Skip to Content

exposición

Exposicións nas vitrinas do Lucus:

Neste espazo podes ver as distintas exposicións que se fan nas vitrinas do IES Lucus Augusti ó longo do curso, poden ser do propio centro ou de entidades alleas ó mesmo.


 

Maquetas do ADN

As maquetas foron realizadas polos alumnos de 4º ESO de bioloxía e xeoloxía (4º A e 4º B). A finalidade da actividade era que comprendesen a estrutura do ADN. Unha vez estudiada a súa estrutura secundaria (modelo da dobre hélice de Watson e Crick), os alumnos debían construír unha maqueta (modelo tridimensional) desta biomolécula. Para realizar a maqueta podían utilizar diferentes materiais, cada un os que quixera. Despois de ver vídeos de YouTube nos que facían maquetas de ADN con diferentes materiais: gominolas, papel (origami), bolas e palilos, etc., os alumnos podían escoller algunha desas ideas, ou podían optar por facer a maqueta libremente, utilizando os materiais que eles quixeran.
 As maquetas podían ter unha lenda, onde se indicara o que é cada elemento,unha vez feitas, tiñan que saber explicar a estrutura do ADN ou contestar a preguntas concretas feitas pola profesora, baseándose na súa maqueta.

Álbum: Nasvitrinas -> Maquetas ADN

Die Schultüte

Die Schultüte

Unha Schultüte é un cono de cartón ou cartulina cheo de caramelos, doces, xoguetes e outras sorpresas.

En Alemaña é tradición que os pais llelo regalen aos seus fillos e fillas o primeiro día da escola. A tradición remóntase ao século XIX e orixinouse nas rexións nas rexións de Turinxia e Saxonia.

Estes cornetes están feitos de cartón, papel de seda, etc e adoitan ser moi coloridos, con debuxos e cintas de cores.

Unha vez feitas as presentacións nas aulas permíteselles ás nenas e nenos abrir os seus cornetes e ver as sorpresas.

Ë moi habitual facer unha foto a cada neno e nena coa súa Schultüte como recordo do primeiro día do curso escolar.

Aquí no noso instituto, fannos o alumnado de 1ºESO para celebrar o seu “primeiro día” de contacto co alemán.

Willkommen! Benvidos!!!

Álbum: Actividades 23/24 -> Die Schultüte

Exposición: Educación en Femenino: Un paseo pola Historia

Exposición: Educación en Femenino: Un paseo pola Historia

Préstamo da Facultade de Formación do Profesorado (Campus de Lugo, USC)

Álbum: Nasvitrinas -> Educación en Femenino

Exposición da biblioteca feminista

Esta semana, con motivo do 8M, expoñemos nasvitrinas do Lucus unha mostra da nosa biblioteca feminista.

Álbum: Nasvitrinas -> Bibloteca feminista

CONSTRUÍNDO MOLÉCULAS EN 3D

 O alumnado do Club de ciencia do IES Lucus Augusti construíu moléculas de diferentes substancias orgánicas, previamente elixidas de acordo cos seus intereses. Os aminoácidos L-fenilalanina e L-arginina, a cafeína e a glucosa, o ácido acético, o trinitrotolueno e os alcohois etoxietanol e etilenglicol foron algunhas das seleccionadas.

 Ao remate da actividade fíxose unha exposición nas vitrinas da entrada do centro.

 A actividade desenvolveuse ao longo de varias sesións:

   1ª) Busca de información, elección da substancia e análise e debuxo da molécula a construír.

 Pintado das bolas de porexpan necesarias para cada molécula de acordo co código de cores indicado (vermello o átomo de osíxeno, azul o de nitróxeno e deixouse en branco o hidróxeno); preparación das variñas de madeira para os enlaces.

   2ª) Construción das moléculas e inicio da elaboración dos documentos coa información das diferentes substancias representadas.

     3ª) Creación dos códigos QR vencellados á información de cada substancia, así como da cartela identificativa da mesma, e montaxe da exposición.

Álbum: Sen categoría -> Nasvitrinas
Distribuir contido


by Dr. Radut