación de actividades de "Outes por un futuro sostible", o alumnado de 4º de ESO, visitou o Complexo Medioambiental de SOGAMA en Cerceda.

Alí comprobamos de primeira man a necesidade de reciclar máis e mellor.

 

ESCOLA DE FAMILIAS: 2ª reunión. Curso 2019-20

LUNS 17 de febreiro ás 18,30 horas.

Nesta segunda xornada trataremos o tema das Redes sociais e a relación co acoso escolar. Será impartida por membros da Garda Civil dentro do Plan Director para a convivencia e mellora da seguridade nos centro educativos no que o IES participa desde hai varios anos.

Plan Director. Curso 2019-20

Estas actividades será impartida por membros da Garda Civil dentro do Plan Director para a convivencia e mellora da seguridade nos centro educativos.

Martes 11 de febreiro ás 12,25, alumnado de 3º e 4º de ESO: Problemas relacionados co consumo de alcol e drogas.

Luns 17 de febreiro ás 16,20, alumnado de 1º e 2º de ESO: Redes sociais e acoso escolar.

CLUB DE DEBATE

Por iniciativa dos equipos de Dinamización de Lingua Galega de varios concellos (incluído o concello de Outes) se organiza un torneo de debate entre o alumnado 3º, 4º de ESO e 1º de bacharelato co obxectivo de favorecer o uso do galego oral en contextos formais (os propios debates) e informais (a convivencia que se xera nas xornadas de debate). Os contidos que se traballan principalmente teñen que ver coas habilidades comunicativas e a oratoria, mais tamén é necesario un proceso

ESCOLA DE FAMILIAS. Curso 2019-20

Poñemos en marcha a Escola de Familias para o curso 2019-20. Como en anos anteriores faremos unha reunión por trimestre nas que trataremos de mellorar o noso coñecemento sobre temáticas que nos preocupan a todos.

A primeira reunión terá lugar no IES Poeta Añón o vindeiro xoves 21 de novembro ás 18,30 horas.

O lema de traballo escollido polo centro para este curso é "Outes por un futuro sostible". Neste contexto, na sesión do primeiro trimestre trataremos o tema "Emerxencia climática: redución de uso de plásticos. Que podemos facer dende casa?".

Sensibilización contra a violencia de xénero

Dentro das actividades propostas polo CIM do concello de Outes Montse Fajardo estará o vindeiro 21 de novembro no IES coa charla “Invisibles: falamos da violencia machista a través do relato das vítimas”, que xirará entorno ao seu libro Invisibles, relatos do maltrato, que veu a luz en novembro de 2017.

Esta actividade está financiada con fondos procedentes do Pacto de Estato contra a violencia de xénero e forma parte dun programa de sensibilización, información e difusión sobre a igualdade e prevención da violencia contra ás mulleres. IMAXE DA ACTIVIDADE

Powered by Drupal - Design by artinet