Skip to Content

Matrícula no IES Lucus Augusti para o curso 2023/24

Xov, 22/06/2023 - 10:50

A matrícula no curso 2023/24 para o alumnado do IES Lucus Augusti e para o que está admitido neste centro, vai ser do 23 de xuño ó 7 de xullo e faise cubrindo o formulario por curso na ligazón que aparece nesta nova. Aquel alumnado que sexa admitido no IES Lucus Augusti despois do 7 de xullo terá un novo prazo que será publicado nesta páxina.

Formularios

INTERCAMBIO SOLIDARIO LIBROS DE TEXTO LUCUS AUGUSTI (XULLO 23)

Mar, 13/06/2023 - 13:33

O intercambio é de «carácter solidario», é dicir, o feito de entregar libros non implica que tamén se poidan recoller, debido a que coa implantación dos novos currículos, só se recollerán e entregarán libros de 1º ESO, 3º de ESO e 1º BAC.

As datas serán as seguintes:

– 3 de Xullo, luns, de 10h a 12h: entrega de libros.

– 4 de Xullo, martes, de 10h a 12h: recollida de libros.

Criterios para a repartición dos libros:

1º Ter entregados libros.

2º Ser beneficiario da Axuda de Material Escolar.

NOTA IMPORTANTE: As familias que doen libros este curso, terán preferencia á hora de recibir libros no INTERCAMBIO SOLIDARIO 2024.

PREMIO OLLOBOI para OS SORRISOS TAMÉN DOEN de Patricia Rodríguez

Mér, 07/06/2023 - 11:01

O pasado 26 de maio un grupo de alumnos de 4º ESO do IES Lucus Augusti recolleu o premio ZAMBURRIOI á mellor curta no festival de cine OLLOBOI en Boiro.
A curta, que trata sobre a soidade e o sufrimento dunha rapaza que é vítima de acoso escolar, foi elexida entre 111 pezas polo xurado, que destacou a importancia de visibilizar este tipo de problemas.Que orgullosos estamos no Lucus do traballo destes rapaces!

Imaxes

INFORMACIÓN PARA AS FAMILIAS SOBRE A DEVOLUCIÓN DO EQUIPAMENTO E-DIXGAL

Lun, 05/06/2023 - 18:48

O IES lucus Augusti participa na iniciativa E-Dixgal do proxecto Abalar para o uso das novas tecnoloxías da información e da comunicación, polo que o alumnado dispón para o seu uso persoal dun ordenador portátil, co seu correspondente maletín, cargador e punteiro.

O alumnado de 4ºESO que remate os estudos de ESO deberá entregar obrigatoriamente o equipo de acordo co seguinte calendario:

    • 4º ESO A: Martes día 20 de xuño ás 9:55 horas.

    • 4º ESO B: Martes día 20 de xuño ás 13:40 horas.

    • 4º ESO C: Martes día 20 de xuño ás 9:05 horas.

    • 4º ESO D: Luns día 19 de xuño ás 13:40 horas.

Os equipos deberán ser entregados en perfectas condicións (limpos e co seu correspondente maletín con arnés, cargador e punteiro) nas datas indicadas. As familias deberán asinar un documento de entrega facilitado polo centro.Todo será recollido polo titor ou titora e o coordinador Edixgal na data e hora indicadas para cada grupo e na súa propia aula.

Nota informativa

Presentación do libro: A vida desmedida de Basilio Álvarez

Mar, 30/05/2023 - 21:44

O próximo xoves 8 de xuño, ás 19:00h, no salón de actos do IES Lucus Augusti será a presentación do libro: A vida desmedida de Basilio Álvarez, participan no acto, organizado polo departamento de Xeografía e Historia do IES Lucus Augusti, o autor D.Miguel Cabo Villaverde e D.Henrique Hervés.

Cartaz

Información para as familias con alumnado na ESO e que queira pedir axudas para material escolar

Mér, 24/05/2023 - 13:59

 No D.O.G. do 19 de maio de 2023 publicouse a Orde do 10 de maio que regula a participación no fondo solidario de libros de texto e se convoncan axudas para adquirir material para o curso 2023 /24.

Como aspectos máis destacables desta orde pódense sinalar:

E-DIXGAL: O alumnado matriculado nos centros e cursos incluídos no proxecto de educación dixital será excluido da participación no Fondo solidario de libros. No LUCUS AUGUSTI haberá EDIXIGAL en toda a ESO polo que o alumnado non terá a axuda de Fondo libros.

 

AXUDAS PARA ADQUIRIR MATERIAL ESCOLAR: Pode solicitar ditas axudas (importe 75€ ou 60€, segundo o caso):

 

a) O alumnado da ESO tutelado pola Xunta.

 

b) O alumnado con discapacidade igual ou superior ao 65%.

 

c) O alumnado pertencente a familias cunha renda per cápita que igual ou inferior a 10.000€.

 

AXUDAS PARA ADQUIRIR LIBROS DE TEXTO DESTINADAS AO ALUMNADO CON DISCAPACIDADE IGUAL OU SUPERIOR AO 65% E ALUMNADO NEAE. No caso de que, a xuízo do centro docente, o alumnado con necesidades específicas de apoio non poida utilizar os libros de texto ou o material dixital do curso no que estea matriculado.

 

PRAZO DE SOLICITUDES: 19 de maio ao 21 de xuño de 2023.

 

Distribuir contido


by Dr. Radut