Se hai unha cita esperada e desexada en 2º BAC, esta é a da súa graduación.
A comezos de semana, o Auditorio Provincial enchíase de ilusión, emotividade e, tamén, algún que outro nervo, nun acto de graduación no que non faltaron as palabras de toda a comunidade educativa (profesorado, alumnado e familias), actuacións musicais, recoñecementos ao alumnado do bacharelato de excelencia, así como ao que rematou a súa etapa post obrigatoria con matrícula de honra e, como non, a tan ansiada recollida de diploma e posta de banda.
Parabéns aos 112 graduados e graduadas, toda a sorte do mundo para a nova etapa que están a piques de encetar e, o máis importante, FELIZ VIDA.
IES OTERO PEDRAYO. ENSINO PÚBLICO. ENSINO DE CALIDADE.
