Skip to Content

Índice, Conferencias, Documentación, Eventos, Notas de prensa, Prácticas

Once alumnos del Bachillerato de Excelencia del Lucus Augusti presentaron con gran éxito los proyectos.

No todos valen. La mayoría ni siquiera da la talla para entrar, otros carecen del interés y la iniciativa precisos y algunos abandonan por el camino ante la presión y el esfuerzo necesarios. Y los que llegan al final tampoco obtienen una recompensa acorde con su esfuerzo, más allá de su propia satisfacción. Son los alumnos del Bachillerato de Excelencia en Ciencias y Tecnología (STEMBach), que la Xunta puso en marcha en varios institutos de Galicia hace dos años con el objetivo de fomentar la vocación del alumnado hacia la investigación científica y tecnológica.

Ler máis

PRESENTACIÓN DE PROXECTOS STEMBACH 2019/21

Hoxe, 11 de marzo de 2021, tivo lugar no salón de actos do noso IES a defensa de proxectos STEMbach da promoción 2019/21. Os 5 proxectos presentados, dirixidos por titores universitarios da USC, foron: “uso de plataformas software aplicadas á programación de robots” por David Díaz López e Paula Vázquez Tello; “caracterización quimiométrica de leite ecolóxica” por Diego Piñeiro Lage; “deseño dunha solución que facilite a creación de proxectos de domótica avanzados para espazos intelixentes” por Raquel González e Silvia Vázquez; “drons: realización dun modelo 3D cun DJI Mavic Mini” por Anxo Losada Fernández, Carmen Pérez Varela e Dulce Melody Vila Pérez e “indución dunha mutación en peixes cebra” por Yago Somoza García-Losa, Laura Besteiro Corral e Lucía Álvarez Brito.

O tribunal avaliador estivo formado por Xoán Carlos Rodríguez García, Paulino Martínez Portela e Carlos Cazón Rivas. Un ano máis, tódolos alumnos obtiveron a máxima cualificación e recibiron os seus diplomas de asistencia e aproveitamento.

Álbum: Sen categoría -> proxectos 19/21

REALIZACIÓN DE PROXECTOS

Os alumnos de segundo curso de STEMbach andan a ultimar os seus proxectos. Tres estudantes fano sobre drons. Dous sobre domótica e outros dous sobre robótica. Outros tres sobre xenética dunha enfermidade e outro sobre quimiometría. 

Agardamos con moita expectación estas presentacións, que serán o vindeiro mes ou meses no noso IES. De feito, o curso pasado esta actividade, realizada polos noutrora alumnos de segundo curso, foi a mellor valorada polos poñentes deste curso. Moito ánimo no treito final deste bacharelato.

Álbum: Sen categoría -> proxectos 19/21

PRÁCTICAS: ENSAIOS NON DESTRUTIVOS EN MADEIRA

Este 4 de marzo o alumnado STEMbach realizou prácticas nun dos talleres da Escola Politécnica Superior da USC, repetindo a experiencia dos da primeira promoción. Baixo a dirección da profesora María Elena Fernández Rodríguez, do Departamento de Enxeñaría Agroforestal, realizaron ensaios non destrutivos en distintas madeiras para determinar algunhas das súas propiedades.

Alí viron unha máquina de ensaios de flexión, similar á que xa utilizaron o pasado 8 de xaneiro no noso IES, inda que de maiores dimensións. Recordaron os ensaios destrutivos xa realizados, e nesta sesión realizaron ensaios como a medición da humidade por conductividade cun xilohigrómetro. Tamén empregaron un medidor do tempo de propagación dunha onda de impacto, que pode empregarse para detectar zonas podres ocultas ou buracos, o que é útil no mantemento de árbores urbanas. Recibiron información do funcionamento de técnicas como a tomografía acústica ou de ultrasóns e viron algún equipo que recolle e almacena dixitalmente os datos obtidos.

Álbum: Sen categoría -> practicas madeira ND

PRÁCTICAS DE LABORATORIO: EXTRACCIÓN DE ADN, PCR E VISUALIZACIÓN DE RESULTADOS

Os profesores da Familia Química do noso IES, Xoán Carlos Rodríguez, Belén Reija e Gloria Grueiro, dirixiron este 19 de febreiro esta práctica de xenética, empregando o kit DNA-MEAT, adquirido polo noso centro ao grupo de innovación docente XuvenCiencia. https://xuvenciencia.org/portal/xc-na-aula/dnameat/

Extraeron o ADN de carnes de porco, tenreira, mestura de porco e tenreira, e polo. Para axilizar o proceso, no tempo que durou a extracción fixeron a reacción en cadea da polimerasa, PCR. Para esta reacción empregaron mostras extraídas anteriormente por alumnos do Ciclo Superior de Química. Finalmente, mentres os termocicladores con tapa termostatizada remataban a amplificación do material xenético, visualizaron resultados, empregando a técnica de fluorescencia molecular, de mostras similares obtidas en días previos.

Este ensaio de trazabilidade animal permitiu a identificación da presenza das dúas principais carnes consumidas en Galicia e introducir o alumnado nas técnicas de bioloxía molecular.

Álbum: Sen categoría -> Prácticas xenética
Distribuir contido


by Dr. Radut